ബ്രൂവറിക്ക് മലമ്പുഴ ഡാം വെള്ളം ഹൈകോടതി ഉത്തരവിന്റെ ലംഘനം

പാ​ല​ക്കാ​ട്: എ​ല​പ്പു​ള്ളി​യി​ൽ ബ്രു​വ​റി​ക്കാ​യി മ​ല​മ്പു​ഴ ഡാ​മി​ൽ നി​ന്ന് വെ​ള്ള​മെ​ത്തി​ക്കാ​നു​ള്ള സ​ർ​ക്കാ​ർ നീ​ക്കം ഹൈ​ക്കോ​ട​തി ഉ​ത്ത​ര​വ് ലം​ഘി​ച്ച്. പാ​ല​ക്കാ​ട് ജി​ല്ല​യി​ലെ ക​ർ​ഷ​ക​ർ മ​ല​മ്പു​ഴ ഡാം ​വെ​ള്ള​ത്തെ ആ​ശ്ര​യി​ച്ചാ​ണ് ര​ണ്ടാം​വി​ള നെ​ൽ​കൃ​ഷി ചെ​യ്യു​ന്ന​ത്. എ​ല്ലാ വ​ർ​ഷ​വും ക​ർ​ഷ​ക​ർ പ്ര​തി​സ​ന്ധി നേ​രി​ടു​ന്ന സാ​ഹ​ച​ര്യ​ത്തി​ലാ​ണ് മ​ല​മ്പു​ഴ വെ​ള്ളം കൃ​ഷി​യാ​വ​ശ്യ​ങ്ങ​ൾ ക​ഴി​ഞ്ഞ് മാ​ത്ര​മേ വ്യ​വ​സാ​യ​ങ്ങ​ൾ​ക്ക് ഉ​പ​യോ​ഗി​ക്കാ​വൂ​വെ​ന്ന് 2018ൽ ​ഹൈ​കോ​ട​തി ഉ​ത്ത​ര​വി​ട്ട​ത്. മ​ല​മ്പു​ഴ​യി​ൽ നി​ന്ന് പ്ര​തി​ദി​നം പ​ത്ത് ദ​ശ​ല​ക്ഷം ലി​റ്റ​ർ വെ​ള്ളം കി​ൻ​ഫ്ര​യി​ലെ വ്യാ​വ​സാ​യി​കാ​വ​ശ്യ​ങ്ങ​ൾ​ക്ക് ന​ൽ​കാ​ൻ ധാ​ര​ണ​യാ​യി​രു​ന്നു. 13 കി​ലോ​മീ​റ്റ‍ർ ദൂ​ര​ത്തി​ൽ പൈ​പ്പ് സ്ഥാ​പി​ച്ച് വെ​ള്ള​മെ​ത്തി​ക്കാ​നു​ള​ള പ്ര​വ​ർ​ത്ത​ന​വും തു​ട​ങ്ങി. എ​ന്നാ​ൽ, ഇ​തി​നെ​തി​രെ ക‍ർ​ഷ​ക​നും ക​ർ​ഷ​ക കോ​ൺ​ഗ്ര​സ് സം​സ്ഥാ​ന പ്ര​സി​ഡ​ന്‍റു​മാ​യ മാ​ത്തൂ​ർ ശി​വ​രാ​ജ​ൻ ന​ൽ​കി​യ ഹ‍ർ​ജി​യി​ലാ​യി​രു​ന്നു ഹൈ​കോ​ട​തി ഇ​ട​പെ​ട​ൽ. കു​ടി​വെ​ള്ള​ത്തി​നും ജ​ല​സേ​ച​ന​ത്തി​നും വെ​ള്ളം ഉ​റ​പ്പാ​ക്ക​ണ​മെ​ന്ന് ഉ​ത്ത​ര​വി​ലു​ണ്ട്.

മ​ല​മ്പു​ഴ ഡാം ​ക​മീ​ഷ​ൻ ചെ​യ്ത​ത് കാ​ർ​ഷി​കാ​വ​ശ്യ​ങ്ങ​ൾ​ക്കാ​യാ​ണ്. ഡാ​മി​ൽ ഓ​രോ വ​ർ​ഷം കൂ​ടും​തോ​റും ജ​ല​ല​ഭ്യ​ത കു​റ​യു​ക​യാ​ണെ​ന്ന് ക​ർ​ഷ​ക​ർ പ​റ​യു​ന്നു. ചെ​ളി അ​ടി​ഞ്ഞ​തും സം​ഭ​ര​ണ​ശേ​ഷി​യെ ബാ​ധി​ച്ചു. ക​ടു​ത്ത വേ​ന​ലി​ൽ കു​റ​ച്ച് വെ​ള്ളം മാ​ത്ര​മാ​ണ് ശേ​ഷി​ക്കു​ക. 2016-17 ൽ 27 ​ദി​വ​സം മാ​ത്ര​മാ​ണ് മ​ല​മ്പു​ഴ​യി​ൽ​നി​ന്ന് കൃ​ഷി​ക്കാ​യി വെ​ള്ള​മെ​ടു​ത്ത​ത്. ര​ണ്ടാം വി​ള​ക്ക് 120 ദി​വ​സ​മെ​ങ്കി​ലും വെ​ള്ളം കി​ട്ടി​യാ​ലേ ന​ല്ല വി​ള​വ് ല​ഭി​ക്കൂ. ഇ​ത്ത​വ​ണ കി​ട്ടി​യ​ത് 100 ദി​വ​സം. കൂ​ടാ​തെ പാ​ല​ക്കാ​ട് ന​ഗ​ര​സ​ഭ​യി​ലും സ​മീ​പ​ത്തെ ആ​റ് പ​ഞ്ചാ​യ​ത്തു​ക​ളി​ലേ​ക്കും കു​ടി​വെ​ള്ള​മെ​ത്തു​ന്ന​തും മ​ല​മ്പു​ഴ​യി​ൽ നി​ന്നാ​ണ്. ദി​നം​പ്ര​തി 70-75 ദ​ശ​ല​ക്ഷം ലി​റ്റ​ർ വെ​ള്ള​മെ​ങ്കി​ലും ഇ​തി​ന് വേ​ണം.

ജലസേചന വകുപ്പ് കുടിവെള്ള വിതരണത്തിനായി ജല അതോറിറ്റിക്ക് നല്‍കുന്നത് 96 ദശലക്ഷം ലിറ്റര്‍ വെള്ളമാണ്. ഇതിൽ 61 ദശലക്ഷം ലിറ്റർ വെള്ളമേ അതോറിറ്റി ഉപയോഗിക്കുന്നുള്ളൂ. ബാക്കി വരുന്ന വെള്ളം വ്യാവസായികാവശ്യങ്ങൾക്കായി ജല അതോറിറ്റി നൽകുന്നെന്നാണ് കർഷകരുടെ ആരോപണം.