'മാധ്യമ'ത്തിന്‍റേത് ചരിത്രപരമായ ഇടപെടൽ -വെങ്കിടേഷ് രാമകൃഷ്ണൻ

കോ​ഴി​ക്കോ​ട്: ക​ഴി​ഞ്ഞ മൂ​ന്ന​ര പ​തി​റ്റാ​ണ്ടി​നി​ടെ സ​മൂ​ഹ​ത്തി​ൽ ച​രി​ത്ര​പ​ര​മാ​യ ഇ​ട​പെ​ട​ലാ​ണ് 'മാ​ധ്യ​മം' ന​ട​ത്തി​യ​തെ​ന്ന് മു​തി​ർ​ന്ന മാ​ധ്യ​മ​പ്ര​വ​ർ​ത്ത​ക​നും ഫ്ര​ണ്ട് ലൈ​ൻ സീ​നി​യ​ർ അ​സോ​സി​യേറ്റ് എ​ഡി​റ്റ​റു​മാ​യ വെ​ങ്കി​ടേ​ഷ് രാ​മ​കൃ​ഷ്ണ​ൻ. മാ​ധ്യ​മ​ത്തി​ന്റെ 36ാം പി​റ​ന്നാ​ൾ ദി​ന​ത്തി​ൽ വി​വി​ധ മേ​ഖ​ല​യി​ൽ അം​ഗീ​കാ​രം ക​ര​സ്ഥ​മാ​ക്കി​യ ജീ​വ​ന​ക്കാ​രെ ആ​ദ​രി​ക്കു​ന്ന 'വി ​ഹ​ഗ്സ്' പ​രി​പാ​ടി​യി​ൽ മു​ഖ്യാ​തി​ഥി​യാ​യി പ​​ങ്കെ​ടു​ത്ത് സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം.

സ​മൂ​ഹ​ത്തി​ൽ ഉ​ണ്ടാ​കേ​ണ്ട മാ​റ്റ​ങ്ങ​ളി​ൽ പ്ര​ത്യ​യ​ശാ​സ്ത്ര പ​രി​മി​തി​ക​ൾ​ക്ക​ക​ത്തു​നി​ന്ന് മി​ക​ച്ച പ്ര​വ​ർ​ത്ത​നം ന​ട​ത്താ​നാ​കു​മെ​ന്ന​തി​ന്റെ ഉ​ദാ​ഹ​ര​ണ​മാ​ണ് മാ​ധ്യ​മം.​ കേ​ര​ള​ത്തി​ൽ സ​വി​ശേ​ഷ​മാ​യ സം​വേ​ദ​ന ശീ​ലം വ​ള​ർ​ത്താ​ൻ പ​ത്ര​ത്തി​ന് സാ​ധി​ച്ചി​ട്ടു​ണ്ട്. പു​തി​യ യാ​ഥാ​ർ​ഥ്യ​ങ്ങ​ളെ ഉ​ൾ​ക്കൊ​ണ്ട് കൂ​ടു​ത​ൽ സ​മ​ഗ്ര​മാ​യി മു​ന്നോ​ട്ടു പോ​കാ​ൻ മാ​ധ്യ​മ​ത്തി​ന് ക​ഴി​യ​ട്ടെ എ​ന്ന് അ​ദ്ദേ​ഹം ആ​ശം​സി​ച്ചു.

മാ​ധ്യ​മ സ്വാ​ത​ന്ത്ര്യം സ​മ്മ​ർ​ദ​ത്തി​ലാ​കു​മ്പോ​ൾ ജ​നാ​ധി​പ​ത്യം പ്ര​തി​സ​ന്ധി​യി​ലാ​കു​മെ​ന്ന് ച​ട​ങ്ങ് ഉ​ദ്ഘാ​ട​നം ചെ​യ്ത ഐഡിയൽ പബ്ലിക്കേഷൻ ട്രസ്റ്റ് ചെ​യ​ർ​മാ​ൻ എം.​ഐ. അ​ബ്ദു​ൽ അ​സീ​സ് പ​റ​ഞ്ഞു. വ​ൻ​കി​ട മാ​ധ്യ​മ​ങ്ങ​ൾ​പോ​ലും പ്ര​ലോ​ഭ​ന​ങ്ങ​ൾ​ക്ക് വി​ധേ​യ​മാ​വു​ക​യും സ​ത്യം മ​റ​ച്ചു​വെ​ക്ക​പ്പെ​ടു​ക​യും ചെ​യ്യു​ന്ന സാ​ഹ​ച​ര്യ​ത്തി​ൽ സ​ത്യം വി​ളി​ച്ചു​പ​റ​ഞ്ഞ് മാ​ധ്യ​മം മു​ന്നോ​ട്ടു​പോ​കും. നി​ര​വ​ധി പ്ര​യാ​സ​ങ്ങ​ളും പ്ര​തി​സ​ന്ധി​ക​ളും മാ​ധ്യ​മം അ​തി​ജീ​വി​ച്ചി​ട്ടു​ണ്ടെ​ന്നും അ​ദ്ദേ​ഹം അ​നു​സ്മ​രി​ച്ചു.

സാ​ഹ​ച​ര്യം എ​ത്ര പ്ര​തി​കൂ​ല​മാ​ണെ​ങ്കി​ലും സ​ത്യം തു​റ​ന്നു​പ​റ​യു​ക​യാ​ണ് മാ​ധ്യ​മ​ത്തി​ന്റെ ദൗ​ത്യ​മെ​ന്ന് ചീ​ഫ് എ​ഡി​റ്റ​ർ ഒ. ​അ​ബ്ദു​റ​ഹ്മാ​ൻ പ​റ​ഞ്ഞു. ഭ​ര​ണ​ഘ​ട​ന വി​ഭാ​വ​നം ചെ​യ്യു​ന്ന മൗ​ലി​കാ​വ​കാ​ശ​ങ്ങ​ളു​ടെ ത​ണ​ലി​ൽ പോ​രാ​ട്ടം ശ​ക്ത​മാ​ക്കു​മെ​ന്നും അ​ദ്ദേ​ഹം വ്യ​ക്ത​മാ​ക്കി. മാ​ധ്യ​മ​ത്തി​ന്റെ സ്ഥാ​പ​ക നേ​താ​ക്ക​ളാ​യ കെ.​സി. അ​ബ്ദു​ല്ല മൗ​ല​വി, കെ.​എ. സി​ദ്ദീ​ഖ് ഹ​സ​ൻ എ​ന്നി​വ​രെ അ​നു​സ്മ​രി​ച്ച ഗ​ൾ​ഫ് മാ​ധ്യ​മം ചീ​ഫ് എ​ഡി​റ്റ​ർ വി.​കെ. ഹം​സ അ​ബ്ബാ​സ്, ഇ​നി​യും ച​ക്ര​വാ​ള​ങ്ങ​ളി​ലേ​ക്ക് പ​റ​ക്കാ​ൻ മാ​ധ്യ​മ​ത്തി​നാ​കു​മെ​ന്ന് പ്ര​ത്യാ​ശി​ച്ചു.

മാ​ധ്യ​മം ചീ​ഫ് എ​ക്സി​ക്യൂ​ട്ടി​വ്​ ഓ​ഫി​സ​ർ പി.​എം. സ്വാ​ലി​ഹ് അ​ധ്യ​ക്ഷ​ത വ​ഹി​ച്ചു. ​ഐ.​പി.​ടി വൈ​സ് ചെ​യ​ർ​മാ​ൻ വി.​ടി. അ​ബ്ദു​ല്ല​ക്കോ​യ സ​മാ​പ​നം നി​ർ​വ​ഹി​ച്ചു. വി​വി​ധ തു​റ​ക​ളി​ൽ അം​ഗീ​കാ​രം ക​ര​സ്ഥ​മാ​ക്കി​യ ജീ​വ​ന​ക്കാ​ർക്കുള്ള ഉ​പ​ഹാ​ര​ങ്ങ​ൾ ഐ.​പി.​ടി സെ​ക്ര​ട്ട​റി ടി.​കെ. ഫാ​റൂ​ഖ്, മാ​ധ്യ​മം എ​ഡി​റ്റ​ർ വി.​എം. ഇ​ബ്രാ​ഹിം, ജോ​യ​ന്റ് എ​ഡി​റ്റ​ർ പി.​ഐ. നൗ​ഷാ​ദ്, സീ​നി​യ​ർ ജ​ന​റ​ൽ മാ​നേ​ജ​ർ എ.​കെ. സി​റാ​ജ​ലി, ഐ.​പി.​ടി അം​ഗം വി.​എ. ക​ബീ​ർ തു​ട​ങ്ങി​യ​വ​ർ വിതരണം ചെയ്തു.