Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightകരുവന്നൂർ ബാങ്ക്​...

കരുവന്നൂർ ബാങ്ക്​ തട്ടിപ്പ്​: മുഖ്യപ്രതി കിരൺ അറസ്​റ്റിൽ

text_fields
bookmark_border
കരുവന്നൂർ ബാങ്ക്​ തട്ടിപ്പ്​: മുഖ്യപ്രതി കിരൺ അറസ്​റ്റിൽ
cancel

തൃശൂർ: കരുവന്നൂര്‍ സഹകരണ ബാങ്ക് വായ്പ തട്ടിപ്പിലെ ആസൂത്രകനും മുഖ്യപ്രതിയും ഇടനിലക്കാരനുമായ പെരിഞ്ഞനം പള്ളത്ത് കിരൺ (31) അറസ്​റ്റില്‍. ബാങ്കില്‍ നടന്ന ഒട്ടുമിക്ക തട്ടിപ്പുകളുടെയും ഇടനിലക്കാരനായി പ്രവര്‍ത്തിച്ചത് കിരണ്‍ ആണെന്നാണ് കണ്ടെത്തൽ. കിരണി​െൻറ ഒളിത്താവളത്തെക്കുറിച്ച് സൂചന ലഭിച്ച പൊലീസ് അവിടെ എത്തും മുമ്പ് ഇയാൾ ആന്ധ്രയിലേക്ക് രക്ഷപ്പെട്ടിരുന്നു. പൊലീസ് അന്വേഷിച്ചെത്തിയതോടെ പല സംസ്ഥാനങ്ങള്‍ കടന്ന് ഒടുവിൽ ഡല്‍ഹി വരെയെത്തി.

രഹസ്യമായി കേരളത്തിൽ എത്തിയെന്ന വിവരത്തി​െൻറ അടിസ്ഥാനത്തില്‍ നടത്തിയ പരിശോധനയില്‍ പാലക്കാട് കൊല്ലങ്കോട്ടുനിന്നാണ് ക്രൈംബ്രാഞ്ച് സംഘം അറസ്​റ്റ്​ ചെയ്തത്. ബാങ്കില്‍ അംഗത്വം പോലുമില്ലാത്ത കിരണ്‍ സ്വന്തം പേരിലും ബിനാമി പേരുകളിലുമായി 22 കോടിയോളം രൂപ വായ്പയെടുത്തെന്നാണ് പ്രാഥമിക പരിശോധനയിൽ കണ്ടെത്തിയത്.

കിരണി​െൻറ അംഗത്വം തെളിയിക്കുന്ന രേഖകളൊന്നും ബാങ്കില്‍നിന്ന് കണ്ടെത്താനായിട്ടില്ല. കിരണി​െൻറ പേരിൽ 50 ലക്ഷം രൂപയുടെ ഒരു വായ്പയും 45 ബിനാമി വായ്പകളുമുണ്ട്. ഇതിൽ പലതും 50 ലക്ഷം രൂപ വീതം എടുത്തവയാണ്. 22.85 കോടിയുടെ ബാധ്യത കിരൺ മൂലം ബാങ്കിനുണ്ടായി. കിരണി​െൻറ ബിസിനസ് പങ്കാളികളുടെയും ബന്ധുക്കളുടെയും പേരിലാണ്​ പല വായ്പകളും. ഇവക്കൊന്നും കൃത്യമായ ഈടു രേഖകളില്ല. ഓഡിറ്റിനിടെ പരിശോധന സംഘം കിരണിനോട്​ വിവരങ്ങൾ തേടിയിരുന്നെങ്കിലും ബിനാമി വായ്പകളുടെ ഉത്തരവാദിത്തം ഏറ്റെടുക്കാൻ തയാറായില്ല.

എന്നാൽ, ഇയാളുടെ ഇതര ബാങ്ക് അക്കൗണ്ടുകൾ പരിശോധിച്ചപ്പോൾ കോടിക്കണക്കിന്​ രൂപയുടെ ഇടപാടുകൾ നടന്നതായി കണ്ടെത്തിയിട്ടുണ്ട്. മറ്റ് ദേശസാത്​കൃത ബാങ്കുകളിൽനിന്ന്​ കോടികൾ വ്യാജ രേഖകൾ ഉപയോഗിച്ചും മറ്റ് പലരുടെ പേരുകളിലും വായ്പ തട്ടിപ്പ് നടത്തിയതായി കണ്ടെത്തിയിരുന്നു.

കിരൺ കൂടി പിടിയിലായതോടെ മുന്‍ ഭരണസമിതിയിലെ രണ്ട് വനിത അംഗങ്ങള്‍ ഒഴികെ കേസിലെ പ്രധാന പ്രതികളെല്ലാം അറസ്​റ്റിലായി. ലുക്ക് ഔട്ട് നോട്ടീസ് പുറപ്പെടുവിച്ചിട്ടും ഇയാളെ പിടികൂടാനാവാത്തതിൽ പൊലീസിനെതിരെ കടുത്ത വിമർശനമുയർന്നിരുന്നു.

Show Full Article
TAGS:Karuvannur Bank Fraud 
News Summary - Main accused Kiran arrested in Karuvannur Bank Fraud
Next Story