വിരട്ടണ്ട, ഇത് കേരളമാണ്; ബി.ജെ.പിക്കും യു.ഡി.എഫിനും എം.എം മണിയുടെ മറുപടി

തി​രു​വ​ന​ന്ത​പു​രം: കേ​ന്ദ്ര​മ​ന്ത്രി വി. ​മു​ര​ളീ​ധ​ര​നെ​യും ബി​.ജെ.​പി സം​സ്ഥാ​ന അ​ധ്യ​ക്ഷ​ന്‍ കെ.​സു​രേ​ന്ദ്ര​നേ​യും കോൺഗ്രസിനേയും രൂ​ക്ഷ​മാ​യി വി​മ​ർ​ശി​ച്ച് വൈ​ദ്യു​ത മ​ന്ത്രി എം.​എം.​മ​ണി. മു​ഖ്യ​മ​ന്ത്രി പി​ണ​റാ​യി വി​ജ​യ​നെ രാ​ജി​വെ​പ്പി​ച്ചേ അ​ട​ങ്ങൂ എ​ന്ന മ​ട്ടി​ല്‍ ഒ​രു​ത​രം വി​ര​ട്ട​ല്‍ സ്വ​ര​ത്തി​ലാ​ണ് വി. ​മു​ര​ളീ​ധ​ര​നും കെ.​സു​രേ​ന്ദ്ര​നും സംസാരിക്കുന്നതെന്ന് മന്ത്രി ഫേസ്ബുക്ക് പോസ്റ്റിൽ പറയുന്നു. യു.​ഡി​.എ​ഫ് നേ​താ​ക്ക​ന്മാ​ർ, പ്ര​ത്യേ​കി​ച്ച് കോ​ണ്‍​ഗ്ര​സ് നേ​താ​ക്ക​ള്‍ ഇ​ത് ആ​സ്വ​ദി​ച്ച് ബി​.ജെ.​പി​യു​ടെ താ​ള​ത്തി​നൊ​ത്ത് തു​ള്ളു​ന്നുവെന്നും മ​ന്ത്രി കുറ്റപ്പെടുത്തുന്നു.

എം.​എം. മ​ണി​യു​ടെ ഫേ​സ്ബു​ക്ക് കു​റി​പ്പി​ന്‍റെ പൂ​ര്‍​ണ​രൂ​പം 

ബിജെപിയുടെ സുരേന്ദ്രനും കേന്ദ്ര സഹമന്ത്രി മുരളീധരനും മുഖ്യമന്ത്രി ശ്രീ. പിണറായി വിജയനെ രാജിവെപ്പിച്ചേ അടങ്ങൂ എന്ന മട്ടിൽ ഒരുതരം വിരട്ടൽ സ്വരത്തിലാണ് സംസാരം. യുഡിഎഫ് നേതാക്കന്മാർ, പ്രത്യേകിച്ച് കോൺഗ്രസ് നേതാക്കൾ ഇത് ആസ്വദിച്ച് ബിജെപിയുടെ താളത്തിനൊത്ത് തുള്ളുന്ന കാഴ്ചയാണ് കാണുന്നത്. ബിജെപിക്ക് ഈ അഹങ്കാരം തോന്നുന്നത് എന്തിനും അവരുടെ കേന്ദ്ര സർക്കാർ കൂടെ ഉണ്ടാകും എന്ന തോന്നലിലാണ്. ഗുജറാത്തിൽ 2000-ൽ അധികം ആളുകളെ കശാപ്പ് ചെയ്തതിന്‍റെയും, യു.പി. യിൽ യോഗി സർക്കാർ നൂറുകണക്കിന് ആളുകളെ വെടിവച്ച് കൊന്നു കൊണ്ടിരിക്കുന്നതിന്‍റെയും, ജമ്മു കാശ്മീരിൽ ജനങ്ങളെയാകെ പീഡിപ്പിക്കുന്നതിന്‍റെയും ഒക്കെ ഊർജ്ജത്തിൽ നിന്നാകും ബിജെപിക്ക് ഇങ്ങനെ ഭീഷണിപ്പെടുത്താൻ ധൈര്യം ലഭിക്കുന്നത്. എന്നാൽ, അവർ ഒരു കാര്യം ഓർത്താൽ നന്നായിരിക്കും. ഇത് കേരളമാണ്. ഇവിടെ ഭരിക്കുന്നവർ ഏത് മർദ്ദനമുറകളെയും നേരിടാൻ കരുത്തുള്ള ജനനേതാക്കന്മാരാണ്.