എം. ശിവശങ്കര്‍ കൂടുതല്‍ കരാര്‍ യൂണിടാകിന് വാഗ്ദാനം ചെയ്തുവെന്ന് വിജിലന്‍സ്

കൊച്ചി: മുഖ്യമന്ത്രിയുടെ മുന്‍ പ്രിന്‍സിപ്പല്‍ സെക്രട്ടറി എം. ശിവശങ്കറിനെതിരെ കൂടുതല്‍ കണ്ടെത്തലുമായി വിജിലന്‍സ്. ലൈഫ് മിഷന് പുറമെ കൂടുതൽ കരാറുകൾ യുണിടാക്കിന് എം. ശിവശങ്കർ വാഗ്ദാനം ചെയ്‍തുവെന്നാണ് വിജിലൻസിന്‍റെ കണ്ടെത്തൽ.

ഹൈദരാബാദിലെ യു.എ.ഇ കോണ്‍സുലേറ്റ് നിര്‍മാണ കരാറും കെ-ഫോണ്‍ ഉപകരാറും യൂണിടാകിന് നല്‍കാമെന്ന് ഉറപ്പ് നൽകിയതായാണ് വിജിലൻസ് ഇപ്പോള്‍ വെളിപ്പെടുത്തിയിരിക്കുന്നത്.

കോൺസുലേറ്റ് നിർമാണത്തിൽ പങ്കുചേരാൻ സ്വർണ്ണക്കടത്ത് പ്രതി കെ.ടി. റമീസ് പദ്ധതിയിട്ടതായി നേരത്തെ എൻ.ഐ.എ കണ്ടെത്തിയിരുന്നു.