താഴേക്കുനോക്കാതെ ഉയർത്തിയ പാത

ദേശീയ പാത കൂരിയാട്ട് മ​ണ്ണി​ട്ടു​യ​ർ​ത്തി നി​ർ​മി​ച്ച റോ​ഡി​ന്റെ ലോ​ഡ് താ​ങ്ങാ​നാ​കാ​തെ ഭൂ​മി കീ​ഴ്പ്പോ​ട്ട് ഇ​രു​ന്നു​ പോ​വു​ക​യാ​യി​രു​ന്നു. അ​തി​ന്റെ സ​മ്മ​ർ​ദ​ത്താ​ൽ പാ​ട​ശേ​ഖ​ര​ത്തി​ന്റെ മ​റ്റൊ​രു ഭാ​ഗ​ത്ത് ഭൂ​മി ഉ​യ​ർ​ന്നു​പൊ​ങ്ങി​വ​ന്ന​ത് ഭൂമിയുടെ ദുർബലതയുടെ തെ​ളി​വാ​ണ്

മ​നു​ഷ്യ​ർ മ​രി​ച്ചി​ല്ലെ​ന്ന് ക​രു​തി, ദേ​ശീ​യ​പാ​ത (NH- രാ​മ​നാ​ട്ടു​ക​ര വ​ളാ​ഞ്ചേ​രി റീ​ച്ച്) നി​ർ​മാ​ണ ത​ക​രാ​ർ കാ​ര​ണം കൂ​രി​യാ​ട്ട് ത​ക​ർ​ന്ന​ത് ചെ​റു​താ​യി കാ​ണ​രു​ത്. കാ​ര​ണം, ഗൗ​ര​വ​ത​ര​മാ​യ എ​ൻ​ജി​നീ​യ​റി​ങ് ഡി​സൈ​ൻ വീ​ഴ്ച​യാ​ണ് അ​വി​ടെ സം​ഭ​വി​ച്ച​ത്. കേ​ര​ള​ത്തി​ലെ തീ​രെ ദു​ർ​ബ​ല​മാ​യ, പാ​ട​ശേ​ഖ​ര​ങ്ങ​ൾ നി​റ​ഞ്ഞ പ്ര​ദേ​ശ​ത്ത് 10 മീ​റ്റ​റി​ല​ധി​കം ഉ​യ​ര​ത്തി​ൽ ( High embankment) റോ​ഡ് നി​ർ​മി​തി ഡി​സൈ​ൻ ചെ​യ്യു​മ്പോ​ൾ പ​രി​ഗ​ണി​ക്കേ​ണ്ട മാ​ന​ദ​ണ്ഡ​ങ്ങ​ൾ പാ​ലി​ച്ചി​ട്ടു​ണ്ടോ എ​ന്ന് പ​രി​ശോ​ധി​ക്കേ​ണ്ട​തു​ണ്ട്.

ഇ​ന്ത്യ​ൻ റോ​ഡ് കോ​ൺ​ഗ്ര​സ് (IRC) ഇ​തു​സം​ബ​ന്ധ​മാ​യ കൃ​ത്യ​മാ​യ മാ​ർ​ഗ നി​ർ​ദേ​ശ​ങ്ങ​ൾ പു​റ​പ്പെ​ടു​വി​ച്ചി​ട്ടു​ള്ള​താ​ണ്. ഉ​യ​ർ​ന്ന വീ​തി​യു​ള്ള റോ​ഡ് അ​ഞ്ചു മീ​റ്റ​റി​ല​ധി​കം മ​ണ്ണി​ട്ട് ഉ​യ​ർ​ത്തു​മ്പോ​ൾ പ​ഴ​യ​കാ​ല പി​ര​മി​ഡ് മാ​തൃ​ക​യി​ലു​ള്ള ച​രി​വ് കൊ​ടു​ത്ത​ല്ല ഇ​പ്പോ​ൾ നി​ർ​മി​ക്കു​ന്ന​തെ​ന്ന​ത് ശ​രി​യാ​ണ്. ഇ​വി​ടെ ചെ​യ്തി​രി​ക്കു​ന്ന ആ​ധു​നി​ക രീ​തി​യി​ലു​ള്ള റീ​ഇ​ൻ​ഫോ​ഴ്സ്ഡ് എ​ർ​ത്ത് വാ​ൾ (RE Wall) ഡി​സൈ​ൻ വി​ദേ​ശ രാ​ജ്യ​ങ്ങ​ളി​ല​ട​ക്കം ഇ​ന്ന് വി​ജ​യ​ക​ര​വും സു​ര​ക്ഷി​ത​വു​മാ​യി ഉ​പ​യോ​ഗി​ക്കു​ന്നു​വെ​ന്ന​ത് വാ​സ്ത​വ​വു​മാ​ണ്.

റോ​ഡ് നി​ർ​മാ​ണ​ത്തി​നാ​യി ഭൂ​മി ഏ​റ്റെ​ടു​ക്കു​ന്ന​തി​ന്റെ അ​ള​വ് കു​റ​ക്കാ​മെ​ന്ന​താ​ണ് ഇ​തി​ന്റെ ഏ​റ്റ​വും വ​ലി​യ ഗു​ണം. മ​ണ്ണ് അ​ടു​ക്കു​ക​ളാ​യി ഉ​റ​പ്പി​ച്ച് (compaction) അ​തി​ലെ ഓ​രോ അ​ടു​ക്കി​ലും ജി​യോ​സി​ന്ത​റ്റി​ക് ഫൈ​ബ​ർ മാ​റ്റ് ഉ​പ​യോ​ഗി​ച്ച് ബ​ല​പ്പെ​ടു​ത്തി​യാ​ൽ പ​തി​ന​ഞ്ച് മീ​റ്റ​റി​ല​ധി​കം ഉ​യ​ര​ത്തി​ൽ റോ​ഡു​ക​ൾ നി​ർ​മി​ക്കാം. പ​ക്ഷേ, ഇ​ത്ര വ​ലി​യ സ​മ്മ​ർ​ദം താ​ങ്ങാ​നു​ള്ള ക​രു​ത്ത് താ​ഴെ​യു​ള്ള ഭൂ​മി​ക്കു​ണ്ടാ​ക​ണം എ​ന്നു​മാ​ത്രം. അ​ത് തി​രി​ച്ച​റി​യാ​ൻ ആ​ധു​നി​ക രീ​തി​യി​ൽ വി​വി​ധ പ​രി​ശോ​ധ​ന​ക​ളു​ണ്ട്. ഇ​തൊ​ക്കെ ചെ​യ്യേ​ണ്ട​വ​ർ കാ​ര്യ​ങ്ങ​ൾ ചെ​യ്തു​വോ എ​ന്ന​താ​ണ് അ​വ​ശേ​ഷി​ക്കു​ന്ന ചോ​ദ്യം.

കൂ​രി​യാ​ട് സം​ഭ​വി​ച്ച​തും High Embankment failure ആ​ണെ​ന്ന് വി​ല​യി​രു​ത്തേ​ണ്ടി വ​രും. മ​ണ്ണി​ട്ട് ഉ​യ​ർ​ത്തി ന​ല്ല ഫി​നി​ഷി​ങ്ങി​ൽ റോ​ഡ് നി​ർ​മി​ച്ചു​വെ​ങ്കി​ലും അ​തി​നെ താ​ങ്ങാ​നു​ള്ള ക​രു​ത്ത് താ​ഴെ​യു​ള്ള സ്വാ​ഭാ​വി​ക വ​യ​ൽ പ്ര​ദേ​ശ​ത്തി​ന് ഉ​ണ്ടാ​യി​രു​ന്നി​ല്ല. അ​ഥ​വാ Safe bearing Capacity തെ​റ്റാ​യി അ​നു​മാ​നി​ച്ച് ഡി​സൈ​ൻ ചെ​യ്തു​വെ​ന്ന് ചു​രു​ക്കം.

അ​താ​യ​ത്, മ​ണ്ണി​ട്ട് ഉ​യ​ർ​ത്തി നി​ർ​മി​ച്ച റോ​ഡി​ന്റെ ലോ​ഡ് താ​ങ്ങാ​നാ​കാ​തെ ഭൂ​മി കീ​ഴ്പ്പോ​ട്ട് ഇ​രു​ന്നു പോ​വു​ക​യാ​യി​രു​ന്നു. അ​തി​ന്റെ സ​മ്മ​ർ​ദ​ത്താ​ൽ പാ​ട​ശേ​ഖ​ര​ത്തി​ന്റെ മ​റ്റൊ​രു ഭാ​ഗ​ത്ത് സ്പോ​ഞ്ച് പോ​ലെ ഭൂ​മി ഉ​യ​ർ​ന്നു പൊ​ങ്ങി​വ​ന്ന​ത് ഇ​തി​ന്റെ തെ​ളി​വാ​ണ്. ഇ​ങ്ങ​നെ ഇ​രു​ന്നു​പോ​കു​മ്പോ​ൾ, തൊ​ട്ട​ടു​ത്ത അ​തീ​വ ദു​ർ​ബ​ല പ്ര​ദേ​ശ​ത്ത് ഇ​തു​പോ​ലെ ഉ​യ​ർ​ച്ച സം​ഭ​വി​ക്കും.

ഇ​ത് മു​ന്നി​ൽ​ക്ക​ണ്ട് അ​ത്ത​രം സ്ഥ​ല​ങ്ങ​ളി​ൽ സ​ർ​ച്ചാ​ർ​ജ് കൊ​ടു​ത്ത് നി​ർ​മി​തി​യെ ബ​ല​പ്പെ​ടു​ത്തു​ന്ന സാ​ങ്കേ​തി​ക വി​ദ്യ​യും ഇ​ന്നു​ണ്ട്. പ​ക്ഷെ, അ​വി​ടെ​യും ചോ​ദ്യം, ആ​രൊ​ക്കെ ഇ​ത് വേ​ണ്ട​വി​ധം പ​രി​ശോ​ധി​ക്കു​ന്നു​വെ​ന്ന​താ​ണ്. ആ​വ​ർ​ത്തി​ക്ക​പ്പെ​ടു​ന്ന ഇ​ത്ത​രം അ​പ​ക​ട​ങ്ങ​ളു​ടെ പ​ശ്ചാ​ത്ത​ല​ത്തി​ൽ, നി​ർ​മാ​ണ ക​രാ​ർ ക​മ്പ​നി​യെ ത​ന്നെ ഡി​സൈ​ൻ ഉ​ത്ത​ര​വാ​ദി​ത്ത​വും ഏ​ൽ​പി​ക്കു​ന്ന പു​തി​യ രീ​തി​യും EPC(Engineering procurement and construction) പു​നഃ​പ​രി​ശോ​ധി​ക്ക​പ്പെ​ട​ണം.

ഉ​ട​മ എ​ന്ന രീ​തി​യി​ൽ നാ​ഷ​ന​ൽ ഹൈ​വേ അ​തോ​റി​റ്റി, റോ​ഡ് നി​ർ​മാ​ണ​ത്തി​ന്റെ സ്കോ​പ്പ് അ​വ​ത​രി​പ്പി​ക്കു​ക മാ​ത്ര​മാ​ണ് ടെ​ൻ​ഡ​ർ ന​ട​പ​ടി​ക​ളി​ൽ ചെ​യ്യു​ന്ന​ത്. ഒ​രു പ്ര​ദേ​ശ​ത്ത് ഇ​ത്ര വാ​ഹ​ന സാ​ന്ദ്ര​ത​യു​ണ്ടെ​ന്നും അ​തി​നാ​വ​ശ്യ​മാ​യ ഇ​ത്ര​വ​രി പാ​ത നി​ർ​മി​ക്ക​ണ​മെ​ന്നു മാ​ത്ര​മാ​ണ് ചു​രു​ക്കി പ്പ​റ​ഞ്ഞാ​ൽ സ്കോ​പ്പി​ൽ പ​റ​യു​ക. ഡി​സൈ​നും നി​ർ​മാ​ണ ഗു​ണ​നി​ല​വാ​രം ഉ​റ​പ്പു​വ​രു​ത്ത​ലു​മൊ​ക്കെ ക​രാ​റു​കാ​ര​ൻ സ്വ​ന്തം നി​ല​യി​ൽ ചെ​യ്യ​ണം.

ഉ​ട​മ​യും ക​രാ​റു​കാ​ര​നു​മി​ട​യി​ൽ ഒ​രു സ്വ​ത​ന്ത്ര ക​ൺ​സ​ൽ​ട്ടി​ങ് ഏ​ജ​ൻ​സി​യെ കൂ​ടി ഉ​ൾ​പ്പെ​ടു​ത്തു​ന്നു​ണ്ടെ​ങ്കി​ലും അ​വ​രും ഒ​രു സ്വ​കാ​ര്യ ഏ​ജ​ൻ​സി​യാ​ണ് എ​ന്നോ​ർ​ക്ക​ണം. പ​തി​ന​ഞ്ച് വ​ർ​ഷം വ​രെ നി​ർ​മാ​ണ​ത്തി​ന്റെ ഉ​ത്ത​ര​വാ​ദി​ത്തം ക​രാ​റു​കാ​രു​ടെ ബാ​ധ്യ​ത​യാ​ണെ​ന്ന ഗു​ണം ഈ ​സം​വി​ധാ​ന​ത്തി​ൽ ഉ​ണ്ടെ​ന്ന് വാ​ദി​ച്ചാ​ലും, അ​പ​ക​ടം സം​ഭ​വി​ച്ചാ​ൽ ബാ​ധി​ക്കു​ക പൗ​ര​ന്മാ​രെ ആ​യി​രി​ക്കു​മെ​​ന്നോ​ർ​ക്ക​ണം.

ആ​ദ്യ​കാ​ല​ങ്ങ​ളി​ൽ കേ​ര​ള​ത്തി​ൽ ദേ​ശീ​യ​പാ​ത നി​ർ​മി​ക്കു​മ്പോ​ൾ അ​തി​ന്റെ സൂ​പ്പ​ർ വി​ഷ​ൻ ചു​മ​ത​ല കേ​ര​ള പി.​ഡ​ബ്ല്യു.​ഡി​ക്ക് ന​ൽ​കി​യി​രു​ന്നു. ഇ​ന്നി​പ്പോ​ൾ അ​തി​നൊ​ന്നും പ്ര​സ​ക്തി​യി​ല്ലാ​ത്ത​തു​കൊ​ണ്ട് ഒ​രു ചീ​ഫ് എ​ൻ​ജി​നീ​യ​ർ ഉ​ൾ​പ്പെ​ടെ ഉ​ണ്ടാ​യി​രു​ന്ന ആ ​സെ​ക്ഷ​നൊ​ക്കെ അ​ട​ച്ചു​പൂ​ട്ടി. എ​ൻ. എ​ച്ചി​ന്റേ​താ​ക​ട്ടെ, സ്റ്റേ​റ്റ് പി. ​ഡ​ബ്ല്യു.​ഡി യു​ടേ​താ​ക​ട്ടെ സ​ർ​ക്കാ​ർ ഏ​ജ​ൻ​സി​ക​ളൊ​ക്കെ വെ​റും കാ​ഴ്ച​ക്കാ​രാ​യി മാ​റി.

ദേശീയ പാത 66 കൂരിയാട് ഇടിഞ്ഞ ഭാഗം

● കൂ​രി​യാ​ട് ഹൈ​വേ ഭാ​ഗ​ത്തി​ന്റെ ഇ​രു​വ​ശ ഭി​ത്തി​ക​ളും ഏ​ക​ദേ​ശം 10 മീ​റ്റ​ർ ഉ​യ​ര​ത്തി​ൽ ഇ​ന്റ​ർ​ലോ​ക്ക് ടൈ​ൽ ഉ​പ​യോ​ഗി​ച്ചാ​ണ് നി​ർ​മി​ച്ചി​രി​ക്കു​ന്ന​ത്. ‘നി​ക​ത്ത് മ​ണ്ണി’​ന്റെ ഭാ​രം ഇ​തി​ലേ​ക്ക് വ​രാ​ത്ത ഡി​സൈ​നാ​ണ് ഈ RE ​വാ​ളി​ന്റേ​ത്.

● നി​ക​ത്ത് മ​ണ്ണ് ന​ല്ല രീ​തി​യി​ൽ ഉ​റ​പ്പി​ച്ച് ഓ​രോ ത​ട്ടും ത​മ്മി​ൽ ജി​യോ സി​ന്ത​റ്റി​ക് ഫൈ​ബ​ർ മാ​റ്റ് വെ​ച്ച്, ഇ​ഴ തു​ന്നി ചേ​ർ​ത്ത പോ​ലെ ബ​ല​പ്പെ​ടു​ത്തു​ന്നു. അ​പ്പോ​ൾ ഇ​ന്റ​ർ​ലോ​ക് ടൈ​ലി​ന് വ​ശ​ങ്ങ​ളി​ലെ സൗ​ന്ദ​ര്യ​വ​ത്ക​ര​ണം എ​ന്ന ധ​ർ​മം മാ​ത്ര​മേ കാ​ണൂ.

● അ​ടി​ച്ചു​റ​പ്പി​ച്ച നി​ക​ത്ത് മ​ണ്ണ് നി​ർ​മി​തി​യു​ടെ ഭാ​രം താ​ങ്ങാ​നു​ള്ള ശേ​ഷി താ​ഴെ​യു​ള്ള സ്വാ​ഭാ​വി​ക ഭൂ​മി​ക്ക് വേ​ണം. എ​ന്നാ​ൽ ഇ​വി​ടെ അ​തു​ണ്ടാ​യി​ല്ല എ​ന്നു വേ​ണം അ​നു​മാ​നി​ക്കാ​ൻ. അ​തു​കാ​ര​ണം, ആ ​ഭാ​ഗ​ത്ത് പാ​ത ഇ​രു​ന്നു പോ​യി.

● ഇ​തി​ന്റെ സ​മ്മ​ർ​ദ​ത്താ​ൽ തൊ​ട്ട​ടു​ത്ത വ​യ​ൽ പ്ര​ദേ​ശം പ്ര​ത്യേ​ക ദി​ശ​യി​ൽ ഉ​യ​ർ​ന്നു​​പൊ​ങ്ങി.

● കൃ​ത്യ​മാ​യ മ​ണ്ണ് പ​രി​ശോ​ധ​ന ന​ട​ത്താ​തെ ചെ​യ്ത എ​ഞ്ചി​നീ​യ​റിം​ഗ് ഡി​സൈ​ൻ ത​ക​ർ​ച്ച​യു​ടെ ഉ​ദാ​ഹ​ര​ണ​മാ​ണി​തെ​ന്ന് മ​ന​സ്സി​ലാ​ക്കാം.