പതിനൊന്നുകാരിയെ പീഡിപ്പിച്ച രണ്ടാനച്ഛൻ അറസ്റ്റിൽ

തലശ്ശേരി: പതിനൊന്നുകാരിയെ ലൈംഗികമായി പീഡിപ്പിച്ച രണ്ടാനച്ഛൻ അറസ്റ്റിൽ. മലപ്പുറം കൊണ്ടോട്ടി സ്വദേശിയെയാണ് (27) തലശേരി ധർമടം പൊലീസ് അറസ്റ്റുചെയ്തത്. കുട്ടിയുടെ മാതാവിനൊപ്പം കഴിയവേയാണ് പ്രതി പീഡനത്തിനിരയാക്കിയത്.

കഴിഞ്ഞ വർഷം മാർച്ചിലാണ് കേസിനാസ്പദമായ സംഭവം. ടൈൽസ് പണിക്കാരനാണ് പ്രതി. ചൈൽഡ് ലൈനിന് ലഭിച്ച പരാതിയിൽ തുടരന്വേഷണം നടത്തിയാണ് പ്രതിയെ പൊലീസ് പിടികൂടിയത്.

ധർമടം സി.ഐ ശ്രീജിത്ത് കോടേരിയുടെ നിർദേശപ്രകാരം എസ്‌.ഐ മഹേഷ് കണ്ടേമ്പത്തിന്‍റെ നേതൃത്വത്തിലുള്ള സംഘമാണ് പ്രതിയെ അറസ്റ്റ് ചെയ്തത്. ഇയാൾക്കെതിരെ പോക്സോ ആക്ട് പ്രകാരമാണ് കേസെടുത്തത്.