മലയാളി യുവപൈലറ്റ് ഡൽഹിൽ മരിച്ച നിലയിൽ

ന്യൂഡൽഹി/പെരിങ്ങത്തൂർ: കണ്ണൂർ കരിയാട് സ്വദേശിയായ പൈലറ്റിനെ ഡൽഹിൽ മരിച്ച നിലയിൽ കണ്ടെത്തി. കരിയാട് പുതുശ്ശേരി പള്ളിക്ക് സമീപം സംസം മൻസിലിൽ മുഹമ്മദ് ഷാഫി (30) ആണ് മരിച്ചത്. ഡൊമസ്റ്റിക് സർവിസായ എയർ ഇന്ത്യ എയർ അലയൻസിലെ പൈലറ്റായിരുന്നു.

ഡൽഹിലെ ദ്വാരക സെക്ടറിലെ താമസ സ്ഥലത്താണ് ഷാഫിയെ മരിച്ച നിലയിൽ കണ്ടെത്തിയത്. അയൽവാസികളാണ് മരണവിവരം അറിയിച്ചത്. പരേതനായ സംസം മുഹമ്മദ് ഹാജിയുടെയും ഹാജറയുടെയും മകനാണ്. സഹോദരങ്ങൾ: ഷംസു, ഷംസീർ (ഇരുവരും ദുബൈ), ഷർമിന, ഷമീന, ഷാമിയ. അവിവാഹിതനാണ്.