ബംഗളൂരുവിൽനിന്ന്​ ബസിൽ കടത്തിയ 14 കിലോ കഞ്ചാവുമായി മലപ്പുറം സ്വദേശികൾ പിടിയിൽ

മാനന്തവാടി (വയനാട്​): ബംഗളൂരുവിൽനിന്ന് തിരൂരിലേക്കുള്ള ബസിൽ കടത്തിയ 14 കിലോ കഞ്ചാവുമായി രണ്ട്​ യുവാക്കൾ പിടിയിൽ. മലപ്പുറം കണ്ണമംഗലം സ്വദേശി മുബാറക്ക്​, തിരൂരങ്ങാടി കൂട്ടാലൂർ സ്വദേശി മുഹമ്മദ് യാസിൻ എന്നിവരാണ്​ പിടിയിലായത്​. യാത്രാ ബാഗുകളിലാണ്​ കഞ്ചാവ്​ സൂക്ഷിച്ചിരുന്നത്​.

തെരഞ്ഞെടുപ്പിനോടനുബന്ധിച്ചുള്ള റെയ്​ഡിന്‍റെ ഭാഗമായി മാനന്തവാടി എക്സൈസ് റെയ്​ഞ്ച് പാർട്ടിയും തോൽപ്പെട്ടി ചെക് പോസ്റ്റ് പാർട്ടിയും ഇലക്ഷൻ സർവയലൻസ് സ്റ്റാറ്റിറ്റിക്സ് പാർട്ടിയും ചേർന്ന്​ തോൽപ്പെട്ടി ചെക്ക് പോസ്റ്റിൽ നടത്തിയ വാഹന പരിശോധനയിലാണ്​ ഇവർ പിടിയിലായത്​.