പേരാവൂരിൽ കാറിടിച്ച് വയോധികന് ദാരുണാന്ത്യം

പേരാവൂർ: വെള്ളർവള്ളി പാമ്പാളിയിൽ കാൽനടയാത്രക്കാരൻ കാറിടിച്ച് മരിച്ചു. കൊട്ടംചുരം സ്വദേശി വടക്കേകരമ്മൽ പദ്മനാഭനാണ് (83) മരിച്ചത്. ശനിയാഴ്ച രാവിലെ 9.30 ഓടെയാണ് അപകടം.

തറവാട്ട് വീട്ടിൽനിന്ന് സ്വന്തം വീട്ടിലേക്ക് റോഡരികിലൂടെ നടന്ന് പോകുന്നതിനിടെ നിയന്ത്രണം വിട്ട കാർ ഇടിക്കുകയായിരുന്നു. സംസ്കാരം പിന്നീട്.

ഭാര്യ: ജാനകി. മക്കൾ: ഹരീന്ദ്രബാബു, ശൈലേഷ് (അബുദാബി), സുധീർ (ഗൾഫ്). മരുമക്കൾ: ഗീത, സ്മിത, സുധ.