വി​ഷ​ര​ഹി​ത പ​ച്ച​ക്ക​റി​ക്കാ​യി കേ​ര​ള​ത്തി​നൊ​പ്പം ‘മാ​ധ്യ​മ’​വും

കൊ​ല്ലം: ഓ​രോ വീ​ട്ടി​ലും വി​ഷ​ര​ഹി​ത​മാ​യ പ​ച്ച​ക്ക​റി കൃ​ഷി ചെ​യ്ത് ഭ​ക്ഷ്യ​സു​ര​ക്ഷ​യി​ൽ പു​തു​ചു​വ​ടു​ക​ൾ വെ​ക്കാ​ൻ​ സം​സ്ഥാ​ന കൃ​ഷി വ​കു​പ്പു​മാ​യി സ​ഹ​ക​രി​ച്ച്​ ‘മാ​ധ്യ​മം’ ന​ട​പ്പാ​ക്കു​ന്ന ‘സ​മൃ​ദ്ധി’ വി​ത്ത് വി​ത​ര​ണ​ത്തി​ന്​ തു​ട​ക്ക​മാ​യി. കൃ​ഷി വ​കു​പ്പി​ന്‍റെ വി.​എ​ഫ്.​പി.​സി.​കെ കേ​ന്ദ്രം മു​ഖേ​ന ല​ഭ്യ​മാ​ക്കി​യ പ​ച്ച​ക്ക​റി വി​ത്തു​ക​ളു​ടെ വി​ത​ര​ണോ​ദ്ഘാ​ട​നം കൃ​ഷി​മ​ന്ത്രി പി. ​പ്ര​സാ​ദ്​ നി​ർ​വ​ഹി​ച്ചു.

ജീ​വി​ത​ശൈ​ലീ​രോ​ഗ​ങ്ങ​ൾ ഉ​യ​ർ​ന്നു​നി​ൽ​ക്കു​ന്ന അ​വ​സ്ഥ​യി​ൽ​നി​ന്ന്​ മു​ക്തി​നേ​ടു​ന്ന ന​വ​കേ​ര​ളം എ​ന്ന ല​ക്ഷ്യം സാ​ധ്യ​മാ​ക്കു​ന്ന​തി​ന്​ സാ​ധ്യ​മാ​യ എ​ല്ലാ മ​ണ്ണി​ലും കൃ​ഷി​യി​റ​ക്കു​ക​യാ​ണ്​ പോം​വ​ഴി​യെ​ന്ന്​ മ​ന്ത്രി പ​റ​ഞ്ഞു. വീ​ടു​ക​ളും പ​റ​മ്പു​ക​ളും കൃ​ഷി​യി​ട​ങ്ങ​ളാ​കു​ന്ന​ത്​ ല​ക്ഷ്യ​മി​ട്ടു​ള്ള പോ​ഷ​ക സ​മൃ​ദ്ധി മി​ഷ​ൻ പ്ര​വ​ർ​ത്ത​ന​ങ്ങ​ൾ കാ​ര്യ​ക്ഷ​മ​മാ​യി മു​ന്നേ​റു​ക​യാ​ണെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു. അ​ടു​ക്ക​ള​ത്തോ​ട്ട​ങ്ങ​ളി​ൽ പ​ച്ച​ക്ക​റി​ക​ൾ വി​ള​യി​ച്ച് കാ​ർ​ഷി​ക രം​ഗ​ത്തെ സ്വ​യം​പ​ര്യാ​പ്ത​ത​ക്ക് വ​ഴി​യൊ​രു​ക്കു​ക​യാ​ണ്​​ ‘സ​മൃ​ദ്ധി’ പ​ദ്ധ​തി​യി​ലൂ​ടെ ‘മാ​ധ്യ​മം’.

ഞായറാഴ്ചത്തെ പത്രത്തിനൊപ്പം വിത്തും

കൃ​ഷി​വ​കു​പ്പി​ന്‍റെ വി.​എ​ഫ്.​പി.​സി.​കെ കേ​ന്ദ്രം മു​ഖേ​ന ല​ഭ്യ​മാ​ക്കി​യ പ​ച്ച​ക്ക​റി വി​ത്തു​ക​ൾ ‘മാ​ധ്യ​മം’ വ​രി​ക്കാ​ർ​ക്കും ഞാ​യ​റാ​ഴ്ച​ത്തെ പ​ത്ര​ത്തി​നൊ​പ്പം സൗ​ജ​ന്യ​മാ​യി വി​ത​ര​ണം ചെ​യ്യും. നാ​ലി​നം വി​ത്തു​ക​ൾ അ​ട​ങ്ങി​യ പാ​ക്ക​റ്റാ​ണ് വാ​രാ​ദ്യ മാ​ധ്യ​മം​ ‘സ​മൃ​ദ്ധി’ പ്ര​ത്യേ​ക പ​തി​പ്പി​നൊ​പ്പം വാ​യ​ന​ക്കാ​രി​ലെ​ത്തു​ക. കൃ​ഷി​ക്ക് സ​ഹാ​യ​ക​മാ​യ അ​റി​വു​ക​ളും പ്ര​ചോ​ദ​നാ​ത്മ​ക​മാ​യ അ​നു​ഭ​വ​ങ്ങ​ളും ‘സ​മൃ​ദ്ധി’ പ​തി​പ്പി​ൽ വാ​യി​ക്കാം.