വയോധികൻ കടയിൽ മരിച്ച നിലയിൽ

വൈത്തിരി: വയോധികനെ തളിപ്പുഴയിലെ കടമുറിയിൽ മരിച്ച നിലയിൽ കണ്ടെത്തി. പനമരം സ്വദേശിയും വർഷങ്ങളായി തളിപ്പുഴയിൽ താമസക്കാരനുമായ കുനിയിൽ അസ്സയിൻ (70) ആണ് മരിച്ചത്.

തിങ്കളാഴ്ച രാവിലെ തളിപ്പുഴയിൽ തടാകത്തിലേക്ക് പോകുന്ന വഴിയിലുള്ള ഷെഡിലാണ് മൃതദേഹം കണ്ടെത്തിയത്. പരേതയായ സഫിയയാണ് ഭാര്യ. മക്കൾ: റസീന, സുമയ്യ, തസ്‍ലി. മരുമക്കൾ: മുഹമ്മദ് അസ്ഹർ, നൗഷാദ്, അൻസാർ.

അസ്വാഭാവിക മരണത്തിന് വൈത്തിരി പൊലീസ് കേസ് രജിസ്റ്റർ ചെയ്തു. മൃതദേഹം ബത്തേരി താലൂക്ക് ആശുപത്രി മോർച്ചറിയിലേക്ക് മാറ്റി.