മലേഷ്യയില്‍ നോമ്പും പെരുന്നാളും

ഒ​ാ​രോ നാ​ട്ടു​കാ​ർ​ക്കും ജീ​വി​ത​ത്തി​ൽ ഏ​റ്റ​വും പ്രി​യം തോ​ന്നു​ക സ്വ​ന്തം നാ​ട്ടി​ലെ ആ​ഘോ​ഷ​ങ്ങ​ളെ​ക്കു​റി​ച്ച്​ ഒാ​ർ​ക്കാ​നാ​ണ്.   ഒാ​ണ​ത്തെ​ക്കു​റി​ച്ചും വി​ഷു​വി​നെ​ക്കു​റി​ച്ചും ഇ​രു പെ​രു​ന്നാ​ളു​ക​ളു​ടെ ആ​ഘോ​ഷ​ത്തെ​ക്കു​റി​ച്ചും നി​റ​മു​ള്ള ഒാ​ർ​മ​ക​ൾ മ​ന​സ്സി​ൽ സൂ​ക്ഷി​ക്കു​ന്ന മ​ല​യാ​ളി സു​ഹൃ​ത്തു​ക്ക​ളോ​ട്​  ​മ​ലേ​ഷ്യ​യി​ലെ ഉ​ത്സവ​ക്കാ​ല​മാ​യ റ​മ​ദാ​നെ​യും പെ​രു​ന്നാ​ളി​നെ​യും കു​റി​ച്ച്​ അ​ൽ​പം വി​വ​രി​ക്ക​െ​ട്ട. ഇ​വി​ടത്തെ പ​ള്ളി​ക​ളി​ലെ മ​ധു​ര​മാ​യ ഖു​ർ​ആ​ൻ പാ​രാ​യ​ണ​ത്തോ​ടെ​യു​ള്ള ത​റാ​വീഹ്​ ന​മ​സ്​​കാ​ര​വും ക​ണ്ണി​നെ​യും ക​ര​ളി​നെ​യും ഒ​രു​പോ​ലെ കീ​ഴ​ട​ക്കു​ന്ന വി​ഭ​വ​ങ്ങ​ളും മ​ന​സ്സി​ൽ സൂ​ക്ഷി​ക്കു​ന്ന മ​ലേ​ഷ്യ​ക്കാ​ർ ലോ​ക​​ത്തി​െ​ൻ​റ ഏ​തു കോ​ണി​ലാ​ണെ​ങ്കി​ലും റ​മ​ദാ​നി​ൽ കു​റ​ച്ചു ദി​വ​സ​മെ​ങ്കി​ലും ഇ​വി​ടെ ത​ങ്ങാ​നാ​യി മ​ട​ങ്ങി​യെ​ത്തു​മാ​യി​രു​ന്നു. ഇ​പ്പോ​ൾ ലോ​ക​ത്തി​െ​ൻ​റ എ​ല്ലാ കോ​ണു​ക​ളി​ൽനി​ന്നും സ​ഞ്ചാ​രി​ക​ൾ ഇൗ ​കാ​ല​ത്തെ പൊ​ലി​മ കാ​ണാ​നും ആ​സ്വ​ദി​ക്കാ​നും എ​ത്തു​ന്നു​ണ്ടി​വി​ടെ. 

റ​മ​ദാ​ൻ മാ​ർ​ക്ക​റ്റു​ക​ളി​ലൂ​ടെ ന​ട​ക്കു​േ​മ്പാ​ൾ തേ​നി​ലൂ​ട്ടി​യ ബാ​ർ​ബെ​ക്യൂ ചി​ക്ക​ൻ കാ​ണു​േ​മ്പാ​ൾ ക​ബാ​ബു​ക​ൾ ഒാ​ർ​മ​വ​രും, ക​രി​ക്കും പ​നം​ച​ക്ക​ര​യും ചേ​ർ​ത്ത്​ ത​യാ​റാ​ക്കി വാ​ഴ​യി​ല​യി​ൽ വി​ള​മ്പു​ന്ന മ​ധു​ര​വും ക​ൺ​മു​ന്നി​ൽ ച​ത​ച്ചു പി​ഴി​ഞ്ഞെ​ടു​ത്തു ത​രു​ന്ന ക​രി​മ്പു ജ്യൂ​സും കാ​ണു​േ​മ്പാ​ൾ മ​ല​യാ​ളി​ക​ൾ​ക്ക്​ കേ​ര​ള​ത്തി​ലെ ഉ​ത്സവ​പ​റ​മ്പു​ക​ളി​ലൂ​ടെ ന​ട​ക്കു​ന്ന​ത്​ മ​ന​സ്സി​ൽ വ​രും. നോ​മ്പു​കാ​ല​ത്ത്​ വീ​ടു​ക​ളി​ലും പ​ള്ളി​ക​ളി​ലും ത​യാറാ​ക്കു​ന്ന സ്​​പെ​ഷൽ വി​ഭ​വ​മാ​ണ്​ ബു​ബു​ർ​ലാം​ബു​ക്. buburlambuk എ​ന്ന്​ ഇ​ൻ​റ​ർ​നെ​റ്റി​ൽ ​തി​ര​ഞ്ഞാ​ൽ വ​രു​ന്ന ചി​ത്രം കാ​ണു​േ​മ്പാ​ൾ മ​ല​യാ​ളി​ക​ൾ ചോ​ദി​ക്കും -ഇ​തു ന​മ്മു​ടെ നോ​മ്പു ക​ഞ്ഞി​യ​ല്ലേ എ​ന്ന്​! 

ഇ​ഫ്​​താ​റി​നെ​ത്തി​യ​വ​ർ

 

മി​നാ​ര​ങ്ങ​ളു​ടെ ചാ​രെ...
പ​ള്ളി​ക​ൾ തേ​ടി​യു​ള്ള സ​ഞ്ചാ​ര​മാ​ണ്​ ചെ​റു​പ്പ​ക്കാ​ർ​ക്കും വ​യോ​ധി​ക​ർ​ക്കു​മി​ട​യി​ൽ ഒ​രു​പോ​ലെ ട്രെ​ൻ​ഡാ​യി മാ​റി​യ പു​തി​യ റ​മ​ദാ​ൻ പ​തി​വ്. സ്വ​ന്തം പ്ര​ദേ​ശ​ത്തെ പ​ള്ളി​ക​ളി​ൽ ആ​രാ​ധ​ന നി​ർ​വ​ഹി​ക്കു​ക എ​ന്ന രീ​തി മാ​റി രാ​ജ്യ​ത്തി​ലെ പ​ല​യി​ട​ങ്ങ​ളി​ലെ നി​റ​ദീ​പ​ങ്ങ​ൾ വി​ള​ങ്ങിനി​ൽ​ക്കു​ന്ന പ​ള്ളി​ക​ൾ സ​ന്ദ​ർ​ശി​ക്കാ​ൻ സ​ഞ്ചാ​രി​ക​ളെ​യെ​ന്ന പോ​ലെ നാ​ട്ടു​കാ​രും ഉ​ത്സാഹി​ക്കു​ന്നു ഇ​പ്പോ​ൾ. ​സെ​ലാം​ഗോ​റി​ലെ സു​ൽ​ത്താൻ അ​ബ്​​ദു​ൽ അ​സീ​സ്​ മോ​സ്​​ക്, പു​ത്ര​ജ​യ ജ​ലാ​ശ​യ​ത്തി​ന്​ അ​ഭി​മു​ഖ​മാ​യി നി​ൽ​ക്കു​ന്ന ഇ​രു​മ്പ്​ പ​ള്ളി എ​ന്ന​റി​യ​പ്പെ​ടു​ന്ന സു​ൽ​ത്താ​ൻ മി​സാ​ൻ ​മോ​സ്​​ക്, ട്രെ​ൻ​ഗ്ഗാ​നു​വി​ലെ ഒ​ഴു​കു​ന്ന സ​ഹ​റ മോ​സ്​​ക്... ഇ​വ​യി​ലെ​ല്ലാം  ക​ലാമേന്മയും ശി​ൽ​പ​ഭം​ഗി​യും പ്ര​കൃ​തിസൗ​ന്ദ​ര്യ​വും ആ​ത്​​മീ​യ​ത​ക്കൊ​പ്പം സം​ഗ​മി​ക്കു​ന്നു. ക​ഴി​ഞ്ഞ റ​മ​ദാ​നി​ൽ ത​റാ​വീഹ്​ ന​മ​സ്​​കാ​രം ക​ഴി​ഞ്ഞ്​ സ​ഹ​റ പ​ള്ളി​യു​ടെ ​വെ​ണ്ണ​ക്ക​ൽ പ​ടി​യി​ലി​രു​ന്ന്​ ക​ട​ൽ​ക്കാ​റ്റും കൊ​ണ്ടി​രു​ന്ന അ​വി​സ്​​മ​ര​ണീ​യ​മാ​യ നി​മി​ഷ​ങ്ങ​ളെ​ക്കു​റി​ച്ച്​ ഒരു ഇ​ന്ത്യ​ൻ സു​ഹൃ​ത്ത്​ ഇൗ​യി​ടെ​യും സ​ന്ദേ​ശ​മ​യ​ച്ചി​രു​ന്നു.  

ഇ​ദ​യ​ങ്ങ​ളു​ടെ ഇ​ഴ​യ​ടു​പ്പം
കേ​ര​ള​ത്തി​ലേ​തുപോ​ലെ വി​വി​ധ വി​ശ്വാ​സ​ങ്ങ​ൾ പു​ല​ർ​ത്തു​ന്ന ആ​ളു​ക​ൾ സ​ന്തോ​ഷ​പൂ​ർ​വം ഒ​ന്നി​ച്ചുപാ​ർ​ക്കു​ന്ന നാ​ടാ​ണ്​ ഞ​ങ്ങ​ളു​ടേ​ത്. സ​ർ​ക്കാ​ർ സ്​​ഥാ​പ​ന​ങ്ങ​ളും സ്വ​കാ​ര്യ ക​മ്പ​നി​ക​ളും സ്​​കൂ​ൾ- കോ​ള​ജ്​ പൂ​ർ​വ വി​ദ്യാ​ർ​ഥി​ക്കൂ​ട്ട​ങ്ങ​ളു​മെ​ല്ലാം ഒ​ര​ു​ക്കു​ന്ന ഇ​ഫ്​​താ​ർ വി​രു​ന്നു​ക​ൾ  പു​ന​ഃസ​മാ​ഗ​മ​ത്തി​െ​ൻ​റ​യും ആ​ശ​യ​വി​നി​മ​യ​ത്തി​െ​ൻ​റ​യും വേ​ദി​ക​ളാ​ണ്. മാ​താ​പി​താ​ക്ക​ൾ ന​ഷ്​​ട​പ്പെ​ട്ട കു​ഞ്ഞു​ങ്ങ​ൾ, വി​ധ​വ​ക​ൾ, ഭ​വ​ന​ര​ഹി​ത​ർ എ​ന്നി​വ​ർ​ക്കെ​ല്ലാം ഏ​റ്റ​വും മി​ക​ച്ച വി​രു​ന്നു​ക​ളൊ​രു​ക്കി  പ​ങ്കു​വെ​പ്പി​െ​ൻ​റ ദി​ന​രാ​ത്ര​ങ്ങ​ൾ കൂ​ടി​യാ​ണ്​ റ​മ​ദാ​ൻ എ​ന്ന്​ വ്യ​ക്​​ത​മാ​ക്കു​ന്നു ഒാ​രോ​രു​ത്ത​രും. വി​വി​ധ ക​മ്പ​നി​ക​ൾ കു​ഞ്ഞു​ങ്ങ​ൾ​ക്കാ​യി പ​ഞ്ച​ന​ക്ഷ​ത്ര ഹോ​ട്ട​ലു​ക​ളി​ൽ വി​രു​ന്നു​ക​ളും ഉ​ല്ലാ​സ പാ​ർ​ക്കു​ക​ളി​ൽ ​െറെ​​​ഡു​ക​ളും സം​ഘ​ടി​പ്പി​ക്കു​ന്നു. ക​ഴി​ഞ്ഞവ​ർ​ഷം ജൊ​ഹോ​റി​ലെ സാ​ൻ​റി​യോ ഹെ​ല്ലോ കിറ്റി തീം​പാ​ർ​ക്കി​ൽ ഇ​വ​ർ​ക്കാ​യി ഉ​ല്ലാ​സ​യാ​ത്ര ഒ​രു​ക്കി. ജ​പ്പാ​ന്​ പു​റ​ത്ത്​ ആ​ദ്യ​മാ​യി തു​റ​ന്ന ഹെ​ല്ലോ കി​റ്റി പാ​ർ​ക്കാ​ണി​ത്. വേ​ദ​ന​ക​​ളും വി​ഷ​മ​ങ്ങ​ളു​മെ​ല്ലാം മ​റ​ന്ന്​ കു​ട്ടി​ക​ൾ ശ​രി​ക്കും കു​ട്ടി​ത്തം ആ​സ്വ​ദി​ച്ചു. വൈ​കു​​ന്നേ​രം പാ​ർ​ക്ക്​ വ​ള​പ്പി​ൽത​ന്നെ നോ​മ്പു​തു​റ ന​ട​ത്തി.

പെ​രു​ന്നാ​ൾ ദി​ന​ത്തി​ൽ പ​ര​മ്പ​രാ​ഗ​ത വ​സ്​​​​​ത്രം ധ​രി​ച്ച്​ ലേ​ഖ​ക​ൻ സു​ഹൃ​ത്തു​ക്ക​ൾ​ക്കൊ​പ്പം (ഫയൽ ചിത്രം)

 

പി​താ​വ്​-മാ​താ​വ്​ ഉ​ണ്ടാ​യി​രു​ന്നെ​ങ്കി​ൽ, ഞ​ങ്ങ​ൾ​ക്ക്​ അ​ൽ​പംകൂ​ടി സാ​മ്പ​ത്തി​കശേ​ഷി ഉ​ണ്ടാ​യി​രു​ന്നെ​ങ്കി​ൽ ഇ​ത്ത​രം സൗ​ക​ര്യ​ങ്ങ​ളും സൗ​ഭാ​ഗ്യ​ങ്ങ​ളും കി​ട്ടു​മാ​യി​രു​ന്നു​വെ​ന്ന്​ കു​ഞ്ഞു​ങ്ങ​ൾ സ​ങ്ക​ട​നി​ശ്വാ​സം പൊ​ഴി​ക്കു​ന്ന വി​ഷ​മാ​വ​സ്​​ഥ ഇ​ല്ലാ​താ​ക്കാ​ൻ ഇ​ത്ത​രം പ്ര​വൃ​ത്തി​ക​ൾ ഉ​പ​ക​രി​ക്കും. വി​നോ​ദസ​ഞ്ചാ​ര-​പൈ​തൃ​ക കേ​ന്ദ്ര​ങ്ങ​ൾ​ക്കു മു​ന്നി​ലെ ഇ​ഫ്​​താ​ർ വി​രു​ന്നു​ക​ളി​ൽ നാ​ട്​ മു​ഴു​വ​ൻ പ​ങ്കു​ചേ​രും. അ​തിവി​ടെ മ​ത ച​ട​ങ്ങ​ല്ല, പൊ​തു ച​ട​ങ്ങാ​ണ്. ത​ല​സ്​​ഥാ​നന​ഗ​രി​യാ​യ ക്വാലാ​ല​ംപുരി​ൽ ദ​താ​ര​ൻ മെ​ർ​ഡെ​ക്ക, ജ​ല​ൻ രാ​ജ എ​ന്നി​വി​ട​ങ്ങ​ളി​ലെ​ല്ലാം ന​ട​ക്കു​ന്ന സ​മൂ​ഹ നോ​മ്പു​തു​റ നാ​ടി​െ​ൻ​റ അ​ടു​പ്പം ബോ​ധ്യ​പ്പെ​ടു​ത്തും. ഭ​ക്ഷ​ണവ​ണ്ടി​ക​ളി​ൽനി​ന്നോ റ​മ​ദാ​ൻ മാ​ർ​ക്ക​റ്റു​ക​ളി​ൽനി​ന്നോ വാ​ങ്ങി​യ ഭ​ക്ഷ​ണ​വും പാ​നീ​യ​ങ്ങ​ളു​മാ​യി പു​ല്ലി​ലും പാ​യ​യി​ലും ഇ​രു​ന്ന്​ നോ​മ്പു​തു​റ​ക്കാ​ൻ നാ​നാ ദേ​ശ​ങ്ങ​ളി​ൽനി​ന്നാ​ണ്​ ആ​ളെ​ത്തു​ക. മൂ​റി​ഷ്​ വാ​സ്​​തു​ക​ല ചാ​രു​ത​യു​ടെ ഉ​ത്ത​മ ദ​ൃ​ഷ്​​ടാ​ന്ത​മാ​യ ബാ​ൻ​ഗു​നാ​ൻ സു​ൽ​താ​ൻ അ​ബ്​​ദു സ​മ​ദ​യു​ടെ ചു​റ്റു​പാ​ടും സ്വാ​ത​ന്ത്ര്യ​ദി​ന വും (​ആ​ഗ​സ്​​റ്റ്​ 31) ​ദേ​ശീ​യ​ദി​ന വും (സെ​പ്​​റ്റം​ബ​ർ 16)​ ക​ഴി​ഞ്ഞാ​ൽ ഏ​റ്റ​വു​മ​ധി​കം ആ​ളു​ക​ളെ​ത്തു​ക ഇ​ഫ്​​താ​റു​ക​ൾ​ക്കാ​ണ്. പ​ണ്ട്​ ഫെ​ഡ​റ​ൽ-​ഹൈകോ​ട​തി​ക​ൾ പ്ര​വ​ർ​ത്തി​ച്ചി​രു​ന്ന ഇ​വി​ടം ഇ​ന്ന്​ ഞ​ങ്ങ​ളു​ടെ സാം​സ്​​കാ​രി​ക ആ​സ്​​ഥാ​ന​മാ​ണ്.

പെ​രു​ന്നാ​ൾ സ​ന്തോ​ഷ​ങ്ങ​ൾ
എ​െ​ൻ​റ ബ​ന്ധ​ത്തി​ൽ​പ്പെ​ട്ട ഒ​ന്നാം ഗ്രേ​ഡുകാ​ര​ൻ  കു​രു​ന്നി​നോ​ട്​ സ്​​കൂ​ളി​ലെ ടീ​ച്ച​ർ ഇൗ​ദി​നെ​ക്കു​റി​ച്ച്​ ചോ​ദച്ചെത്രെ -അ​വ​ൻ കു​ഞ്ഞി​ക്ക​ണ്ണു​ക​ൾ വി​ട​ർ​ത്തി, വാ​യ്​ നി​റ​ച്ചു പ​റ​ഞ്ഞു: റ​മ​ദാ​െ​ൻ​റ അ​വ​സാ​നദി​വ​സം ഞ​ങ്ങ​ളു​ടെ വീ​ട്ടി​ൽ എ​ല്ലാ​വ​രും നി​റ​യെ നി​റ​ങ്ങ​ളു​ള്ള കു​പ്പാ​യ​ങ്ങ​ളി​ടും, പെ​രു​ന്നാ​ൾ കൈ​നീ​ട്ട​മാ​യി ദു​യി​​​ത്രാ​യ കി​ട്ടും...  ശ​രി​യാ​ണ​ത്. എ​ന്നോ​ട്​ നി​ങ്ങ​ൾ പെ​രു​ന്നാ​ളി​നെ​ക്കു​റി​ച്ചു ചോ​ദി​ച്ചാ​ലും ആ ​കു​ഞ്ഞ​ൻ പ​റ​ഞ്ഞ​തുത​ന്നെ ഞാ​നും ആ​വ​ർ​ത്തി​ക്കു​ക.  ഇൗ​ദ്​ മ​ലേ​ഷ്യ​യു​ടെ നി​റ​മാ​ണ്, നി​റ​വാ​ണ്. പ​ര​മ്പ​രാ​ഗ​ത വ​സ്​​ത്ര​മാ​യ  ബാ​ജു മെ​ലാ​യു പു​രു​ഷ​ൻ​മാ​രും ബാ​ജു​കു​രുങ്​ സ്​​ത്രീ​ക​ളും ധ​രി​ക്കും.  ദു​യി​​​ത്രാ​യ എ​ന്ന പെ​രു​ന്നാ​ൾപ​ടി മു​തി​ർ​ന്ന​വ​ർ ഇ​ള​യ​വ​ർ​ക്ക്​ ന​ൽ​കും, അ​തുപോ​ലെ പ്രാ​യ​മാ​യ​വ​ർ​ക്ക്​ ഇ​ള​മു​റ​ക്കാ​രും എ​ത്തി​ക്കും. പ​ണ​വും നാ​ണ​യ​വും നി​റ​ച്ച ചെ​റു​െ​പാ​തി​ക​ളാ​യാ​ണ​്​ അവ ന​ൽ​കു​ക. കു​ട്ടി​ക​ൾ കി​ട്ടി​യ തു​ക തി​രി​ച്ചും മ​റി​ച്ചും എ​ണ്ണി​ക്കൊ​ണ്ടി​രി​ക്കും ആ​ർ​ക്കാ​ണ്​ കൂ​ടു​ത​ൽ കി​ട്ടി​യ​തെ​ന്ന്​ ക​ണ​ക്കെ​ടു​ക്കും.

പെ​രു​ന്നാ​ൾ സ​ൽ​ക്കാ​ര​ത്തി​ന്​ വി​ഭ​വ​ങ്ങ​ളൊ​രു​ക്കു​ന്ന​വ​ർ​ക്കൊ​പ്പം ലേ​ഖ​ക​ൻ (ഇടത്ത്​)

 

ഇൗ ശീ​ലം നി​ങ്ങ​ളു​ടെ നാ​ട്ടി​ലും സ​മാ​ന​മാ​യി​രി​ക്കു​മ​ല്ലോ. പെ​രു​ന്നാ​ൾ സു​ദി​നം ക​ഴി​ഞ്ഞാ​ലും ഒ​രുമാ​സം നീ​ണ്ടുനി​ൽ​ക്കും ഇ​വി​ടെ ആ​ഘോ​ഷ​ങ്ങ​ൾ. എ​ല്ലാ ആ​ഘോ​ഷ​ങ്ങ​ളും ഞ​ങ്ങ​ള​ിങ്ങ​നെ മാ​സ​ങ്ങ​ൾ​ക്ക​പ്പു​റ​വും കൊ​ണ്ടാ​ടും. ബ​ന്ധ​ങ്ങ​ളും സൗ​ഹൃ​ദ​ങ്ങ​ളും പു​തു​ക്കാ​നും ദൃ​ഢ​പ്പെ​ടു​ത്താ​നും ഉ​പ​ക​രി​ക്കു​ന്നു​വെ​ന്ന​തി​നാ​ൽ ആ​ഘോ​ഷ​ങ്ങ​ൾ​ക്ക്​ എ​ത്ര ദൈ​ർ​ഘ്യ​മേ​റി​യാ​ലും സ​ന്തോ​ഷ​മാ​ണ്. വീ​ടും മ​ന​സ്സും തു​റ​ന്നി​ട്ടു​ള്ള സ​ൽ​ക്കാ​ര​മാ​ണ്​ ഇ​വി​ടത്തെ ആ​ഘോ​ഷവേ​ള​ക​ളി​ലെ മ​റ്റൊ​രു പ്ര​ത്യേ​ക​ത. ഏ​താ​ണ്ട്​ എ​ല്ലാ വീ​ട്ടു​കാ​രും അ​തി​ഥി​ക​ളെ വ​ര​വേ​ൽ​ക്കാ​നു​ള്ള മ​ത്സ​ര​ത്തി​ലാ​യി​രി​ക്കും. ബ​ന്ധു​ക്ക​ളും പ​രി​ച​യ​ക്കാ​രും ആ​വ​ണ​മെ​ന്നി​ല്ല, ക​ണ്ടു​മു​ട്ടു​ന്ന ഏ​തൊ​രാ​ളും ഇൗ ​വേ​ള​യി​ൽ ഞ​ങ്ങ​ൾ​ക്കു വി​ശി​ഷ്​​ടാ​തി​ഥി​ക​ളാ​ണ്. മ​ലേ​ഷ്യ​യു​ടെ സാ​മൂ​ഹി​ക ​െഎ​ക്യ​വും ന​ന്മയും സ​ഹി​ഷ്​​ണു​ത​യും ഏ​റ്റ​വും​ പ്ര​ക​ട​മാ​വു​ന്ന നാ​ളു​ക​ളാ​ണി​ത്. നി​ങ്ങ​ൾ ഇൗ ദി​ന​ങ്ങ​ളി​ൽ മ​ലേ​ഷ്യ​യി​ലേ​ക്ക്​ വ​രു​ന്നു​വെ​ന്നി​രി​ക്ക​െ​ട്ട -ഭ​ക്ഷ​ണശാ​ല​ക​ളാ​വി​ല്ല, ​ഇ​വി​ടത്തെ ഭ​വ​ന​ങ്ങ​ളാ​യി​രി​ക്കും നി​ങ്ങ​ളെ വി​രു​ന്നൂ​ട്ടു​ക. 

ത​യാ​റാ​ക്കി​യ​ത്​: സ​വാ​ദ്​ റ​ഹ്​​മാ​ൻ