മധുവിന്‍റെ മരണമൊഴിയിൽ പറഞ്ഞവരെ പ്രതികളാക്കാതിരുന്നതെന്തെന്ന്​ ഹൈകോടതി

കൊച്ചി: അട്ടപ്പാടിയിൽ മർദനമേറ്റു മരിച്ച മധുവി​​​െൻറ മരണമൊഴിയിൽ പേരെടുത്തു പറഞ്ഞ അഞ്ചുപേരെ പ്രതികളാക്കാതിരുന്നത്​ എന്തുകൊണ്ടെന്ന്​ ഹൈകോടതി. ഇതിനുള്ള കാരണം വ്യക്​തമാക്കി സംഭവം സംബന്ധിച്ച വിശദീകരണം നൽകണമെന്ന്​ പ്രോസിക്യൂഷനോട്​ കോടതി നിർദേശിച്ചു.

കേസില്‍ മജിസ്‌ട്രേറ്റ് എടുത്ത മൊഴികളുടെ പകര്‍പ്പും സമര്‍പ്പിക്കണം. ആദിവാസി യുവാവായ മധുവിനെ മോഷണക്കുറ്റം ആരോപിച്ച് മർദിച്ചുകൊന്നുവെന്ന കേസിൽ പ്രതികളായ 12 പ്രതികൾ നൽകിയ ജാമ്യ ഹരജി പരിഗണിക്കവെയാണ്​ കോടതി നിർദേശം.

മർദിച്ചവരുടെ പേര് മധു മരിക്കുന്നതിന് മുമ്പ് പൊലീസിനോട്​ പറഞ്ഞിരുന്നെങ്കിലും പ്രതിയാക്കിയില്ലെന്ന് പ്രതികളിലൊരാളുടെ അഭിഭാഷകൻ കോടതിയിൽ ബോധിപ്പിച്ചു. നേര​​േത്ത കേസ്​ പരിഗണിക്കവേ ജാമ്യ ഹരജിയിൽ സർക്കാറി​​​െൻറ നിലപാട്​ തേടിയിരുന്നു. ഇതോടൊപ്പം വിശദീകരണം കൂടി നൽകാനാണ്​ നിർദേശം. തുടർന്ന്​ കേസ്​ വെള്ളിയാഴ്​ച പരിഗണിക്കാനായി മാറ്റി.