കേന്ദ്ര ഏജൻസി അറസ്​റ്റ്​ ചെയ്യുന്ന സംസ്​ഥാനത്തെ ആദ്യ ​െഎ.എ.എസ് ഉദ്യോഗസ്​ഥൻ

തി​രു​വ​ന​ന്ത​പു​രം: കേ​ന്ദ്ര ഏ​ജ​ൻ​സി​ക​ൾ അറസ്​റ്റ്​ ചെയ്യുന്ന കേ​ര​ള​ത്തി​ലെ ആ​ദ്യ ഐ.​എ.​എ​സ് ഉ​ദ്യോ​ഗ​സ്​​ഥ​നാ​ണ്​ എം. ​ശി​വ​ശ​ങ്ക​ർ. അ​ഴി​മ​തി​ക്കേ​സി​ൽ ​െഎ.​എ.​എ​സ്, ​െഎ.​പി.​എ​സ്​ ഉ​ദ്യോ​ഗ​സ്​​ഥ​ർ പ്ര​തി​യാ​കു​ക​യും അ​റ​സ്​​റ്റ്​ രേ​ഖ​പ്പെ​ടു​ത്തു​ക​യു​മൊ​ക്കെ ചെ​യ്​​തി​ട്ടു​ണ്ട്. പ​ക്ഷേ, അ​തെ​ല്ലാം കേ​ര​ള​ത്തി​​ലെ ഏ​ജ​ൻ​സി​ക​ളു​ടെ അ​ന്വേ​ഷ​ണ​ത്തി​ലാ​ണ്.

എ​ന്നാ​ൽ, കേ​ന്ദ്ര ഏ​ജ​ൻ​സി​ക​ൾ അറസ്​റ്റ്​ ചെയ്​ത സം​ഭ​വ​ങ്ങ​ളൊ​ന്നും മു​മ്പ്​ ഉ​ണ്ടാ​യി​ട്ടി​ല്ല. അ​ഴി​മ​തി​ക്കേ​സി​ൽ ജ​യി​ലി​ലാ​യ കേ​ര​ള​ത്തി​ലെ ആ​ദ്യ ഐ.​എ.​എ​സു​കാ​ര​ൻ പൊ​തു​മ​രാ​മ​ത്ത് മു​ൻ സെ​ക്ര​ട്ട​റി ടി.​ഒ. സൂ​ര​ജാ​ണ്. പാ​ലാ​രി​വ​ട്ടം മേ​ൽ​പാ​ലം നി​ർ​മാ​ണ​ത്തി​ൽ അ​ഴി​മ​തി ന​ട​ന്നെ​ന്ന വി​ജി​ല​ൻ​സ് റി​പ്പോ​ർ​ട്ടാ​യി​രു​ന്നു അ​ടി​സ്​​ഥാ​നം. എ​ന്നാ​ൽ, സ​ർ​വി​സി​ൽ​നി​ന്ന് വി​ര​മി​ച്ച​ശേ​ഷ​മാ​യി​രു​ന്നു അ​ദ്ദേ​ഹ​ത്തി​െൻറ അ​റ​സ്​​റ്റ്. ഇൗ ​കേ​സി​ൽ കു​റ്റ​പ​ത്രം സ​മ​ർ​പ്പി​ക്കാ​നു​ള്ള നീ​ക്ക​ത്തി​ലാ​ണ്​ വി​ജി​ല​ൻ​സ്.

തി​രു​നെ​ല്ലി​യി​ൽ ന​ക്​​സ​ലൈ​റ്റ്​​ വ​ർ​ഗീ​സി​നെ വെ​ടി​െ​വ​ച്ചു​കൊ​ന്നെ​ന്ന കോ​ൺ​സ്​​റ്റ​ബി​ൾ രാ​മ​ച​ന്ദ്ര​ൻ​നാ​യ​രു​ടെ 1998ലെ ​വെ​ളി​പ്പെ​ടു​ത്ത​ലോ​ടെ​യാ​ണ് മു​ൻ ഐ.​ജി ല​ക്ഷ്മ​ണ കേ​സി​ൽ പ്ര​തി​യാ​യി ജ​യി​ലി​ല​ട​യ്​​ക്ക​പ്പെ​ട്ട​ത്. 2010ൽ ​ജീ​വ​പ​ര്യ​ന്തം ശി​ക്ഷ ല​ഭി​ച്ചെ​ങ്കി​ലും അ​നാ​രോ​ഗ്യം കാ​ര​ണം ശി​ക്ഷാ​ഇ​ള​വ്​ നേ​ടി ജ​യി​ൽ മോ​ചി​ത​നാ​യി.

അ​ഴി​മ​തി​ക്കേ​സി​ൽ മു​ൻ ഡി.​ജി.​പി ജേ​ക്ക​ബ് തോ​മ​സി​നെ വി​ജി​ല​ൻ​സ് പ്ര​തി ചേ​ർ​ത്തി​രു​ന്നു. സ​ർ​ക്കാ​റി​നെ വി​മ​ർ​ശി​ച്ച​തി​നെ​ത്തു​ട​ർ​ന്ന് ദീ​ർ​ഘ​നാ​ൾ സ​സ്പെ​ൻ​ഷ​നി​ലാ​യ അ​ദ്ദേ​ഹം ഈ ​വ​ർ​ഷം വി​ര​മി​ച്ചു. അ​ദ്ദേ​ഹ​ത്തി​നെ​തി​രെ ക്രൈം​ബ്രാ​ഞ്ച്, വി​ജി​ല​ൻ​സ്​ അ​ന്വേ​ഷ​ണം പു​രോ​ഗ​മി​ക്കു​ക​യാ​ണ്. ലാ​വ​ലി​ൻ കേ​സി​ൽ മു​ൻ ഊ​ർ​ജ​വ​കു​പ്പ് പ്രി​ൻ​സി​പ്പ​ൽ സെ​ക്ര​ട്ട​റി മോ​ഹ​ന​ച​ന്ദ്ര​ൻ പ്ര​തി​യാ​യി. കാ​ല​ടി സ​ർ​വ​ക​ലാ​ശാ​ല ഭൂ​മി ഇ​ട​പാ​ടു​മാ​യി ബ​ന്ധ​പ്പെ​ട്ട് ചീ​ഫ് സെ​ക്ര​ട്ട​റി ആ​ർ. രാ​മ​ച​ന്ദ്ര​ൻ നാ​യ​രെ 1997 ജ​നു​വ​രി 10ന്​ ​സ​ർ​ക്കാ​ർ സ​സ്പെ​ന്‍ഡ് ചെ​യ്തി​രു​ന്നു. വി​ജി​ല​ൻ​സ് കേ​സ് ര​ജി​സ്​​റ്റ​ർ ചെ​യ്ത​തി​നെ തു​ട​ർ​ന്നാ​യി​രു​ന്നു ഇ.​കെ. നാ​യ​നാ​ർ സ​ർ​ക്കാ​റി​െൻറ ന​ട​പ​ടി. ഹൈ​കോ​ട​തി​യി​ലെ കേ​സു​ക​ൾ ത​ള്ളി​പ്പോ​യ​തി​നെ​ത്തു​ട​ർ​ന്ന് 2018 മേ​യ് ഏ​ഴി​ന്​ പെ​ൻ​ഷ​ൻ ആ​നു​കൂ​ല്യ​ങ്ങ​ൾ പൂ​ർ​ണ​മാ​യി ന​ൽ​കാ​ൻ എ​ൽ.​ഡി.​എ​ഫ് സ​ർ​ക്കാ​ർ​ത​ന്നെ ഉ​ത്ത​ര​വി​ട്ടി​രു​ന്നു.

ചാ​ര​ക്കേ​സി​ൽ അ​ന്ന് ഐ.​ജി​യാ​യി​രു​ന്ന ര​മ​ൺ ശ്രീ​വാ​സ്ത​വ​യെ സ​സ്പെ​ൻ​ഡ് ചെ​യ്തി​രു​ന്നു. കേ​സി​ൽ പ്ര​തി​യാ​യി​ല്ല. അ​ടി​യ​ന്ത​രാ​വ​സ്ഥ​ക്കാ​ല​ത്ത് രാ​ജ​ൻ കൊ​ല്ല​പ്പെ​ട്ട കേ​സി​ൽ ഡി.​ഐ.​ജി ജ​യ​റാം പ​ടി​ക്ക​ൽ ഉ​ൾ​പ്പെ​ടെ ഉ​ദ്യോ​ഗ​സ്ഥ​ർ​ക്ക് വി​ചാ​ര​ണ നേ​രി​ടേ​ണ്ടി​വ​ന്നു. എ​ന്നാ​ൽ ഇ​തെ​ല്ലാം സം​സ്​​ഥാ​ന സ​ർ​ക്കാ​റി​നു​ കീ​ഴി​ലെ ഏ​ജ​ൻ​സി​ക​ളു​ടെ അ​ന്വേ​ഷ​ണ​ത്തി​െൻറ അ​ടി​സ്​​ഥാ​ന​ത്തി​ലു​ള്ള ന​ട​പ​ടി​ക​ളാ​യി​രു​ന്നു.