യു.കെയിൽ മലയാളി നഴ്സും മ​ക്ക​ളും​ കൊല്ലപ്പെട്ട സംഭവം: ഭർത്താവിനെ വിചാരണ ചെയ്തു തുടങ്ങി

വൈ​ക്കം: ബ്രി​ട്ട​നി​ലെ കെ​റ്റ​റി​ങ്ങി​ല്‍ മ​ല​യാ​ളി ന​ഴ്സി​നെ​യും മ​ക്ക​ളെ​യും കൊ​ല​പ്പെ​ടു​ത്തി​യ കേ​സി​ൽ ഭ​ർ​ത്താ​വ് സാ​ജു​വി​നെ വി​ചാ​ര​ണ ചെ​യ്തു തു​ട​ങ്ങി.ക​ഴി​ഞ്ഞ​ദി​വ​സം കൊ​ല ന​ട​ന്ന വി​ല്ല​യി​ലും മ​റ്റു സ്ഥ​ല​ങ്ങ​ളി​ലും പൊ​ലീ​സ് തെ​ളി​വെ​ടു​പ്പ് ന​ട​ത്തി​യി​രു​ന്നു. കൂ​ട്ട​ക്കൊ​ല​യി​ൽ സാ​ജു​വി​ന്‍റെ പ​ങ്ക് തെ​ളി​യി​ക്കാ​നു​ള്ള തെ​ളി​വ് പൊ​ലീ​സി​ന് ല​ഭി​ച്ച​താ​യാ​ണ് സൂ​ച​ന.

അ​തി​നി​ടെ, പൊ​ലീ​സ് ന​ട​പ​ടി​ക്ര​മ​ങ്ങ​ൾ വേ​ഗ​ത്തി​ൽ പൂ​ർ​ത്തി​യാ​ക്കി മൃ​ത​ദേ​ഹ​ങ്ങ​ൾ നാ​ട്ടി​ലെ​ത്തി​ക്കാ​ൻ ശ്ര​മം തു​ട​രു​ക​യാ​ണ്. കേ​ന്ദ്ര വി​ദേ​ശ​കാ​ര്യ സ​ഹ​മ​ന്ത്രി വി. ​മു​ര​ളീ​ധ​ര​ൻ, തോ​മ​സ് ചാ​ഴി​കാ​ട​ൻ എം.​പി​യു​ടെ​യ​ട​ക്കം ഇ​ട​പെ​ട​ലി​നെ തു​ട​ർ​ന്ന് ഇ​ന്ത്യ​ൻ എം​ബ​സി, നോ​ർ​ക്ക, യു.​കെ മ​ല​യാ​ളി അ​സോ​സി​യേ​ഷ​നും ശ്ര​മം ആ​രം​ഭി​ച്ചു.

മൃ​ത​ദേ​ഹ​ങ്ങ​ൾ നാ​ട്ടി​ലെ​ത്തി​ക്കാ​നു​ള്ള സാ​മ്പ​ത്തി​ക ചെ​ല​വ് ഇ​ന്ത്യ​ൻ എം​ബ​സി​യും നോ​ർ​ക്ക​യും മ​ല​യാ​ളി അ​സോ​സി​യേ​ഷ​നും ചേ​ർ​ന്ന്​ വ​ഹി​ക്കു​മെ​ന്ന് എം.​പി പ​റ​ഞ്ഞു. അ​ഞ്ജു​വി​നെ​യും മ​ക്ക​ളെ​യും ഉ​റ​ക്ക​ത്തി​ൽ സാ​ജു കൊ​ല​പ്പെ​ടു​ത്തി​യ​താ​യാ​ണ് പൊ​ലീ​സി​ന്‍റെ നി​ഗ​മ​നം.

അ​ഞ്ജു ചെ​റു​ത്തു​നി​ൽ​പ്​ ന​ട​ത്തി​യ​താ​യി സൂ​ച​ന ല​ഭി​ക്കാ​ത്ത​തു​കൊ​ണ്ടാ​ണ് പൊ​ലീ​സ് ഈ ​നി​ഗ​മ​ന​ത്തി​ലെ​ത്തി​യ​ത്. ശ്വാ​സം​മു​ട്ടി​ച്ചു കൊ​ന്ന​ശേ​ഷം മൂ​വ​രു​ടെ​യും ദേ​ഹ​ത്ത് മു​റി​വു​ക​ളു​മു​ണ്ടാ​ക്കി. ക​ഴി​ഞ്ഞ 15ന് ​രാ​ത്രി ഒ​മ്പ​തി​ന്​ ശേ​ഷ​മാ​ണ് കൊ​ല ന​ട​ത്തി​യ​തെ​ന്നാ​ണ് ക​രു​തു​ന്ന​ത്.അ​ഞ്ജു ആ​ശു​പ​ത്രി​യി​ൽ ഡ്യൂ​ട്ടി​ക്ക് എ​ത്താ​തി​രു​ന്ന​തി​നെ തു​ട​ർ​ന്ന് രാ​ത്രി 11.15ഓ​ടെ വീ​ട്ടി​ലെ​ത്തി​യ സ​ഹ​പ്ര​വ​ർ​ത്ത​ക​രാ​ണ് പൊ​ലീ​സി​നെ വി​ളി​ച്ചു​വ​രു​ത്തി​യ​ത്.