മല്ലു ഹിന്ദു ഓഫിസേഴ്സ് ഗ്രൂപ്: തെളിവ്​ തേടി വാട്​സ്​ആപ്പിന്​ കത്തയച്ചു

തി​രു​വ​ന​ന്ത​പു​രം: ഐ.​എ.​എ​സ് ഉ​ദ്യോ​ഗ​സ്ഥ​രെ ഉ​ൾ​പ്പെ​ടു​ത്തി തു​ട​ങ്ങി​യ മ​ല്ലു ഹി​ന്ദു ഓ​ഫി​സേ​ഴ്സ് വാ​ട്സ്ആ​പ് ഗ്രൂ​പ്പി​നെ​ച്ചൊ​ല്ലി​യു​ള്ള വി​വാ​ദം ഒ​ഴി​യു​ന്നി​ല്ല. ത​ന്റെ വാ​ട്സ്ആ​പ് ആ​രോ ഹാ​ക്ക് ചെ​യ്ത് ഗ്രൂ​പ്പു​ണ്ടാ​ക്കി​യെ​ന്ന വ്യ​വ​സാ​യ വ​കു​പ്പു സെ​ക്ര​ട്ട​റി കെ. ​ഗോ​പാ​ല​കൃ​ഷ്ണ​ന്റെ പ​രാ​തി​യി​ൽ കേ​സെ​ടു​ക്കാ​ൻ ക​ഴി​യി​ല്ലെ​ന്ന്​ തി​രു​വ​ന​ന്ത​പു​രം സി​റ്റി സൈ​ബ​ർ പൊ​ലീ​സ് അ​റി​യി​ച്ചു.

നി​ല​വി​ൽ കേ​സെ​ടു​ക്കാ​നു​ള്ള തെ​ളി​വി​ല്ല. ഹാ​ക്ക് ചെ​യ്ത​തി​ൽ തെ​ളി​വ്​ ശേ​ഖ​രി​ക്കു​ന്ന​തി​ന്റെ ഭാ​ഗ​മാ​യി വാ​ട്സ്ആ​പ്പി​ന് സൈ​ബ​ർ പൊ​ലീ​സ് ക​ത്ത​യ​ച്ചു. മ​റു​പ​ടി ല​ഭി​ക്കു​ന്ന മു​റ​ക്ക്​ കേ​സെ​ടു​ക്കു​ന്ന കാ​ര്യ​ത്തി​ൽ തീ​രു​മാ​ന​മെ​ടു​ക്കും.

പ്രാ​ഥ​മി​കാ​ന്വേ​ഷ​ണ​ത്തി​ന്റെ ഭാ​ഗ​മാ​യി ഗോ​പാ​ല​കൃ​ഷ്ണ​ന്റെ മൊ​ഴി​യും രേ​ഖ​പ്പെ​ടു​ത്തും. തെ​ര​ഞ്ഞെ​ടു​പ്പ് സ​മ​യ​ത്ത് ഇ​ത്ത​ര​ത്തി​ല്‍ ഗ്രൂ​പ് ഉ​ണ്ടാ​യ​തി​നെ ഗൗ​ര​വ​ത്തി​ല്‍ കാ​ണു​ന്നെ​ന്നാ​ണ് സ​ർ​ക്കാ​ർ വി​ശ​ദീ​ക​ര​ണം. വി​ഷ​യ​ത്തി​ൽ ചീ​ഫ് സെ​ക്ര​ട്ട​റി ശാ​ര​ദ മു​ര​ളീ​ധ​ര​ൻ ഗോ​പാ​ല​കൃ​ഷ്ണ​ന്റെ വി​ശ​ദീ​ക​ര​ണം തേ​ടി​യേ​ക്കും.

എ​ന്നാ​ൽ, ‘മ​ല്ലു ഹി​ന്ദു ഓ​ഫി​സേ​ഴ്‌​സ്’ മാ​ത്ര​മ​ല്ല ഫോ​ൺ ഹാ​ക്ക് ചെ​യ്ത​വ​ർ ത​ന്നെ അ​ഡ്മി​നാ​ക്കി 'മ​ല്ലു മു​സ്​​ലിം ഓ​ഫി​സേ​ഴ്സ് എ​ന്ന ഗ്രൂ​പ്പും ഉ​ണ്ടാ​ക്കി​യെ​ന്നാ​ണ് ഗോ​പാ​ല​കൃ​ഷ്ണ​ന്റെ വാ​ദം.മ​താ​ടി​സ്ഥാ​ന​ത്തി​ലു​ണ്ടാ​ക്കി​യ ഗ്രൂ​പ്പി​നെ ചൊ​ല്ലി ഒ​രു​പാ​ട് സം​ശ​യ​ങ്ങ​ളും ദു​രൂ​ഹ​ത​യും ബാ​ക്കി​യാ​ണ്.

ഫോ​ൺ ഹാ​ക്ക് ചെ​യ്തെ​ന്ന പ​രാ​തി​യി​ൽ ഉ​റ​ച്ചു​നി​ൽ​ക്കു​ക​യാ​ണ് ഗോ​പാ​ല​കൃ​ഷ്ണ​ൻ. അ​തേ​സ​മ​യം, ഹി​ന്ദു ഗ്രൂ​പ്പി​ന് പി​ന്നാ​ലെ​യാ​ണ് മു​സ്​​ലിം ഗ്രൂ​പ് നി​ല​വി​ൽ​വ​ന്ന​തെ​ന്ന് സ്കീ​ൻ ഷോ​ട്ട് വ്യ​ക്ത​മാ​ക്കു​ന്നു. ത​ന്‍റെ ഫോ​ൺ കോ​ൺ​ടാ​ക്ടി​ലു​ള്ള​വ​രെ ചേ​ർ​ത്താ​ണ് ഗ്രൂ​പ്പു​ക​ൾ ഉ​ണ്ടാ​ക്കി​യ​തെ​ന്നാ​ണ് ഗോ​പാ​ല​കൃ​ഷ്ണ​ന്‍റെ വി​ശ​ദീ​ക​ര​ണം. പ​ക്ഷെ, ര​ണ്ട് ഗ്രൂ​പ്പു​ക​ളി​ലും ര​ണ്ട് മ​ത​ങ്ങ​ളി​ൽ പെ​ട്ട ഐ.​എ.​എ​സ് ഉ​ദ്യോ​ഗ​സ്ഥ​ർ മാ​ത്ര​മാ​ണ് അം​ഗ​ങ്ങ​ൾ.