ഭർത്താവിനെ വിഡിയോകോൾ ചെയ്ത് മലയാളി നഴ്സ് ജീവനൊടുക്കിയ സംഭവം; സ്ത്രീധന പീഡനം മൂലമെന്ന് കുടുംബം

കൊല്ലം: മലയാളി നഴ്സ് മക്കയിൽ ജീവനൊടുക്കിയത് സ്ത്രീധന പീഡനം മൂലമാണെന്ന പരാതിയുമായി കുടുംബം. അഞ്ചൽ പുത്തയം സ്വദേശിനി മുഹ്സിനയെ കഴിഞ്ഞ ദിവസം സൗദി അറേബ്യയിലെ താമസ സ്ഥലത്ത് മരിച്ച നിലയിൽ കണ്ടെത്തിയിരുന്നു.

ഭർത്താവ്​ സമീറിനെ വിഡിയോ കോൾ ചെയ്തുകൊണ്ടാണ്​ മുഹ്‍സിന ആത്മഹത്യ ചെയ്തെന്നാണു കുടുംബത്തിന്‍റെ പരാതി. മുഹ്‍സിനയുടെ ഭർത്താവ് സമീർ റിയാദിലാണ്. മൂന്ന് വയസുള്ള ഒരു മകനുണ്ട്.

മകളെ ഭർത്താവ്​ മർദിക്കാറുണ്ടെന്ന്​ മുഹ്​സിനയുടെ മാതാവ്​ പറയുന്നു. ഇത്​ സംബന്ധിച്ച്​ ഭർത്താവിനെതിരെ യുവതിയുടെ കുടുംബം നാളെ പുനലൂർ ഡി.വൈ.എസ്​.പിക്ക്​ പരാതി നൽകാനൊരുങ്ങുകയാണ്​.