വോട്ട് വർധനവിൽ എൽ.ഡി.എഫ് അഭിമാനിക്കേണ്ട -അബ്ദുറഹ്മാൻ രണ്ടത്താണി

മലപ്പുറം: ഉപതെരഞ്ഞെടുപ്പിലെ വോട്ട് വർധനവിൽ എൽ.ഡി.എഫ് അഭിമാനിക്കേണ്ടെന്ന് മുസ് ലിം ലീഗ് നേതാവ് അബ്ദുറഹ്മാൻ രണ്ടത്താണി. പിണറായി സർക്കാറിന്‍റെ പൊലീസ് മൃദുഹിന്ദുത്വ സമീപനമാണ് സ്വീകരിച്ചിട്ടുള്ളത്. ഈ നിലപാടിന്‍റെ ഫലമായി ബി.ജെ.പിയുടെ വോട്ടുകൾ സി.പി.എമ്മിന് ലഭിച്ചിട്ടുണ്ടെന്നും രണ്ടത്താണി പറഞ്ഞു.

സി.പി.എമ്മിന് വോട്ട് ചെയ്താൽ തകരാറില്ലെന്ന് നിലപാട് ബി.ജെ.പി പ്രവർത്തകർക്ക് ഉണ്ടായിട്ടുണ്ടാവാം. സ്വഭാവികമായ വോട്ട് വർധനവ് മാത്രമാണിതെന്നും രണ്ടത്താണി വ്യക്തമാക്കി.