ഭാര്യയേയും മകളെയും ആക്രമിച്ചയാൾ റിമാൻഡിൽ

പരപ്പനങ്ങാടി : ഭാര്യയെയും മക്കളേയും അക്രമിച്ചയാൾ റിമാൻഡിൽ. ദേഹോപദ്രവമേൽപ്പിക്കുകയും കൊലപ്പെടുത്താൻ ശ്രമിക്കുകയും ചെയ്തുവെന്ന ഭാര്യയുടെ പരാതിയിൽ ചെട്ടിപ്പടി കോയംകുളം വി.കെ. സൈനുൽ ആബിദിനെയാണ് പരപ്പനങ്ങാടി പൊലീസ് അറസ്റ്റ് ചെയ്തത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.

ശ്വാസം മുട്ടിച്ച് കൊല്ലാൻ ശ്രമിക്കുകയും പതിമൂന്ന് വയസുള്ള മകളെ ദേഹോപദ്രവം ഏൽപ്പിക്കുകയും ചെയ്തുവെന്നാണ് പരാതി. ഭാര്യയെ സ്ത്രീധനത്തിന്റെ പേരിൽ ദേഹോപദ്രവം ഏൽപ്പിച്ചതിന് 2020 ൽ ഇയാൾക്കെതിരെ കേസെടുത്തിരുന്നു. ഈ കേസ് നിലവിൽ പരപ്പനങ്ങാടി കോടതിയുടെ പരിഗണനയിലാണ്.