അ​ർ​ധ​ന​ഗ്ന​നാ​യി രാ​ത്രി എ​ട്ടി​ന് വരും, 12ന് മോ​ഷ​ണം, പു​ല​ർ​ച്ചെ അ​ഞ്ചുവരെ അവിടെത​ന്നെ ചെ​ല​വ​ഴി​ച്ച് മടക്കം; കണ്ണൂരിൽ പിടിയിലായത് ‘വെറൈറ്റി’ കള്ളൻ

കണ്ണൂർ: നഗരത്തിൽ കഴിഞ്ഞ ദിവസം പിടിയിലായ കള്ളന്റെ മോഷണ രീതികേട്ട് പൊലീസ് അടക്കമുള്ളവർ ഞെട്ടി. മോഷ്ടിക്കാൻ ഉന്നമിട്ട വീട്ടിൽ രാ​ത്രി എ​ട്ടി​ന് മു​മ്പ് തന്നെ എ​ത്തുന്നതാണ് ഇയാളുടെ രീതി. അ​ർ​ധ​ന​ഗ്ന​നാ​യാണ് വരിക. അർധരാത്രി 12നും ​ഒ​ന്നി​നും ഇ​ട​യി​ൽ മോ​ഷ​ണം ന​ട​ത്തി പു​ല​ർ​ച്ചെ അ​ഞ്ചു വ​രെ ആ വീ​ട്ടി​ൽ​ത​ന്നെ ചെ​ല​വ​ഴി​ക്കും. പിന്നെ വ​സ്ത്ര​ം മാ​റി പോ​വു​ക​യാ​ണ് പ​തി​വ്. ആ​ളു​ക​ളു​ള്ള വീ​ടു​ക​ളാ​ണ് ഇയാൾ ല​ക്ഷ്യം​വെ​ച്ചി​രു​ന്ന​തെന്നും പൊലീസ് പറയുന്നു.

കോ​ട്ട​യം കാ​ഞ്ഞി​ര​പ്പ​ള്ളി സ്വ​ദേ​ശി​യും നി​ല​വി​ൽ ത​ളി​പ്പ​റ​മ്പ് പു​തു​ക്ക​ണ്ടം ക​ള്ളു​ഷാ​പ്പി​ന് സ​മീ​പം താ​മ​സ​ക്കാ​ര​നു​മാ​യ ഷാ​ജ​ഹാ​ൻ (ബൈ​ജു-58) ആണ് ഈ ‘വെറൈറ്റി കള്ളൻ’. ടൗ​ൺ ഇ​ൻ​സ്​​പെ​ക്ട​ർ ബി​നു​മോ​ഹ​ന്റെ നേ​തൃ​ത്വ​ത്തി​ൽ ബുധനാഴ്ചയാണ് ഇയാളെ അ​റ​സ്റ്റു ചെ​യ്ത​ത്.

ഒ​ന്ന​ര​വ​ർ​ഷ​മാ​യി മേ​ലെ​ചൊ​വ്വ, താ​ഴെ​ചൊ​വ്വ, താ​ണ, സൗ​ത്ത് ബ​സാ​ർ തുടങ്ങി നഗരത്തിന്റെ ഹൃദയഭാ​ഗ​ങ്ങ​ളി​ൽ തന്നെ സ്ഥി​രം മോ​ഷ​ണം ന​ട​ത്തി ഇ​യാ​ൾ പൊ​ലീ​സി​ന് ത​ല​വേ​ദ​ന​യാ​യി​രു​ന്നു. വീ​ടു​ക​ളു​ടെ വാ​തി​ൽ കു​ത്തി​ത്തു​റ​ന്നും ജ​ന​ൽ ക​മ്പി​ക​ൾ ഇ​ള​ക്കി മാ​റ്റി​യു​മാ​ണ് മോ​ഷ​ണം ന​ട​ത്തുന്ന​ത്.

പ​രി​ശോ​ധി​ച്ചത് അ​ഞ്ഞൂ​റി​ലേ​റെ സി.സി.ടി.വി ദൃ​ശ്യ​ങ്ങ​ൾ

ജി​ല്ല​യു​ടെ വി​വി​ധ ഭാ​ഗ​ങ്ങ​ളി​ൽ മോ​ഷ​ണ​വും മോ​ഷ​ണ​ശ്ര​മ​വും ന​ട​ത്തി പൊ​ലീ​സി​ന്റെ​യും ക​ണ്ണൂ​രു​കാ​രു​ടെ​യും ഉ​റ​ക്കം കെ​ടു​ത്തി​യ ഷാജഹാനെ പിടികൂടാൻ അ​ഞ്ഞൂ​റി​ലേ​റെ മോഷണങ്ങളുടെ ദൃ​ശ്യ​ങ്ങളാണ് അ​ന്വേ​ഷ​ണ​സം​ഘം പ​രി​ശോ​ധി​ച്ചത്. സൈ​ബ​ർ പൊ​ലീ​സി​ന്റെ സ​ഹാ​യ​വും തേ​ടി.

ഒ​രു​വ​ർ​ഷ​മാ​യി ഒ​ന്നി​ട​വി​ട്ട ദി​വ​സ​ങ്ങ​ളി​ൽ മോ​ഷ​ണം ന​ട​ക്കു​ന്ന​ത് ശ്ര​ദ്ധ​യി​ൽ​പ്പെ​ട്ട​തോ​ടെ പൊ​ലീ​സും നാ​ട്ടു​കാ​രും റ​സി​ഡ​ൻ​സ് അ​സോ​സി​യേ​ഷ​ന്റെ സ​ഹാ​യ​ത്തോ​ടെ രാ​ത്രി കാ​വ​ൽ​നി​ന്നി​രു​ന്നു. ​പ്ര​തി​യു​ടെ രേ​ഖാ​ചി​ത്ര​വും സി.​സി.​ടി.​വി ദൃ​ശ്യ​ങ്ങ​ളും വി​വി​ധ പൊ​ലീ​സ് സ്റ്റേ​ഷ​നു​ക​ളി​ലും ജ​യി​ലു​ക​ളി​ലേ​ക്കും കൈ​മാ​റി​യെ​ങ്കി​ലും വി​വ​ര​മൊ​ന്നും ല​ഭി​ച്ചി​ല്ല.

മോ​ഷ​ണ​ത്തി​നെ​ത്തു​മ്പോ​ൾ 35 വ​യ​സ്സി​ന് താ​ഴെ തോന്നിക്കുന്ന വേ​ഷം ധ​രി​ച്ചാ​ണ് ഷാ​ജ​ഹാ​ൻ എ​ത്തു​ക. കൃ​ത്യം ന​ട​ത്തി പോ​കു​മ്പോ​ൾ ല​ഭി​ച്ച ദൃ​ശ്യ​ങ്ങ​ളി​ൽ 50 വ​യ​സ്സി​ന് മു​ക​ളി​ലു​ള്ള​യാ​ളാ​യി തോ​ന്നി​ച്ചു. ഇ​ത് പൊ​ലീ​സി​നെ കു​ഴ​ക്കി. വി​ര​ല​ട​യാ​ള​ങ്ങ​ളോ കൃ​ത്യ​മാ​യ ദൃ​ശ്യ​ങ്ങ​ളോ ല​ഭി​ച്ചി​രു​ന്നി​ല്ല. ജ​യി​ലി​ൽ ക​ഴി​യു​ന്ന മോ​ഷ്ടാ​ക്ക​ൾ​ക്ക് പ്ര​തി​യു​ടെ ചി​ത്ര​ങ്ങ​ൾ കാ​ണി​ച്ചും ന​ഗ​ര​ത്തി​ലെ സി.​സി.​ടി.​വി ദൃ​ശ്യ​ങ്ങ​ൾ പ​രി​ശോ​ധി​ച്ചു​മാ​ണ് പ്ര​തി​യെ തി​രി​ച്ച​റി​ഞ്ഞ​ത്.

ഉ​ള്ളി​ൽ ക​യ​റി​യ​ത് ജ​ന​ൽ ക​മ്പി വ​ള​ച്ച്

ര​ണ്ടു മാ​സ​ത്തി​നി​ടെ ധ​ന​ല​ക്ഷ്മി ആ​ശു​പ​ത്രി​ക്ക് സ​മീ​പം വീ​ട്ടി​ൽ​നി​ന്ന് പ​തി​നാ​ല​രപ്പ​വ​നും മു​ഴ​ത്ത​ട​ത്തെ വീ​ട്ടി​ൽ​നി​ന്ന് ഡ​യ​മ​ണ്ട് നെ​ക്ലസ് അ​ട​ക്ക​മു​ള്ള ആ​ഭ​ര​ണ​ങ്ങ​ളും പ്ര​തി ക​വ​ർ​ന്നി​രു​ന്നു. വീണ്ടും മോ​ഷ​ണ​ത്തി​നാ​യി ക​ണ്ണൂ​രി​ലെ​ത്തി​യ​പ്പോ​ഴാ​ണ് സൈ​ബ​ർ സെ​ല്ലി​ന്റെ സ​ഹാ​യ​ത്തോ​ടെ ടൗ​ൺ പൊ​ലീ​സ് ഷാ​ജ​ഹാ​നെ ബു​ധ​നാ​ഴ്ച അ​റ​സ്റ്റു ചെ​യ്ത​ത്.

ചൊ​വ്വ, താ​ണ, ക​ണ്ണൂ​ർ ഭാ​ഗ​ങ്ങ​ളി​ലെ വീ​ടു​ക​ളെ​യാ​ണ് പ്ര​തി ല​ക്ഷ്യം വെ​ച്ചി​രു​ന്ന​ത്. പ്ര​തിയു​മാ​യി വ്യാ​ഴാ​ഴ്ച മു​ഴ​ത്ത​ട​ത്തെ ഫ​സീ​ല​യു​ടെ വീ​ട്ടി​ൽ തെ​ളി​വെ​ടു​പ്പ് ന​ട​ത്തി. മൂ​ന്നാ​ഴ്ച മു​മ്പ് ഡ​യ​മ​ണ്ട് ബ്രേ​സ് ലറ്റ്, മാ​ല എ​ന്നി​വ ഷാ​ജ​ഹാ​ൻ ഇ​വി​ടെ​നി​ന്ന് ക​വ​ർ​ന്നി​രു​ന്നു. ജ​ന​ലി​ന്റെ ക​മ്പി വ​ള​ച്ചാ​ണ് ഉ​ള്ളി​ൽ ക​യ​റി​യ​ത്. മോ​ഷ​ണം ന​ട​ത്തി​യ രീ​തി പ്ര​തി പൊ​ലീ​സി​ന് മു​ന്നി​ൽ വി​വ​രി​ച്ചു.

സം​സ്ഥാ​ന​ത്താ​കെ17 കേ​സു​ക​ൾ; 12 ​വ​ർ​ഷം ത​ട​വ് ശി​ക്ഷ കഴിഞ്ഞ് ഇറങ്ങിയത് 2020ൽ

2006 മു​ത​ൽ മോ​ഷ​ണ​ക്കേ​സു​ക​ളി​ൽ പ്ര​തി​യാ​ണ് ഷാ​ജ​ഹാ​ൻ. ക​ണ്ണൂ​ർ ടൗ​ണി​ൽ നാ​ലും മാ​ഹി​യി​ലും കാ​ഞ്ഞ​ങ്ങാ​ടും മൂ​ന്നു​വീ​ത​വും ത​ല​ശ്ശേ​രി, ആ​ല​പ്പു​ഴ, കോ​ട്ട​യം സ്റ്റേ​ഷ​നു​ക​ളി​ൽ ര​ണ്ടു വീ​ത​വും കേ​സു​ക​ൾ ഇ​യാ​ൾ​ക്കെ​തി​രെ​യു​ണ്ട്. സം​സ്ഥാ​ന​ത്താ​കെ17 കേ​സു​ക​ൾ നി​ല​വി​ലു​ണ്ട്. കാ​ഞ്ഞ​ങ്ങാ​ട് 35 പ​വ​ൻ മോ​ഷ്ടി​ച്ച​തി​നെ​ത്തു​ട​ർ​ന്ന് പി​ടി​ക്ക​പ്പെ​ട്ട് ശി​ക്ഷ അ​നു​ഭ​വി​ച്ചി​രു​ന്നു. 2009ൽ 12 ​വ​ർ​ഷം ത​ട​വി​ന് ശി​ക്ഷി​ക്ക​പ്പെ​ട്ട് 2020ലാ​ണ് പു​റ​ത്തി​റ​ങ്ങി​യ​ത്.

എ​സ്.​ഐ​മാ​രാ​യ പി.​പി. ഷ​മീ​ൽ, എം. ​സ​വ്യ സാ​ച്ചി, അ​നീ​ഷ്, എ​സ്.​സി.​പി.​ഒ​മാ​രാ​യ രാ​ജേ​ഷ്, ഷൈ​ജു, സി.​പി.​ഒ​മാ​രാ​യ നാ​സ​ർ, ഷി​നോ​ജ്, റ​മീ​സ്, ഡ്രൈ​വ​ർ സി.​പി.​ഒ ബാ​ബു മാ​ണി എ​ന്നി​വ​രാ​ണ് പൊ​ലീ​സ് സം​ഘ​ത്തി​ൽ ഉ​ണ്ടാ​യി​രു​ന്ന​ത്.