ഓട്ടോ ഡ്രൈവറെ പുഴയിൽ കാണാതായി

പാനൂർ: കതിരൂരിനടുത്ത ചുണ്ടങ്ങാപ്പൊയിൽ ചാടാല പുഴയിൽ ഓട്ടോ ഡ്രൈവറെ കാണാതായി. താഴെചമ്പാട് സ്വദേശി ഇടത്തിൽ താഴെകുനിയിൽ ജനാർദ്ധന(60)നെയാണ് ചാടാലപ്പുഴയിൽ കാണാതായത്.

തിങ്കളാഴ്ച ഉച്ചയോടെയായിരുന്നു സംഭവം. താഴെ ചാമ്പാട് ഓട്ടോ സ്​റ്റാൻഡിലെ ഡ്രൈവറാണ് ജനാർദ്ധനൻ. കതിരൂർ, പാനൂർ പൊലീസും ഫയർഫോഴ്സും നാട്ടുകാരും ​ചേർന്ന്​ വൈകീട്ട്​ ഏഴുമണിവരെ തെരച്ചിൽ നടത്തിയെങ്കിലും കണ്ടെത്താനായില്ല. ഇരുട്ടുപരന്നതോടെ നിർത്തിവെച്ച രക്ഷാപ്രവർത്തനം ചൊവ്വാഴ്​ച പുലർച്ചെ തുടരും.

പഞ്ചായത്ത് പ്രസിഡൻറുമാരായ എം. ഷീബ, എ. ശൈലജ, മൊകേരി പഞ്ചായത്ത് വൈസ് പ്രസിഡൻറ് പി. വത്സൻ തുടങ്ങിയവരും സ്ഥലത്തെത്തി.