തമിഴ്നാട്ടിൽ ഒഴുക്കിൽപ്പെട്ട് പൊൻമുണ്ടം സ്വദേശി മരിച്ചു

വൈലത്തൂർ (മലപ്പുറം): കുളിക്കുന്നതിനിടെ തമിഴ്നാട് ഈറോഡ് സത്യമംഗലത്ത് ഒഴുക്കിൽപ്പെട്ട പൊൻമുണ്ടം സ്വദേശി മരിച്ചു. പൊൻമുണ്ടത്തെ അമ്പിളി സൈനുദ്ധീന്‍റെ മകൻ മുഹമ്മദ് ഷഫീഖ് (21) ആണ് മരിച്ചത്. ചൊവ്വാഴ്ച വൈകീട്ട് മൂന്നരയോടെയായിരുന്നു അപകടം.

തമിഴ്നാട് പുങ്കമ്പളിയിലെ പിതാവിന്‍റെ ബേക്കറിയിൽ എത്തിയതായിരുന്നു ഷഫീഖ്. അഞ്ചു പേരടങ്ങുന്ന സുഹൃത്തുക്കളുമൊന്നിച്ച് കായലിൽ കുളിക്കാനിറങ്ങിയപ്പോഴാണ് ഒഴുക്കിൽപ്പെട്ട് കാണാതായത്. തുടർന്ന് ഫയർഫോഴ്സ് എത്തിയാണ് മൃതദേഹം കരക്കെടുത്തത്.

സത്യമംഗലം ജില്ല ആശുപത്രിയിൽ പോസ്റ്റ്മോർട്ടം നടത്തിയ മൃതദേഹം ബന്ധുക്കൾക്ക് വിട്ടുനൽകി. മാതാവ്: ഖദീജ. സഹോദരങ്ങൾ: ഷംസീർ, ഷഫ്ന ഷെറിൻ.