സ്വർണക്കടത്ത്​: എം. ശിവശങ്കറിനെ ഇന്നും ചോദ്യം ചെയ്യും

കൊച്ചി: നയതന്ത്ര ബാഗേജ്​ വഴി സ്വർണ കള്ളക്കടത്ത് നടത്തിയ​ കേസിൽ മുഖ്യമന്ത്രിയുടെ മുൻ പ്രിൻസിപ്പൽ സെക്രട്ടറി എം. ശിവശങ്കറിനെ ഇന്നും എൻ.ഐ.എ ചോദ്യം ചെയ്യും. എൻ.ഐ.എ ദക്ഷിണ മേഖല ഡിഐജി കെ.ബി വന്ദനയുടെ മേൽനോട്ടത്തില്‍ തിങ്കളാഴ്​ച നടത്തിയ ഒമ്പത്​ മണിക്കൂർ നീണ്ട ചോദ്യം ചെയ്യലിന്​ തുടർച്ചയായാണ്​ ഇന്നത്തെ ചോദ്യം ചെയ്യലും. അദ്ദേഹത്തോട്​ രാവിലെ പത്ത്​ മണിക്ക്​ ഹാജരാവാനാണ്​ അന്വേഷണ സംഘം നോട്ടീസ്​ നൽകിയത്​. കൊച്ചിയിലെയും ബംഗളൂരുവിലെയും ഹൈ​ദ​രാ​ബാ​ദ്​ യൂ​നി​റ്റി​​ലെയും എൻ.ഐ.​എ ഉദ്യോഗസ്ഥർ ചോദ്യം ചെയ്യലിൽ പ​ങ്കെടുത്തിരുന്നു.

പ്ര​തി​ക​ൾ ശി​വ​ശ​ങ്ക​റു​മാ​യി ന​ട​ത്തി​യ ഇ​ട​പെ​ട​ലു​ക​ളു​ടെ വി​ശ​ദാം​ശ​ങ്ങ​ൾ കേ​ന്ദ്രീ​ക​രി​ച്ചാ​യി​രു​ന്നു തിങ്കളാഴ്​ചത്തെ ചോ​ദ്യങ്ങളിലേ​റെ​യും. പ്ര​തി​ക​ളു​മാ​യി ഇ​ദ്ദേ​ഹ​ത്തി​ന്​ വ​ഴി​വി​ട്ട ഇ​ട​പെ​ട​ലു​ക​ൾ ഉ​ണ്ടെ​ന്ന്​ ത​ന്നെ​യാ​ണ്​ എ​ൻ.​ഐ.​എ സം​ശ​യി​ക്കു​ന്ന​ത്. സ്വ​പ്​​ന സു​രേ​ഷും സ​ന്ദീ​പ്​ നാ​യ​രും കേ​ര​ളം വി​ട്ട​തി​ലും ഇ​വ​ർ​ക്ക്​ ആ​ദ്യം നി​യ​മ​സ​ഹാ​യം ല​ഭി​ച്ച​തി​ലും ഇ​ദ്ദേ​ഹ​ത്തി​ന്​ പ​ങ്കു​ള്ള​താ​യി സം​ശ​യി​ക്കു​ന്ന​ു. സ്വ​ർ​ണക്കടത്തിലും വി​ൽ​പ​ന​യി​ലും ഏ​തെ​ങ്കി​ലും രീ​തി​യി​ൽ അ​റി​വു​ണ്ടാ​യി​രു​ന്നോ, നേ​ട്ട​മു​ണ്ടാ​ക്കി​യി​ട്ടു​ണ്ടോ എ​ന്ന​തി​ൽ കേ​ന്ദ്രീ​ക​രി​ച്ചാ​ണ്​ ചോ​ദ്യം ചെ​യ്യലെ​ന്നാ​ണ്​ വി​വ​രം. 

ക​സ്​​റ്റം​സ്​ ശി​വ​ശ​ങ്ക​റി​ൽ​നി​ന്ന്​ നേ​ര​ത്തേ ശേ​ഖ​രി​ച്ച മൊ​ഴി, സ​രി​ത്ത്​, സ​ന്ദീ​പ്​ നാ​യ​ർ, സ്വ​പ്​​ന സു​രേ​ഷ്​ എ​ന്നി​വ​ർ ക​സ്​​റ്റം​സി​ന്​ ന​ൽ​കി​യ മൊ​ഴി, ശി​വ​ശ​ങ്ക​ർ വ്യാ​ഴാ​ഴ്​​ച പൊ​ലീ​സ്​ ക്ല​ബി​ൽ​വെ​ച്ച്​ അ​ഞ്ച്​ മ​ണി​ക്കൂ​ർ ചോ​ദ്യം ചെ​യ്യ​ലി​ൽ ന​ൽ​കി​യ മൊ​ഴി, എ​ൻ.​ഐ.​എ ക​സ്​​റ്റ​ഡി​യി​ലു​ണ്ടാ​യി​രു​ന്ന മ​റ്റ്​ പ്ര​തി​ക​ൾ എ​ൻ.​ഐ.​എ​ക്ക്​ ക​ഴി​ഞ്ഞ ദി​വ​സ​ങ്ങ​ളി​ൽ ന​ൽ​കി​യ മൊ​ഴി, ഇ​വ എ​ല്ലാം മു​ന്നി​ൽ​വെ​ച്ചാ​യി​രു​ന്നു ഉ​ന്ന​ത സം​ഘ​ത്തി​​​െൻറ ചോ​ദ്യം ചെ​യ്യ​ൽ.

കള്ളക്കടത്തിൽ ശിവശങ്കറിന്​ അറിവു​ണ്ടായിരുന്നോ എന്ന കാര്യത്തിൽ വ്യക്തത വരുത്തുകയാണ്​ എൻ.ഐ.എയുടെ ലക്ഷ്യം. കേസിലെ പ്രതികളായ സ്വപ്നയെയും സരിത്തിനെയും അറിയാമെന്നും സൗഹൃദം മാത്രമാണ് ഇവരോടുണ്ടായിരുന്നതെന്നുമാണ് ശിവശങ്കര്‍ നേരത്തേ തിരുവനന്തപുരത്തുനടന്ന ചോദ്യം ചെയ്യലില്‍ എന്‍.ഐ.എ.യോട് പറഞ്ഞിരുന്നത്. കൊച്ചിയിൽ നടന്ന ചോദ്യം ചെയ്യലില​ും ശിവശങ്കർ ഈ മൊഴി തന്നെ ആവർത്തിച്ചതായാണ്​ വിവരം.

സ്വര്‍ണക്കടത്ത് കേസിലെ പ്രതികളായ സ്വപ്ന സുരേഷ്, സന്ദീപ് നായർ എന്നിവരെ കസ്റ്റഡിയില്‍ കിട്ടണമെന്നാവശ്യപ്പെട്ട് കസ്റ്റംസ് സമര്‍പ്പിച്ച അപേക്ഷ ചൊവ്വാഴ്​ച കോടതി പരിഗണിക്കും.