കഞ്ചാവുമായി യുവാവ്​ അറസ്​റ്റിൽ

കോഴിക്കോട്​: കൊടൈക്കനാലിൽ നിന്ന്​ കോഴിക്കോട്​ നഗരത്തിൽ വിൽപനക്കായി എത്തിച്ച ഒന്നേകാൽ കിലോ കഞ്ചാവുമായി മയക്കുമരുന്ന്​ മാഫിയ സംഘത്തി​െല കണ്ണിയെ കോഴിക്കോട്​ എക്​സൈസ്​ സ്​പെഷ്യൽ സ്​ക്വാഡ്​ അറസ്​റ്റ്​ ചെയ്​തു. പാലക്കാട്​ തിരുവേകപ്പുറം സ്വദേശി ജിജോഷ്​ എന്ന ഷമീർ(32)ആണ് പുതിയപാലത്തു വെച്ച്​​ അറസ്റ്റിലായത്​.

ഏറെ കാലങ്ങളായി പ്രതിക്കു വേണ്ടി എ​ക്​സൈസ്​ വിഭാഗം വല വിരിച്ചിരുന്നെങ്കിലും ഇയാൾ പൊലീസി​േൻറയും എക്​സൈസി​േൻറയും കണ്ണു വെട്ടിച്ച്​ ലഹരി വിൽപന തുടരുകയായിരുന്നെന്ന്​ എക്​സൈസ്​ പറയുന്നു. ബലപ്രയോഗത്തിലൂടെയാണ്​ എക്​സൈസ്​ സംഘം ഇയാളെ കീഴ്​പെടുത്തിയത്​.

ചൊവ്വാഴ്​ച രാവിലെ ഒമ്പതരയോടെ തളി ഭാഗത്തു വെച്ച്​ എക്​​ൈസസ്​ സംഘം പ്രതി സഞ്ചരിച്ച ബൈക്കിന്​ കൈ കാണിച്ചെങ്കിലും ഇയാൾ നിർത്താതെ പോയി. തുടർന്ന്​ ഇവർ ബൈക്കിനെ പിന്തുടരുകയും പുതിയപാലത്തുവെച്ച്​ പിടികൂടുകയുമായിരുന്നു. പ്രതി ബൈക്ക്​ വെട്ടിച്ച്​ ഒരു പോക്കറ്റ്​ റോഡിലൂടെ രക്ഷപ്പെടാൻ ശ്രമിച്ചെങ്കിലും എക്​സൈസ്​ ഇൻസ്​പെക്​ടർ എം.കെ. ഗിരീഷ്​ ബൈക്കിൽ കടന്നു പിടിച്ചു. ഇൻസ്​പെക്​ടറേയും കൊണ്ട്​ ബൈക്ക്​ ഏറെ ദൂരം മുന്നോട്ട്​ പോയെങ്കിലും എക്സൈസ്​ സംഘം ജിജോഷിനെ കീഴ്​​െപ്പടുത്തുകയായിരുന്നു.

പെ​െട്ടന്ന്​ രക്ഷപ്പെടാനായി ലഹരി വസ്​തുക്കൾ ബൈക്കിലെത്തിച്ച്​ വിൽപന നടത്തുന്നതാണ്​ ഇയാളുടെ രീതി. കൊടൈക്കനാൽ, ഡിണ്ടിഗൽ ഭാഗങ്ങളിൽ ലഹരി ഉപയോക്താക്കൾക്ക്​ വേണ്ടി ഡി.​െജ. പാർട്ടികൾ നടത്തുന്നതിൽ പ്രധാനിയും​ പാലക്കാട്​, തൃശൂർ, മലപ്പുറം, കോഴിക്കോട്​ എന്നീ ജില്ലകളിലെ മയക്കു മരുന്ന്​ മാഫിയകളുടെ പ്രധാന കണ്ണിയുമാണ്​ പ്രതിയെന്ന്​ എക്​സൈസ്​ ഉദ്യോഗസ്​ഥർ പറയുന്നു.

എക്സൈസ്​ സർക്കിൾ ഇൻസ്​പെക്​ടർ പി. സജിത്ത്​ കുമാർ, എക്​സൈസ്​ ഇൻസ്​പെക്​ടർ എം.കെ. ഗിരീഷ്​, പ്രിവൻറീവ്​ ഒാഫീസർ കെ.പി. റഷീദ്​, സിവിൽ എക്​സൈസ്​ ഒാഫീസർമാരായ യോഗേഷ്​ ചന്ദ്ര, ഒ.ടി. മനോജ്​ എന്നിവരായിരുന്നു എക്​​സൈസ്​ സംഘത്തിലുണ്ടായിരുന്നത്​. കോടതിയിൽ ഹാജരാക്കിയ പ്രതി​യെ റിമാൻഡ്​ ചെയ്​തു.