You are here

മലപ്പുറം കാളികാവിൽ പാലം ഒലിച്ച് പോയി

14:42 PM
10/08/2018

മലപ്പുറം: കനത്ത മഴയിൽ കാളികാവ് മുത്തൻ തണ്ട് പാലം ഒലിച്ച് പോയി. കാളികാവ് ചോക്കാട് പഞ്ചായത്തുകളെ ബന്ധിപ്പിക്കുന്ന പാലമാണിത്. മാളിയേക്കൽ പ്രദേശത്തുള്ളവർ പ്രധാനമായും ആശ്രയിക്കുന്ന ഒരു പാലമാണിത്.  

ഇത് നടപ്പാലമാണെങ്കിലും ഇരു ചക്ര വാഹനങ്ങൾ ഉപയോഗിച്ച് നാട്ടുകാർ പാലത്തിലൂടെ സഞ്ചരിച്ചിരുന്നു. വിദ്യാർത്ഥികളും തൊഴിലാളികളുമായിരുന്നു യാത്രക്കാരിലധികവും. പാലം വീതി കൂട്ടി പുതുക്കിപ്പണിയണമെന്ന് നാട്ടുകാർ ആവശ്യപ്പെട്ടിരുന്നു. അതിനുള്ള ശ്രമങ്ങൾ നടക്കുന്നതിനിടെയാണ് പാലം ഒലിച്ച് പോയത്. 

പുഴയിൽ വെള്ളം കുറഞ്ഞതോടെയാണ് പാലം ഒലിച്ച് പോയതായി നാട്ടുകാരുടെ ശ്രദ്ധയിൽപെട്ടത്.

Loading...
COMMENTS