Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightമകനെ കൊന്നവരെ...

മകനെ കൊന്നവരെ പിടിച്ചില്ലെങ്കിൽ താനും ഭാര്യയും മരിക്കും -അഭിമന്യുവിൻെറ പിതാവ്​ 

text_fields
bookmark_border
മകനെ കൊന്നവരെ പിടിച്ചില്ലെങ്കിൽ താനും ഭാര്യയും മരിക്കും -അഭിമന്യുവിൻെറ പിതാവ്​ 
cancel

വട്ടവട(ഇടുക്കി): മകനെ കൊലപ്പെടുത്തിയവരെ 10 ദിവസത്തിനുള്ളില്‍ പിടികൂടിയില്ലെങ്കില്‍ താനും ഭാര്യയും മരിക്കുമെന്ന് അഭിമന്യുവിൻെറ പിതാവ്​ മനോഹരന്‍. കൊല്ലപ്പെട്ട അഭിമന്യു പഠിച്ചിരുന്ന മഹാരാജാസ് കോളജില്‍നിന്നെത്തിയ  അധ്യാപകരോട്​ സംസാരിക്കവെയാണ്​  വാവിട്ട് കരഞ്ഞുകൊണ്ടുള്ള  മനോഹര​​​െൻറ  പ്രഖ്യാപനം.

‘‘അവനെ കൊല്ലാൻ അവർക്ക്​ എങ്ങനെ കഴിഞ്ഞു, അവൻ പാവമായിരുന്നു, പാവങ്ങൾക്കൊപ്പമായിരുന്നു അവൻ, അവനെ കൊന്നവരോട്​ ക്ഷമിക്കില്ല’’- അദ്ദേഹം നെഞ്ചത്തടിച്ച്​ കരഞ്ഞു പറഞ്ഞു. മഹാരാജാസ് കോളജിലെ അധ്യാപക സംഘം ചൊവ്വാഴ്ച ഉച്ചയോടെയാണ്​ വീട്ടി​െലത്തിയത്​. അധ്യാപകര്‍ ഓര്‍മകള്‍ പങ്കു​െവച്ചപ്പോള്‍, ഒരേ ഒരാവശ്യമേ ആ പിതാവിനുണ്ടായിരുന്നുള്ളൂ-മക​​​െൻറ കൊലയാളികളെ പിടികൂടണം.

ആരോ വരച്ച അഭിമന്യുവി​​​െൻറ ചിത്രം കൈയിലേക്ക് നല്‍കിയപ്പോഴും മനോഹരന്​ താങ്ങാനായില്ല. മഹാരാജാസിലെ അധ്യാപകരും അനധ്യാപകരും ചേര്‍ന്ന് സമാഹരിച്ച തുകയും എറണാകുളത്തെ ഒരു വ്യവസായി നല്‍കിയ തുകയും ചേര്‍ത്ത് 5,40,000 രൂപയുടെ ചെക്കും പിതാവിന്​ കൈമാറി. പ്രിൻസിപ്പൽ കെ.എൻ. കൃഷ്​ണകുമാർ, എം.എസ്.​ മുരളി, അധ്യാപകരായ സുനീഷ്, ജനിദ്, ജൂലി ചന്ദ്ര, നീന ജോർജ്, ജോർജ് എന്നിവരാണ് എത്തിയത്​.

Show Full Article
TAGS:maharajas Abimanyu Murder case kerala news malayalam news 
News Summary - maharajas friends visited abimanyu's home- kerala news
Next Story