വിദ്യാർഥിയെ ആള്​ മാറി മർദിച്ച്​ കൊലപ്പെടുത്തി; ജയിൽ വാർഡൻ അറസ്റ്റിൽ

കൊല്ലം: ആളുമാറി ​മർദനമേറ്റ ​െഎ.ടി.​െഎ വിദ്യാർഥി മരിച്ച സംഭവത്തിൽ ജയിൽ വാർഡൻ പിടിയിൽ. കൊല്ലം ജില്ലാ ജയിൽ വാർഡൻ വിനീതാണ്​ പൊലീസ്​ പിടിയിലായത്​. മർദ​നമേറ്റ രഞ്​ജിത്ത്​ കഴിഞ്ഞ ദിവസം മരിച്ചിരുന്നു.

ഫെബ്രുവരി 14നാണ്​ കേസിനാസ്​പദമായ സംഭവം. പെൺക​ുട്ടിയെ ശല്യം ചെയ്​തുവെന്ന്​ ആരോപിച്ച്​ വിനീതി​​​​െൻറ നേതൃത്വത്തിലുള്ള സംഘം രഞ്​ജിത്തിനെ വീട്ടിൽ നിന്ന്​ വിളിച്ചിറക്കി മർദിക്കുകയായിരുന്നു. മർദനത്തിൽ ഗുരുതരമായി പരിക്കേറ്റ രഞ്​ജിത്ത്​ തിരുവനന്തപുരം മെഡിക്കൽ കോളജിൽ ചികിൽസയി​ലിരിക്കെയാണ്​ മരിച്ചത്​.

സംഭവത്തിൽ വിനീതിനെതിരെ കൊലക്കുറ്റം ചുമത്തിയിട്ടുണ്ട്​. വിദ്യാർഥിയുടെ മരണത്തിന്​ ശേഷമാണ്​ വിനീതിനെതിരെ നടപടിയെടുക്കാൻ പൊലീസ്​ തയാറായതെന്ന്​ ആക്ഷേപമുണ്ട്​.

നാടി​​െൻറ ഉള്ളുപിടയുന്ന ദുഃഖമായി രഞ്ജിത്തി​​െൻറ മരണം
ചവറ: രഞ്ജിത്തി​​െൻറ മരണം ഒരുനാടി​​െൻറ ഉള്ളുപിടയുന്ന ദുഃഖമായി മാറി. പെൺകുട്ടിയെ കളിയാക്കിയെന്നാരോപിച്ച് ജയിൽ വാർഡ​​െൻറ നേതൃത്വത്തിൽ ആറംഗ സംഘം വീട് കയറി മർദിച്ച് അവശനാക്കി ചികിത്സയിൽ കഴിയവെ വ്യാ​ഴാഴ്​ച മരിച്ച തേവലക്കര അരിനല്ലൂർ ചിറക്കാലക്കോട്ട് കിഴക്കതിൽ രഞ്ജിത്തിനെ കുറിച്ച് നാട്ടുകാർക്കും കൂട്ടുകാർക്കും നല്ലതേ പറയാനുള്ളൂ. ചന്ദനത്തോപ്പ് ഗവ. ഐ.ടി.ഐയിൽ ഒന്നാം വർഷ വിദ്യാർഥിയായിരുന്നു രഞ്ജിത്. രാവിലെ വീടുകളിൽ പത്രവിതരണവും പിന്നീട് വീടിനടുത്തുള്ള ക്ഷേത്രത്തിൽ മാലകെട്ടും കഴിഞ്ഞാണ് ഐ.ടി.ഐയിൽ പഠനത്തിന്​ പോകുന്നത്.

കഴിഞ്ഞ 14ന് രാത്രി 10ഒാടെ നാട്ടുകാരനും ജില്ല ജയിലിലെ വാർഡനുമായ വിനീതി​​െൻറ നേതൃത്വത്തിലെ ആറംഗസംഘം രഞ്ജിത്തി​​െൻറ വീട്ടിലെത്തി ബന്ധുവി​​െൻറ മകളെ കളിയാക്കിയെന്നാരോപിച്ച് മർദിക്കുകയായിരുന്നു. തലക്ക്​ സാരമായി പരിക്കേറ്റ രഞ്ജിത്തിനെ ചവറയിലെ ആശുപത്രിയിലെ പ്രാഥമിക ശുശ്രൂഷക്കുശേഷം തിരുവനന്തപുരത്തെ സ്വകാര്യ ആശുപത്രിയിലും പിന്നീട്​ മെഡിക്കൽ കോളജ് ആശുപത്രിയിലും പ്രവേശിപ്പിച്ചു. മെഡിക്കൽ കോളജ് ആശുപത്രിയിൽ ചികിത്സയിലിരിക്കെയാണ്​ വ്യാഴാഴ്ച വൈകീട്ട് മരിച്ചത്.

വെള്ളിയാഴ്ച പൊലീസ് സർജ​​െൻറ നേതൃത്വത്തിൽ പോസ്​റ്റ്​മോർട്ടം ചെയ്ത മൃതദേഹം വൈകീട്ട് നാലോടെ അരിനല്ലൂരിലുള്ള രഞ്ജിത്തി​​െൻറ വീട്ടിലേക്ക് കൊണ്ടുവന്നു. സഹപാഠികൾ, തദ്ദേശഭരണ ജനപ്രതിനിധികൾ, വിവിധ രാഷ്​ട്രീയപാർട്ടി ഭാരവാഹികൾ തുടങ്ങി നൂറുകണക്കിന് ആളുകൾ രഞ്ജിത്തി​ന്​ അന്ത്യോപചാരം അർപ്പിക്കുവാൻ എത്തിയിരുന്നു. മക​​െൻറ വേർപാടിൽ നിലവിളിച്ച്​ കരയുന്ന മാതാവ് രജനിയെ ആശ്വസിപ്പിക്കാൻ ആർക്കും കഴിഞ്ഞില്ല. കണ്ടുനിന്നവരുടെ ഉള്ളുലയ്ക്കുന്ന കാഴ്ചയായി ആ അമ്മ.