കുറി നടത്തി മുങ്ങിയയാൾ എട്ടു വർഷത്തിനുശേഷം വിമാനത്താവളത്തിൽ പിടിയിൽ

പെരിന്തൽമണ്ണ: കുറി നടത്തിയ മുങ്ങിയയാൾ എട്ടു വർഷത്തിനുശേഷം തിരുവനന്തപുരം വിമാനത്താവളത്തിൽ പിടിയിലായി. പെരിങ്ങോട് ചായാട്ടിരി അയ്യത്തും വളപ്പിൽ എ.വി സജിത്താണ് (43) പിടിയിലായത്. അമ്പതോളം വഞ്ചനാ കേസാണ് ഇയാൾക്കെതിരെയുള്ളത്.

2015ൽ പെരിന്തൽമണ്ണ - ഊട്ടി റോഡിൽ കറുകപുത്തൂർ കുറീസ് എന്ന പേരിൽ സ്ഥാപനം നടത്തിയിരുന്നു. നിക്ഷേപകരെ വഞ്ചിച്ച് ഇയാൾ വിദേശത്തേക്ക് കടക്കുകയായിരുന്നു. ഇപ്പോൾ വിദേശത്തുനിന്ന് വരുമ്പോൾ ആണ് പിടിയിലായത്.

പെരിന്തൽമണ്ണ പൊലീസ് തിരുവനന്തപുരത്തെത്തി ഇയാളെ കസ്റ്റഡിയിലെടുത്തു. കോടതിയിൽ ഹാജറാക്കിയ പ്രതിയെ റിമാൻഡ് ചെയ്തു.