You are here

പ്രകടനം പോലുമില്ല; ഹർത്താലിനോട്  'നോ' പറഞ്ഞ് മലപ്പുറം നഗരം

12:56 PM
03/01/2019
malappuram
മലപ്പുറം ജില്ലാ ആസ്ഥാനത്തെ പ്രധാന നഗരമായ കോട്ടപ്പടി ഹർത്താൽ ദിനത്തിൽ (ചിത്രം: മുസ്തഫ അബൂബക്കർ)

മലപ്പുറം: ഹർത്താലിനെ പൂർണമായും തിരസ്കരിച്ച് ജില്ലാ ആസ്ഥാനം. പ്രധാന നഗരങ്ങളായ കുന്നുമ്മലും കോട്ടപ്പടിയും രാവിലെ മുതൽ സാധാരണ നിലയിലാണ്. പ്രകടനം നടത്താൻ പോലും ഹർത്താൽ അനുകൂലികൾ പുറത്തിറങ്ങിയില്ല. കടകളെല്ലാം തുറന്നുപ്രവർത്തിക്കുന്നുണ്ട്. കടകൾ അടപ്പിക്കാൻ ആരും എത്തിയില്ല.  

ബസ്സുകളടക്കം സ്വകാര്യ വാഹനങ്ങൾ പതിവ് പോലെ ഓടുന്നു. നഗരത്തിലെവിടെയും മാർഗ തടസ്സമില്ല. കെ.എസ്.ആർ.ടി.സി ബസ്സുകൾ മാത്രമാണ് സർവീസ് നടത്താത്തത്. മാർക്കറ്റുകൾ സജീവമാണ്. ആശുപത്രി ഒ.പികളിലും സാധാരണ തിരക്ക് പ്രകടം. സർക്കാർ ഓഫിസുകളിലും സ്വകാര്യ സ്ഥാപനങ്ങളിലും ഏറെക്കുറെ ജീവനക്കാരെത്തി. 

നഗരത്തിൽ പുതുതായി തുടങ്ങിയ ജ്വല്ലറി ഉദ്​ഘാടനത്തിനും നിരവധി പേരെത്തി. 

Loading...
COMMENTS