17കാരിയുടെ പ്രസവം: പീഡിപ്പിച്ചത് ശീതളപാനീയം നൽകിയ ശേഷം, പു​റ​ത്തു​പ​റ​യ​രു​തെ​ന്ന് കു​ട്ടി​യെ ഭീ​ഷ​ണിപ്പെടുത്തി

ഇ​രി​ട്ടി: പ​തി​നേ​ഴു​കാ​രി ആശുപത്രി ശു​ചി​മു​റി​യി​ൽ പ്ര​സ​വി​ച്ച സം​ഭ​വ​ത്തി​ൽ മ​ല​പ്പ​ട്ടം സ്വ​ദേ​ശി വ​ള്ളു​വ​പ്പ​റ​മ്പി​ൽ കൃ​ഷ്ണ​നെ (53) ഉ​ളി​ക്ക​ൽ സി.​ഐ സു​ധീ​ർ ക​ല്ല​നും സം​ഘ​വും അ​റ​സ്റ്റ് ചെ​യ്തു. ശീ​ത​ള​പാ​നീ​യം ന​ൽ​കി​യ ശേ​ഷ​മാ​യി​രു​ന്നു പീ​ഡ​നം. സം​ഭ​വം പു​റ​ത്തു​പ​റ​യ​രു​തെ​ന്ന് കു​ട്ടി​യെ ഭീ​ഷ​ണി​പ്പെ​ടു​ത്തി​യി​രു​ന്ന​താ​യും പൊ​ലീ​സി​നോ​ട് പ​റ​ഞ്ഞു.

ഉ​ളി​ക്ക​ൽ സ്വ​ദേ​ശി​നി​യാ​യ പ​തി​നേ​ഴു​കാ​രി ഞാ​യ​റാ​ഴ്ചയാണ് ഇ​രി​ട്ടി താ​ലൂ​ക്ക് ആ​ശു​പ​ത്രി​ ശു​ചി​മു​റി​യി​ൽ പ്ര​സ​വി​ച്ചത്. വ​യ​റു​വേ​ദ​ന​യെ തു​ട​ർ​ന്ന് ചി​കി​ത്സ​തേ​ടി എത്തിയപ്പോഴായിരുന്നു സംഭവം. ജി​ല്ല ആ​ശു​പ​ത്രി​യി​ൽ പ്ര​വേ​ശി​പ്പി​ച്ച പെ​ൺ​കു​ട്ടി​യു​ടെ​യും കു​ഞ്ഞി​ന്റെ​യും ആ​രോ​ഗ്യ​നി​ല തൃ​പ്തി​ക​ര​മാ​ണെ​ന്ന് ആ​ശു​പ​ത്രി അ​ധി​കൃ​ത​ർ അ​റി​യി​ച്ചു.

പെ​ൺ​കു​ട്ടി​യി​ൽ​നി​ന്ന് ല​ഭി​ച്ച മൊ​ഴി​യു​ടെ അ​ടി​സ്ഥാ​ന​ത്തി​ലാ​ണ് ഉ​ളി​ക്ക​ൽ പൊ​ലീ​സ് കൃ​ഷ്ണ​നെ ബ​ന്ധു​വീ​ട്ടി​ൽ പോ​കു​ന്ന​തി​നി​ടെ പ​രി​ക്ക​ള​ത്ത് വെ​ച്ച് അ​റ​സ്റ്റ് ചെ​യ്ത​ത്. കു​ട്ടി​യു​ടെ മാ​താ​പി​താ​ക്ക​ളുമായി അടുപ്പമുളള കൃ​ഷ്ണ​ൻ ഇ​ട​ക്കി​ടെ വീ​ട്ടി​ൽ വ​രാ​റു​ണ്ടെ​ന്നും ഇ​ത് മു​ത​ലെ​ടു​ത്താ​ണ് പീ​ഡ​നമെ​ന്നും പൊ​ലീ​സ് പ​റ​ഞ്ഞു.

സി.​ഐ​ക്കൊ​പ്പം സീ​നി​യ​ർ സി​വി​ൽ പൊ​ലീ​സ് ഓ​ഫി​സ​ർ സ​ന്തോ​ഷ്‌, സി​വി​ൽ പൊ​ലീ​സ് ഓ​ഫി​സ​ർ​മാ​രാ​യ സ​ജേ​ഷ്, പ്രി​ജേ​ഷ്, ഷ​ഫീ​ഖ്, ര​ജി​ത് എ​ന്നി​വ​ര​ട​ങ്ങി​യ സം​ഘ​മാ​ണ് കൃ​ഷ്ണ​നെ പി​ടി​കൂ​ടി​യ​ത്. ഇ​യാ​ളു​ടെ പേ​രി​ൽ പോ​ക്സോ, ബ​ലാ​ത്സം​ഗം എ​ന്നീ വ​കു​പ്പു​ക​ൾ പ്ര​കാ​രം കേ​സെ​ടു​ത്ത് മ​ട്ട​ന്നൂ​ർ കോ​ട​തി​യി​ൽ ഹാ​ജ​രാ​ക്കി.