മാജിദി​െൻറ അറുകൊലയിൽ ഞെട്ടി മടവൂരുകാർ

കോഴി​ക്കോട്​/നരിക്കുനി: പഠനത്തിനായി അന്യനാട്ടിൽ നിന്നെത്തിയ വിദ്യാർഥി അബ്​ദുൽ മാജിദി​​​​െൻറ അറുകൊലയിൽ ഞെട്ടിയിരിക്കുകയാണ്​ മടവൂരിലെ നാട്ടുകാർ. രാവിലെ ഏഴരക്കാണ്​ കൊലപാതക​െമ​ങ്കിലും അൽപം വൈകിയാണ്​ പുറംലോകമറിഞ്ഞത്​. മദ്​റസ അവധിയായതിനാൽ കളിച്ചശേഷം കുളിയും കഴിഞ്ഞ്​ തിരിച്ചുവരുകയായിരുന്നു  മാജിദ്​. മറ്റു രണ്ട്​ വിദ്യാർഥികളെ പ്രതി പിടികൂടിയെങ്കിലും കുതറി ഒാടിയതിനാലാണ്​ കൂട്ടക്കൊല​ ഒഴിവായത്​. ചെറിയ കത്തികൊണ്ടുള്ള  ആക്രമണത്തിൽ ശ്വാസകോശത്തിനേറ്റ പരിക്കാണ്​ മരണത്തിനിടയാക്കിയത്​. സമീപത്ത്​ താമസിക്കുന്ന കോളജ്​ വിദ്യാർഥികൾ അടക്കമുള്ളവരാണ്​ മാജിദിനെ ആശുപത്രിയിലെത്തിച്ചത്​. കൃത്യംചെയ്​തശേഷം രക്ഷ​െപ്പട്ട പ്രതി രക്​തംപുരണ്ട വസ്​ത്രങ്ങളുമായി പടനിലം വരെ കൂസലില്ലാതെ  നടന്നുപോകുകയായിരുന്നു. 

ഒരു മാസത്തിലേറെയായി പ്രദേശത്ത്​ അലഞ്ഞുതിരിയുന്ന പ്രതി ഷംസുദ്ദീൻ നാട്ടുകാരിൽ പലരുമായും ​വഴക്കിട്ടിരുന്നു. സമീപത്തെ സി.എം മഖാമിലെ സുരക്ഷജീവനക്കാരനെ കുത്തുമെന്ന്​ ഭീഷണിപ്പെടുത്തിയതായി നാട്ടുകാർ പറഞ്ഞു. ഹോട്ടലുകളിൽനിന്ന്​ ഭക്ഷണം ക​ഴിച്ച്​ പണം കൊടുക്കാതെ മുങ്ങുന്നതും ശീലമായിരുന്നു. സി.എം മഖാം പരിസരത്തും സി.എം സ​​​െൻററിന്​ സമീപവും പലപ്പോഴ​ും അന്തിയുറങ്ങിയ പ്രതി കാന്തപുരം സ്വദേശിയാണെന്നാണ്​ പറഞ്ഞിരുന്നത്​. എന്നാൽ, അലഞ്ഞുതിരിയുന്ന ഇയാളെ പൊലീസിലേൽപിക്കാനോ പൊലീസിന് ഇതുസംബന്ധിച്ച്​ വിവരം നൽകുന്നതിനോ ആരും തയാറായില്ല. ആൺകുട്ടിക​േളാട്​ മോശമായ രീതിയിൽ പെരുമാറിയിരുന്നതായി പൊലീസ്​ പറഞ്ഞു. ത​​​​െൻറ ടൂത്ത്​ബ്രഷ്​ വിദ്യാർഥികൾ വലിച്ചെറിഞ്ഞതിന്​ കുത്തിയതാണെന്ന വിചിത്രവാദമായിരുന്നു പ്രതിയു​േടത്​. 

അറസ്​റ്റിലായ ഷം​സു​ദ്ദീ​ൻ

 

കാസർകോട്​ മുളിയാർ സ്വദേശിയായ പ്രതി ഷംസുദീൻ ആറു മാസമായി നാടുവിട്ടുവന്നതാണ്​. കാഴ്​ചയില്ലാത്ത പിതാവുമാത്രമാണ്​ വീട്ടിലുള്ളത്​. മാജിദ്​ അടക്കമുള്ളവർ താമസിക്കുന്ന ജൂനിയർ ദഅ്​വ ഹോസ്​റ്റലിൽ രാത്രി താമസിക്കാൻ ഷംസുദ്ദീൻ ശ്രമിച്ചിരുന്നെങ്കിലും അനുവദിച്ചിരുന്നില്ല. ​ഹൈസ്​കൂൾ വിദ്യാർഥികളുടെ ​േഹാസ്​റ്റലും ​സമീപം ​പ്രൈമറി സ്​കൂളുമു​െണ്ടങ്കിലും ഇവിടെ ചുറ്റുമതിലില്ലാത്തതിനാൽ ആർക്കും കയറാവുന്ന അവസ്​ഥയാണ്​.വൈകീട്ട്​ നാലിന്​​ സി.എം സ​​​െൻറർ ജുമാമസ്​ജിദിലെത്തിച്ച മൃതദേഹം കാണാൻ നിരവധി പേരെത്തി. മയ്യിത്ത്​ നമസ്​കാരത്തിന്​ കാന്തപുരം എ.പി അബൂബക്കർ മുസ്​ലിയാർ നേതൃത്വം നൽകി. കാരാട്ട്​  റസാഖ്​ എം.എൽ.എ, സി. മുഹമ്മദ്​ ഫൈസി തുടങ്ങിയവർ അന്തിമോപചാരമർപ്പിച്ചു. മൃതദേഹം പിന്നീട്​  മാജിദി​​​​െൻറ സ്വദേശമായ മാനന്തവാടി ഇൗസ്​റ്റ്​ കെല്ലൂരി​േലക്ക്​  കൊണ്ടുപോയി.  സിറ്റി ഡെപ്യൂട്ടി പൊലീസ്​ കമീഷണർ ജി. ജയ്​ദേവ്​, കുന്ദമംഗലം എസ്​.​െഎ രജീഷ്​ തുടങ്ങിയവർ സ്​ഥലത്തെത്തി.

 സി.എം മഖാം തീർഥാടന കേന്ദ്രമായതിനാൽ ദൂരെ ദിക്കുകളിൽനിന്ന് പലതരത്തിലുള്ള ആളുകളും എത്താറുണ്ട്​. ഇവരിൽ ക്രിമിനലുകളും മനോരോഗികളും ലഹരി ഉപയോക്​താക്കളുമുണ്ടെന്ന ആ​േക്ഷപമുണ്ട്​. എന്നാൽ, ഇവരെ നിരീക്ഷിക്കാനോ സ്​ഥാപനങ്ങളിൽ പ്രവേശിപ്പിക്കാതിരിക്കാനോ ആവശ്യമായ കവാടങ്ങളോ സുരക്ഷജീവനക്കാരോ ഇവിടെയില്ല. ഈ സ്​ഥാപനങ്ങളിലൊന്നിലും സി.സി.ടിവിപോലുള്ള സംവിധാനങ്ങളും ഒരുക്കിയിട്ടില്ല. നിഷ്കളങ്കനായ ഈ ബാലന് കുത്തേറ്റത് സി.എം മഖാമിൽനിന്ന് അര കി.മീറ്ററോളം ദൂരെയുള്ള ജൂനിയർ ദഅ്്​വ കോളജിനെയും പ്ലസൻറ്​ പബ്ലിക് സ്​കൂളിനെയും ബന്ധിപ്പിക്കുന്ന മേൽക്കൂരയുള്ള പാതയിൽവെച്ചാണ്. ഈ രണ്ട് സ്​ഥാപനങ്ങൾക്കും ചുറ്റുമതിലോ കവാടമോ സുരക്ഷജീവനക്കാരോ  സി.സി.ടി.വി സംവിധാനമോ ഇല്ല.  കുട്ടിയുടെ മരണത്തോടെ സുരക്ഷ സംബന്ധിച്ച നാട്ടുകാരുടെ ആ​ശങ്കയും ശക്​തമായിരിക്കുകയാണ്​.