മഹാശിവരാത്രി ഇന്ന്; ഭക്തർ ആലുവയിലേക്ക്​

ആ​ലു​വ: മ​ഹാ​ശി​വ​രാ​ത്രി ദി​ന​മാ​യ വെ​ള്ളി​യാ​ഴ്ച പി​തൃ​മോ​ക്ഷ പു​ണ്യം​തേ​ടി ഭ​ക്ത​ർ ആ​ലു​വ മ​ണ​പ്പു​റ​ത്തേ​ക്ക് ഒ​ഴു​കും. സം​സ്ഥാ​ന​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ ശി​വ​രാ​ത്രി ആ​ഘോ​ഷി​ക്കാ​റു​ണ്ടെ​ങ്കി​ലും പെ​രി​യാ​ർ തീ​ര​ത്തെ മ​നോ​ഹ​ര​മാ​യ ആ​ലു​വ മ​ണ​പ്പു​റ​ത്തെ ശി​വ​രാ​ത്രി ബ​ലി​ത​ർ​പ്പ​ണ​വും ആ​ഘോ​ഷ​ങ്ങ​ളും മ​റ്റു ദേ​ശ​ങ്ങ​ളി​ലേ​തി​ൽ​നി​ന്ന് വേ​റി​ട്ടു​നി​ൽ​ക്കു​ന്നു. അ​തി​നാ​ൽ ബ​ലി​ത​ർ​പ്പ​ണ​ത്തി​ന്​ ഭ​ക്ത​ജ​ന​ങ്ങ​ൾ കൂ​ടു​ത​ൽ പ്രാ​ധാ​ന്യം കൊ​ടു​ക്കു​ന്ന​ത് ആ​ലു​വ മ​ണ​പ്പു​റ​ത്തി​നാ​ണ്. പി​തൃ​ത​ർ​പ്പ​ണ​ത്തി​ന്​ ദേ​വ​സ്വം ബോ​ർ​ഡ് 116 ബ​ലി​ത്ത​റ​ക​ളാ​ണ് മ​ണ​പ്പു​റ​ത്ത് ത​യാ​റാ​ക്കി​യി​ട്ടു​ള്ള​ത്. ശ​നി​യാ​ഴ്ച രാ​ത്രി​യാ​ണ് ഔ​ദ്യോ​ഗി​ക​മാ​യി ച​ട​ങ്ങു​ക​ള്‍ ആ​രം​ഭി​ക്കു​ക. ഞാ​യ​റാ​ഴ്ച​വ​രെ നീ​ളും. ശി​വ​രാ​ത്രി നാ​ളി​ല്‍ ദേ​വ​സ്വം ബോ​ര്‍ഡി​ന്‍റെ നേ​തൃ​ത്വ​ത്തി​ല്‍ രാ​ത്രി 12ന്​ ​ക്ഷേ​ത്ര​ത്തി​ൽ ശി​വ​രാ​ത്രി വി​ള​ക്ക് ആ​രം​ഭി​ക്കും. തു​ട​ർ​ന്നാ​യി​രി​ക്കും ബ​ലി​ത​ർ​പ്പ​ണം. ശി​വ​രാ​ത്രി​യോ​ട​നു​ബ​ന്ധി​ച്ച് മ​ണ​പ്പു​റ​ത്ത് ഒ​രു മാ​സം വ്യാ​പാ​ര​മേ​ള ന​ട​ക്കും. വി​വി​ധ ഭാ​ഗ​ങ്ങ​ളി​ൽ​നി​ന്ന് ആ​ലു​വ മ​ണ​പ്പു​റ​ത്തേ​ക്ക് കെ.​എ​സ്.​ആ​ർ.​ടി.​സി പ്ര​ത്യേ​ക സ​ർ​വി​സു​മു​ണ്ട്.