മലയോര ഹൈവേ കോടഞ്ചേരി - കക്കാടം പൊയിൽ റീച്ച് തുറന്നു

തി​രു​വ​മ്പാ​ടി (കോ​ഴി​ക്കോ​ട്): കോ​ട​ഞ്ചേ​രി-​ക​ക്കാ​ടം​പൊ​യി​ൽ 34 കി.​മീ. മ​ല​യോ​ര ഹൈ​വേ കൂ​ട​ര​ഞ്ഞി​യി​ൽ മു​ഖ്യ​മ​ന്ത്രി പി​ണ​റാ​യി വി​ജ​യ​ൻ ഉ​ദ്ഘാ​ട​നം ചെയ്തു. മു​ണ്ട​ക്കൈ ദു​ര​ന്ത​ത്തി​ൽ കേ​ര​ള​ത്തി​ന് വാ​യ്പ​യ​ല്ല, സ​ഹാ​യ​മാ​ണ് വേ​ണ്ട​തെ​ന്ന് മുഖ്യമന്ത്രി പറഞ്ഞു. ഈ ​ബാ​ധ്യ​ത കേ​ന്ദ്ര സ​ർ​ക്കാ​ർ നി​റ​വേ​റ്റ​ണ​മെ​ന്നും അ​ദ്ദേ​ഹം പ​റ​ഞ്ഞു.

എ​ൽ.​ഡി.​എ​ഫി​നോ​ട് വി​രോ​ധം ഉ​ണ്ടാ​കാം. എ​ന്നാ​ൽ, നാ​ടി​നോ​ട് വി​രോ​ധം അരു​ത്. നി​ക്ഷേ​പ സൗ​ഹൃ​ദ​ത്തി​ൽ ഇ​ന്ത്യ​യി​ൽ കേ​ര​ളം ഒ​ന്നാം സ്ഥാ​ന​ത്താ​ണ്. ശി​പാ​ർ​ശ​കൊ​ണ്ട് കി​ട്ടി​യ​ത​ല്ല, യോ​ഗ്യ​ത​കൊ​ണ്ട് കി​ട്ടി​യ​താ​ണ് ഈ അം​ഗീ​കാ​രം. പ​ത്ത് നി​യ​മ​ങ്ങ​ൾ ഭേ​ദ​ഗ​തി​ ചെ​യ്താ​ണ് സം​സ്ഥാ​നം നി​ക്ഷേ​പ സൗ​ഹൃ​ദ​മാ​ക്കി​യ​ത്. ദേ​ശീ​യ​പാ​ത പ​ഞ്ചാ​യ​ത്ത് റോ​ഡു​ക​ളെ​ക്കാ​ൾ ദ​യ​നീ​യ​മാ​യി​രു​ന്നു. 2016നു ​മു​മ്പ് സ​ർ​ക്കാ​റി​ന്റെ കെ​ടു​കാ​ര്യ​സ്ഥ​ത കാ​ര​ണം ദേ​ശീ​യ​പാ​ത സ്ഥ​ല​മേ​റ്റെ​ടു​പ്പ് ന​ട​ന്നി​ല്ല. കു​റ്റ​ക​ര​മാ​യ അ​നാ​സ്ഥ​യാ​ണ് യു.​ഡി.​എ​ഫ് സ​ർ​ക്കാ​ർ കാ​ണി​ച്ച​​തെ​ന്നും മു​ഖ്യ​മ​ന്ത്രി ആ​രോ​പി​ച്ചു. പൊ​തു​മ​രാ​മ​ത്ത് മ​ന്ത്രി പി.​എ. മു​ഹ​മ്മ​ദ് റി​യാ​സ് അ​ധ്യ​ക്ഷ​ത വ​ഹി​ച്ചു.