മെയ്ഡ് ഫ്രം ഇം​ഗ്ല​ണ്ട്, വയസ്സ് 76, അര നൂറ്റാണ്ട് റോഡിനെ സേവിച്ചിട്ടും ഈ 'പുലി'യെ ആർക്കും വേണ്ട

നി​ല​മ്പൂ​ര്‍: പൊ​തു​മ​രാ​മ​ത്ത് വ​കു​പ്പി‍െൻറ പ​ക്ക​ലു​ള്ള പു​രാ​ത​ന​മാ​യ റോ​ഡ് റോ​ള​റി‍െൻറ ലേ​ലം നാ​ലാ​മ​തും റ​ദ്ദാ​ക്കി. പ്ര​ഖ്യാ​പി​ച്ച തു​ക​ക്ക് ലേ​ലം കൊ​ള്ളാ​ന്‍ ആ​ളി​ല്ലാ​ത്ത​താ​ണ് കാ​ര​ണം. മു​മ്പും ലേ​ല​ത്തി​ന് വെ​ച്ചി​രു​ന്നെ​ങ്കി​ലും മ​തി​യാ​യ വി​ല ല​ഭി​ക്കാ​ത്ത​തി​നാ​ൽ ആ​രും ലേ​ലം കൊ​ണ്ടി​ല്ല.1946ല്‍ ​ഇം​ഗ്ല​ണ്ടി​ല്‍ നി​ര്‍മി​ച്ച റോ​ഡ് റോ​ള​റി​ന് ര​ണ്ട്​ ല​ക്ഷം രൂ​പ​യാ​യി​രു​ന്നു വി​ല​യി​ട്ടി​രു​ന്ന​ത്.

മ​ല​ബാ​റി​ലെ പ​ല റോ​ഡു​ക​ളു​ടെ​യും നി​ര്‍മാ​ണ​ത്തി​ന് നി​ര്‍ണാ​യ​ക പ​ങ്കു​വ​ഹി​ച്ച റോ​ള​റി‍െൻറ ലേ​ല​ത്തി​ന് ഏ​ഴ്​ പേ​രാ​ണ് തു​ക കെ​ട്ടി​വെ​ച്ച​ത്. രാ​വി​ലെ 11ന് ​ആ​രം​ഭി​ച്ച ലേ​ലം 11.30ഓ​ടെ അ​വ​സാ​നി​ച്ചു. ലേ​ല​ത്തു​ക​യാ​യ ര​ണ്ട് ല​ക്ഷ​ത്തി​ന് ആ​രും വാ​ങ്ങാ​ന്‍ ത​യാ​റാ​യി​ല്ല. ജി.​എ​സ്.​ടി​യും സെ​സും അ​ട​ക്കം ര​ണ്ട​ര ല​ക്ഷം രൂ​പ വ​രും.

ഉ​പ​യോ​ഗി​ക്കാ​ന്‍ പ​റ്റാ​ത്ത​തി​നാ​ല്‍ പൊ​ളി​ച്ച് വി​ല്‍ക്കാ​നേ ക​ഴി​യൂ എ​ന്ന നി​ല​പാ​ടി​ലാ​യി​രു​ന്നു ലേ​ല​ത്തി​നെ​ത്തി​യ​വ​ർ.1946ല്‍ ​ഇം​ഗ്ല​ണ്ടി​ലെ ഗ്രാ​ന്‍ത​മി​ല്‍ അ​വ്‌​ളിം​ഗ് ബാ​ര്‍ഫോ​ഡ് ക​മ്പ​നി​യാ​ണ് റോ​ള​റി‍െൻറ നി​ര്‍മാ​താ​ക്ക​ള്‍. 1945ല്‍ ​ന​ല്‍കി​യ ഓ​ര്‍ഡ​ര്‍ പ്ര​കാ​ര​മാ​ണ് ഇ​ത് നി​ര്‍മി​ച്ച​ത്. 1950 മു​ത​ല്‍ നി​ല​മ്പൂ​ര്‍ പൊ​തു​മ​രാ​മ​ത്ത് സെ​ക്ഷ​നി​ലു​ള്ള​താ​യി പ​റ​യ​പ്പെ​ടു​ന്നു. ബ്രി​ട്ടീ​ഷു​കാ​ര്‍ നി​ര്‍മി​ച്ച റോ​ഡു​ള്‍പ്പെ​ടെ മേ​ഖ​ല​യി​ലെ ഒ​ട്ടു​മി​ക്ക റോ​ഡു​ക​ളു​ടെ​യും നി​ര്‍മാ​ണ പ്ര​വ​ര്‍ത്തി ന​ട​ത്തി​യ​ത് ഈ ​റോ​ള​ര്‍ ഉ​പ​യോ​ഗി​ച്ചാ​ണ്.

അ​ര നൂ​റ്റാ​ണ്ട് വി​ശ്ര​മ​മി​ല്ലാ​തെ ജോ​ലി ചെ​യ്ത റോ​ള​ര്‍ 1997ല്‍ ​ഉ​പ​യോ​ഗ​ര​ഹി​ത​മാ​യി. അ​റ്റ​കു​റ്റ​പ്പ​ണി​ക്ക് ശ്ര​മി​ച്ചെ​ങ്കി​ലും മേ​ല​ധി​കാ​രി​ക​ളി​ല്‍ നി​ന്നു അ​നു​കൂ​ല​മാ​യ മ​റു​പ​ടി കി​ട്ടാ​ത്ത​തു​മൂ​ലം ന​ട​ന്നി​ല്ല. പൊ​ളി​ച്ചു​വി​ല്‍ക്കാ​തെ നി​ല​മ്പൂ​രി​ലെ പൊ​തു​മ​രാ​മ​ത്ത് കാ​ര്യാ​ല​യ​ത്തി​ന് മു​ന്നി​ല്‍ സ്മാ​ര​ക​മാ​യി സം​ര​ക്ഷി​ക്ക​ണ​മെ​ന്ന അ​ഭി​പ്രാ​യ​വും ഉ​യ​രു​ന്നു​ണ്ട്.