കഴുത്തിൽ ​മുറിവേറ്റ് റോഡരികിൽ മരിച്ച നിലയിൽ

തിരുവല്ല: തിരുവല്ലയിലെ മേപ്രാലിൽ എഴുപത് വയസ്സുകാരനെ കഴുത്തിൽ മുറിവേറ്റ് റോഡിൽ മരിച്ച നിലയിൽ കണ്ടെത്തി. മേപ്രാൽ വളഞ്ചേരിൽ വീട്ടിൽ പത്രോസിനെയാണ് ഇന്ന് പുലർച്ചെ ആറരയോടെ കാരക്കൽ - മേപ്രാൽ റോഡിലെ ഷാപ്പ് പടിക്ക് സമീപം മരിച്ച നിലയിൽ കണ്ടെത്തിയത്.

മൃതദേഹത്തിന് സമീപത്തു നിന്നും കറിക്കത്തി ലഭിച്ചിട്ടുണ്ട്. തിരുവല്ല ഡിവൈ.എസ്.പി അർഷാദ് അടക്കമുള്ള പൊലീസ് സംഘം സ്ഥലത്തെത്തി. ഫോറൻസിക് വിഭാഗവും ഡോഗ് സ്ക്വാർഡും പരിശോധന നടത്തിയ ശേഷം മൃതദേഹം ആശുപത്രിയിലേക്ക് മാറ്റും.