മ​ല​യാ​ളം ആ​രെ​യും അ​ടി​ച്ചേ​ൽ​പ്പി​ക്കു​കയില്ല, ഭാഷാ സ്വാതന്ത്ര്യം ഇല്ലാതാക്കുന്നില്ല; സിദ്ധരാമയ്യക്ക് മറുപടിയുമായി പിണറായി വിജയൻ

തി​രു​വ​ന​ന്ത​പു​രം: മ​ല​യാ​ള ഭാ​ഷ ബി​ല്ലി​നോ​ടു​ള്ള എ​തി​ര്‍​പ്പ് വ​സ്തു​ത​ക​ള്‍​ക്ക് നി​ര​ക്കു​ന്ന​ത​ല്ലെ​ന്നും ബി​ല്ല് ഭാ​ഷാ​ന്യൂ​ന​പ​ക്ഷ​ങ്ങ​ളു​ടെ അ​വ​കാ​ശ​ങ്ങ​ള്‍ സം​ര​ക്ഷി​ക്കു​ന്ന​താ​ണെ​ന്നും മു​ഖ്യ​മ​ന്ത്രി പി​ണ​റാ​യി വി​ജ​യ​ൻ. മ​ല​യാ​ള ഭാ​ഷ ബി​ല്ലിനെ എ​തി​ര്‍​ത്ത ക​ര്‍​ണാ​ട​ക മു​ഖ്യ​മ​ന്ത്രി സി​ദ്ധ​രാ​മ​യ്യ​ക്ക് മ​റു​പ​ടി​യായാണ് മുഖ്യമന്ത്രി ഇക്കാര്യം പറഞ്ഞത്. മ​ല​യാ​ളം ആ​രെ​യും അ​ടി​ച്ചേ​ൽ​പ്പി​ക്കു​ന്നി​ല്ലെ​ന്നും ഭാ​ഷാ സ്വാ​ത​ന്ത്ര്യം ഇ​ല്ലാ​താ​ക്കു​ന്നി​ല്ലെ​ന്നും ക​ന്ന​ട, ത​മി​ഴ് ന്യൂ​ന​പ​ക്ഷ​ങ്ങ​ള്‍​ക്ക് ഔ​ദ്യോ​ഗി​ക ആ​വ​ശ്യ​ങ്ങ​ള്‍​ക്ക് മാ​തൃ​ഭാ​ഷ ഉ​പ​യോ​ഗി​ക്കാ​മെ​ന്നും പി​ണ​റാ​യി വി​ജ​യ​ൻ പ​റ​ഞ്ഞു.

ഒ​രു ഭാ​ഗ​ത്തി​നും ബു​ദ്ധി​മു​ട്ടു​ണ്ടാ​ക്കു​ന്ന കാ​ര്യ​ങ്ങ​ൾ കേ​ര​ളം ചെ​യ്യി​ല്ലെ​ന്നും എ​ല്ലാ​വ​ർ​ക്കും ജോ​ലി ചെ​യ്യാ​ൻ പ​റ്റു​ന്ന സം​സ്ഥാ​ന​മാ​ണ് കേ​ര​ള​മെ​ന്നു​മാ​ണ് ഭാ​ഷാ ബി​ല്ലി​ൽ ധ​ന​മ​ന്ത്രി കെ​.എ​ൻ. ബാ​ല​ഗോ​പാ​ലും പ്ര​തി​ക​രി​ച്ച​ത്.

‘മ​ല​യാ​ള ഭാ​ഷാ ബി​ൽ 2025’ എ​ന്ന പേ​രി​ൽ സ്കൂ​ൾ ത​ലം മു​ത​ൽ ഭ​ര​ണ​ഭാ​ഷ വ​രെ മ​ല​യാ​ള​ത്തി​ലാ​ക്കാ​ൻ വ്യ​വ​സ്ഥ ചെ​യ്യു​ന്ന ബി​ല്ലി​നെ ചൊ​ല്ലി​യാ​ണ് കേ​ര​ള​വും ക​ർ​ണാ​ട​ക​വും ത​മ്മി​ല്‍ ത​ര്‍​ക്കം ഉ​ട​ലെ​ടു​ത്തി​രി​ക്കു​ന്ന​ത്. ബി​ൽ കാ​സ​ർ​ക്കോട്ടെ ഭാ​ഷാ ന്യൂ​ന​പ​ക്ഷ മേ​ഖ​ല​യി​ലേ​ക്കു​ള്ള ക​ട​ന്നു​ക​യ​റ്റ​മാ​ണെ​ന്നാ​ണ് ക​ർ​ണാ​ട​ക​ത്തി​ന്‍റെ വാ​ദം. ഇ​ന്ന​ലെ ട്വീ​റ്റി​ലൂ​ടെ കേ​ര​ള​ത്തെ പ്ര​തി​ഷേ​ധം അ​റി​യി​ച്ച മു​ഖ്യ​മ​ന്ത്രി സി​ദ്ധ​രാ​മ​യ്യ പി​ന്നാ​ലെ കേ​ര​ള മു​ഖ്യ​മ​ന്ത്രി​ക്ക് ക​ത്ത​യ​ക്കു​ക​യാ​യി​രു​ന്നു.

ഭാ​ഷാ ന്യൂ​ന​പ​ക്ഷ​ങ്ങ​ളു​ടെ അ​ടി​സ്ഥാ​നാ​വ​കാ​ശ​ങ്ങ​ൾ അ​ടി​ച്ച​മ​ർ​ത്തു​ന്ന ഇ​ത്ത​ര​മൊ​രു നീ​ക്കം കേ​ര​ള​ത്തി​ലെ ക​മ്യൂ​ണി​സ്റ്റ് സ​ർ​ക്കാ​റി​ൽ​നി​ന്ന് പ്ര​തീ​ക്ഷി​ച്ച​ത​ല്ല. പ്ര​ത്യേ​കി​ച്ച് കാ​സ​ർ​കോ​ട് ഉ​ൾ​പ്പെ​ടെ കേ​ര​ള-​ക​ർ​ണാ​ട​ക അ​തി​ർ​ത്തി ജി​ല്ല​ക​ളി​ൽ താ​മ​സി​ക്കു​ന്ന ക​ന്ന​ടി​ഗ​ർ​ക്ക് അ​വ​രു​ടെ മാ​തൃ​ഭാ​ഷ പ​ഠി​ക്കാ​നു​ള്ള അ​വ​സ​രം ഇ​തോ​ടെ ന​ഷ്ട​പ്പെ​ടുമെന്നും സിദ്ധരാമയ്യ ആശങ്ക ഉന്നയിച്ചു.

സിദ്ധരാമയ്യയുടെ ട്വീറ്റ് അപകടകരം -മന്ത്രി

പാലക്കാട്: മലയാള ഭാഷ ബില്ലുമായി ബന്ധപ്പെട്ട് കർണാടക മുഖ്യമന്ത്രി സിദ്ധരാമയ്യയുടെ ട്വീറ്റ് അപകടകരമെന്ന് മന്ത്രി എം.ബി. രാജേഷ്. മലയാള ഭാഷ അടിച്ചേൽപിക്കുന്നു എന്നാണ് അദ്ദേഹം പറഞ്ഞതെന്നും എന്നാൽ, ഭാഷ ന്യൂനപക്ഷ ബില്ലിൽ അങ്ങനെയില്ലെന്നും മന്ത്രി പാലക്കാട്ട് മാധ്യമങ്ങളോട് വ്യക്തമാക്കി. കേരള നിയമസഭ ഐകകണ്ഠ്യേനയാണ് ബിൽ പാസാക്കിയത്. സംഘ്പരിവാറിനെപ്പോലെ കോൺഗ്രസും വിദ്വേഷത്തിന് ശ്രമിക്കുകയാണെന്നും ബുൾഡോസർരാജിൽ വീട് തകർത്തതിൽ കേരളം പ്രതികരിച്ചതിന്‍റെ പ്രതികാരമാണിതെന്നും മന്ത്രി പറഞ്ഞു.

സിദ്ധരാമയ്യ പ്രസ്താവന പിൻവലിക്കണം. ശബരിമല അന്വേഷണത്തെ സംബന്ധിച്ച് സർക്കാർ ഒന്നു പറഞ്ഞിട്ടില്ലെന്നും കോൺഗ്രസ് എന്തിന് ബേജാറാകുന്നുവെന്നും മന്ത്രി ചോദിച്ചു. പാരഡി പാടിയതിന്‍റെ ആവേശം കോൺഗ്രസിന് ഇപ്പോൾ കാണുന്നില്ലെന്നും മന്ത്രി പറഞ്ഞു.