സമാധാനസന്ദേശം താഴെ തട്ടിലെത്തിക്കാൻ നേതാക്കളുടെ തീരുമാനം

കണ്ണൂർ: മാഹി പള്ളൂരിൽ നടന്ന രാഷ്​ട്രീയ കൊലപാതകങ്ങളുടെയും സംഘർഷത്തി​​​െൻറയും പശ്ചാത്തലത്തിൽ ജില്ല കലക്​ടർ വിളിച്ചുചേർത്ത ഉഭയകക്ഷിയോഗത്തിൽ നേതാക്കൾ തമ്മിൽ ധാരണ. സമാധാനസന്ദേശം താഴെ തട്ടിലെത്തിക്കാൻ ഉഭയകക്ഷിയോഗത്തിൽ തീരുമാനമായെന്നും നേതാക്കൾ പറഞ്ഞ​ു. അതേസമയം, ഇരുവിഭാഗത്തി​​​െൻറയും പ്രമുഖ നേതാക്കൾ ചർച്ചയിൽ പ​െങ്കടുത്തില്ല. 

 ഇരു പാർട്ടികളിലുംപെട്ടവർ കൊല്ലപ്പെട്ട സാഹചര്യത്തിൽ പൊലീസ്​ അന്വേഷണം സംബന്ധിച്ച ചർച്ചകളൊന്നും യോഗത്തിൽ നടന്നിട്ടില്ല. അന്വേഷണം നടക്ക​െട്ടയെന്നാണ്​ യോഗത്തിനുശേഷം പുറത്തിറങ്ങിയ  ബി.ജെ.പി ജില്ല പ്രസിഡൻറ്​ പി. സത്യപ്രകാശ്​ മാധ്യമപ്രവർത്തകരോട്​ പറഞ്ഞത്​. നിർഭാഗ്യകരമായ സംഭവങ്ങളാണ്​ മാഹി പള്ളൂരിലുണ്ടായതെന്നും മേഖലയിൽ സമാധാനമുണ്ടാക്കാൻ താഴെ തട്ടിലേക്ക്​ നിർദേശം നൽകുമെന്നും സി.പി.എം സംസ്ഥാന കമ്മിറ്റി അംഗം കെ.പി. സഹദേവന​​ും വെളിപ്പെടുത്തി.
ഉഭയകക്ഷിയോഗം നടക്കുന്ന വിവരമറിഞ്ഞ്​ പൗരാവകാശ സാമൂഹികപ്രവർത്തകർ എന്ന ബാനറുമേന്തി ഒരുവിഭാഗമാളുകൾ കലക്​ടറേറ്റ്​ പടി​ക്കലേക്ക്​ മാർച്ചും പ്രതിഷേധയോഗവും നടത്തിയതിനെത്തുടർന്ന്​ ജില്ല കലക്​ടറുടെ ചേംബറിൽനിന്ന്​​ കലക്​ടറുടെ ക്യാമ്പ്​ ഒാഫിസിലേക്ക്​ ചർച്ചമാറ്റി.

സമാധാന കമ്മിറ്റി യോഗമെന്ന പേരിൽ ജില്ലയിൽ സമാധാനാന്തരീക്ഷം തകർക്കുന്നതിന്​ ഉത്തരവാദികളായവരെ സംരക്ഷിക്കുന്ന നിലപാടാണ്​ അധികാരികൾ സ്വീകരിക്കുന്നതെന്ന്​ പ്രതിഷേധക്കാർ കുറ്റപ്പെടുത്തി. ജില്ല പൊലീസ്​ മേധാവി ജി. ശിവവിക്രം, സി.പി.എം സംസ്​ഥാന കമ്മിറ്റി അംഗം കെ.പി. സഹദേവൻ, സി.പി.എം ജില്ല സെക്ര​േട്ടറിയറ്റ്​ അംഗം എം. സ​ുരേന്ദ്രൻ, എ.എൻ. ഷംസീർ എം.എൽ.എ, ആർ.എസ്​.എസ്​ ജില്ല കാര്യവാഹക്​ കെ. പ്രമോദ്​, വിഭാഗ്​ കാര്യവാഹക്​ കെ.വി. ജയരാജൻ എന്നിവരും ചർച്ചക്കെത്തി. ജില്ലയി​െല ഏത്​ സമാധാന കമ്മിറ്റി യോഗങ്ങളിലും പ​െങ്കടുക്കാറുള്ള  സി.പി.എം ജില്ല സെക്രട്ടറി പി. ജയരാജൻ, ആർ.എസ്​.എസ്​ സംസ്ഥാന നേതാവ്​ വത്സൻ തില്ല​േങ്കരി എന്നിവർ ഉഭയകക്ഷിയോഗത്തിനെത്താത്തത്​ ശ്രദ്ധിക്കപ്പെട്ടു.