ബംഗളൂരുവിൽ പിടിയിലായ മലയാളി പാകിസ്​താൻകാരിയെ വരിച്ചത്​ ആദ്യ ഭാര്യ അറിയാതെ​

ബംഗളൂരു: പാകിസ്​താൻ സ്വദേശികൾക്ക്​ അനധികൃതമായി താമസിക്കാൻ ഇട​െമാരുക്കുകയും ആധാർ കാർഡ്​ സംഘടിപ്പിച്ചുകൊടുക്കുകയും ചെയ്​ത സംഭവത്തിൽ ബംഗളൂരുവിൽ പിടിയിലായ മുഹമ്മദ്​ ശിഹാബ്​ (32) നേര​േത്ത വിവാഹം കഴിച്ചിരുന്നതായി പൊലീസ്​. ഇൗ ബന്ധത്തിൽ നാലു വയസ്സുള്ള മകളുമുണ്ട്​. ഇവരറിയാതെ​ ഖത്തറിൽവെച്ച്​ പാകിസ്​താൻകാരിയായ സമീറ അബ്​ദുറഹ്​മാനുമായി സ്​നേഹത്തിലാവുകയും വിവാഹം കഴിക്കുകയായിരുന്നുവെന്നും പൊലീസ്​ പറഞ്ഞു. ഇതോടെ ആദ്യഭാര്യ ശിഹാബുമായുള്ള ബന്ധം വേർപെടുത്തുകയും ചെയ്​തു. 

പാലക്കാട്​ പട്ടാമ്പി കൈപ്പുറം തച്ചറുകുന്നത്ത്​ മുഹമ്മദി​​​െൻറ മകനായ ശിഹാബ്​ നാട്ടിൽ ആരിഫ എന്ന പെൺകുട്ടിയെ പ്രണയിച്ചാണ്​ കല്യാണം കഴിച്ചത്​. ഖത്തറിൽ റിയൽ എസ്​റ്റേറ്റ്​ കമ്പനിയിൽ ജീവനക്കാരനായിരുന്ന ഇയാൾ അവിടെവെച്ച്​ പരിചയപ്പെട്ട പാകിസ്​താൻകാരി സമീറ അബ്​ദുറഹ്​മാനെയും (25) വിവാഹം ചെയ്​തു. ഇൗ ബന്ധത്തെ സമീറയുടെയും ശിഹാബി​​​െൻറയും ബന്ധുക്കൾ എതിർത്തതോടെ സമീറയുടെ ബന്ധുവായ കിരൺ ഗുലാം അലി (26), ഭർത്താവ്​ കാഷിഫ്​ ഷംസുദ്ദീൻ (30) എന്നിവരോടൊപ്പം ഖത്തറിൽനിന്ന്​ നേപ്പാൾ വഴി ഇന്ത്യയിലേക്ക്​ കടക്കുകയായിരുന്നു.

കേരളത്തിലേക്ക്​ മടങ്ങാതെ ശിഹാബ്​ മൂവരെയും കൂട്ടി ബംഗളൂരുവിലെത്തി. തുടർന്ന്​ ഒമ്പതു മാസത്തോളം ബംഗളൂരു സൗത്ത്​ കുമാരസ്വാമി ലേഒൗട്ടിൽ താമസിച്ച നാലുപേരും ഇതിനിടെ വ്യാജരേഖ കാണിച്ച്​ ആധാർകാർഡ്​ സംഘടിപ്പിക്കുകയും ചെയ്​തിരുന്നു. രഹസ്യവിവരത്തെ തുടർന്ന്​ മേയ്​ 25ന്​ കേന്ദ്ര ക്രൈംബ്രാഞ്ച്​ സംഘം പിടികൂടിയ ഇവരെ ചോദ്യംചെയ്​തുവരുകയാണ്​.