മദ്യലഹരിയിൽ തർക്കം; അടിയേറ്റയാൾ മരിച്ചു

കൊല്ലം: സ്വകാര്യ ഹോട്ടലിലെ ബാറിൽ നിന്ന് മദ്യപിച്ച ശേഷം പുറത്തിറങ്ങിയവർ തമ്മിലുണ്ടായ കൈയാങ്കളിയിൽ അടിയേറ്റയാൾ മരിച്ചു. മുണ്ടയ്ക്കൽ നേതാജി നഗർ അമ്പാടി ഹൗസിൽ രാജു (52) ആണ് മരിച്ചത്. വെള്ളിയാഴ്ച വൈകുന്നേരമാണ് സംഭവം.

പള്ളിത്തോട്ടം സ്വദേശിയായ യുവാവി​െൻറ തൊപ്പി രാജു എടുത്തതിനെച്ചൊല്ലിയാണു തർക്കം തുടങ്ങിയത്. കൈയാങ്കളിക്കിടെ യുവാവി​െൻറ അടിയേറ്റ് രാജു വീഴുകയായിരുന്നു. സംഭവത്തിൻെറ സി.സി ടി.വി ദൃശ്യങ്ങൾ പൊലീസ് പരിശോധിച്ചു. സ്ഥലത്തു നിന്ന് രക്ഷപെട്ട യുവാക്കൾക്കായി തിരച്ചിൽ തുടങ്ങി. രാജുവിൻെറ മൃതദേഹം ജില്ല ആശുപത്രിയിൽ.