മലപ്പുറം ജില്ല വിഭജിക്കണമെന്ന് കെ.എൻ.എ ഖാദർ നിയമസഭയിൽ
text_fieldsതിരുവനന്തപുരം: മലപ്പുറം ജില്ല വിഭജിക്കണമെന്ന് നിയമസഭയിൽ മുസ് ലിം ലീഗ്. മുസ് ലിം ലീഗ് എം.എൽ.എ കെ.എൻ.എ ഖാദർ ശ്രദ്ധ ക്ഷണിക്കൽ പ്രമേയത്തിലൂടെയാണ് ഇക്കാര്യം സഭയുടെ ശ്രദ്ധയിൽ കൊണ്ടുവന്നത്. മലപ്പുറം ജില്ല വിഭജിച്ച് പുതിയ ജില്ല ര ൂപീകരിക്കണമെന്നാണ് ആവശ്യം.
ചൊവ്വാഴ്ചത്തെ മലപ്പുറം ജില്ല വിഭജിച്ച് പുതിയ ജില്ല രൂപവത്കരിക്കണമെന്ന് ആവശ്യപ്പെട്ട് കൊണ്ടുവന്ന ശ്രദ്ധക്ഷണിക്കൽ പ്രമേയത്തിൽ നിന്ന് കെ.എൻ.എ. ഖാദർ പിന്മാറിയിരുന്നു. മുന്നണിയിൽ ചർച്ച ചെയ്ത് തീരുമാനമെടുക്കാതെ ഇൗ വിഷയം നിയമസഭയിൽ കൊണ്ടു വരുന്നതിനോട് യു.ഡി.എഫ് നേതൃത്വം അതൃപ്തി അറിയിച്ചതിനെ തുടർന്നാണ് കെ.എൻ.എ. ഖാദർ തന്ത്രപരമായി പിന്മാറിയത്.
നിയമസഭയുടെ കാര്യവിവരപട്ടികയിൽ കെ.എൻ.എ. ഖാദറിെൻറ പ്രമേയവും ഇടംപിടിച്ചിരുന്നു. മുഖ്യമന്ത്രിയാണ് മറുപടി നൽകേണ്ടിയിരുന്നത്. ശൂന്യവേളയിൽ സ്പീക്കർ പ്രമേയം അവതരിപ്പിക്കാൻ കെ.എൻ.എ. ഖാദറിനെ ക്ഷണിച്ചുവെങ്കിലും അദ്ദേഹം സഭയിൽ ഹാജരുണ്ടായിരുന്നില്ല.
ജില്ല രൂപവത്കരണം പോലെ നയപരമായി തീരുമാനമെടുക്കേണ്ട സുപ്രധാന വിഷയങ്ങൾ മുന്നണിയിൽ ആലോചിച്ച് തീരുമാനിക്കുംമുമ്പ് നിയമസഭയിൽ ഉന്നയിക്കുന്നതിലെ അനൗചിത്യം യു.ഡി.എഫ് നേതൃത്വം മുസ്ലിം ലീഗ് നേതൃത്വത്തെ അറിയിക്കുകയായിരുന്നു. ലീഗും അതിനോട് അനുകൂലമായാണ് പ്രതികരിച്ചത്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.