വിധിന്യായത്തിൽ ന്യായം തിരയരുത്; ഇന്ത്യയിലിപ്പോൾ ഇങ്ങിനെയാണ് -എം. സ്വരാജ്​

തിരുവനന്തപുരം: ബാബരി മസ്​ജിദ്​ തകർത്തതുമായി ബന്ധപ്പെട്ട ഗൂഢാലോചന കേസിൽ മുഴുവൻ പ്രതികളെയും വെറുതെ വിട്ട സി.ബി.ഐ പ്രത്യേക കോടതിയുടെ വിധിയിൽ പ്രതികരണവു​മായി എം. സ്വരാജ്​ എം.എൽ.എ.

''വിധിന്യായത്തിൽ ന്യായം തിരയരുത്. നീതിയെക്കുറിച്ച് ചിന്തിക്കുക പോലുമരുത്. ഇന്ത്യയിൽ ഇപ്പോൾ ഇങ്ങിനെയാണ്.'' -സ്വരാജ്​ ഫേസ്​ബുക്കിൽ കുറിച്ചു.

2019 നവംബർ ഒമ്പതിന്​ ബാബരി തർക്ക ഭൂമി കേസിലെ സുപ്രീംകോടതി വിധിക്ക്​ പിന്നാലെ സ്വരാജ്​ ഫേസ്​ബുക്കിൽ കുറിച്ച വാക്കുകൾ ഏറെ ശ്രദ്ധിക്കപ്പെട്ടിരുന്നു.

''വർത്തമാനകാല ഇന്ത്യയിൽ മറിച്ചൊരു വിധിയുണ്ടാകുമെന്ന്​ നിഷ്​കളങ്കരേ നിങ്ങളിപ്പോഴും പ്രതീക്ഷിച്ചിരുന്നുവോ? '' എന്നായിരുന്നു സ്വരാജ്​ അന്ന​്​ ഫേസ്​ബുക്കിൽ കുറിച്ചത്​.

ഇപ്പോഴത്തെ വിധിയുടെ പശ്ചാത്തലത്തിൽ സ്വരാജി​െൻറ ഈ പഴയ പോസ്​റ്റ്​ ആളുകൾ വീണ്ടും സമൂഹ മാധ്യമങ്ങളിൽ ഉയർത്തിക്കൊണ്ടുവന്നിട്ടുണ്ട്​.