ചാമ്പ്യൻസ്​ ലീഗ്​: ബയേൺ മ്യൂണിക്​ x ഒളിമ്പിക്​ ല്യോൺ സെമി ബുധനാഴ്ച

ലിസ്​ബൻ: ബാഴ്​സലോണ​യെ എട്ടടിയിൽ തീർത്ത ബയേൺ മ്യൂണിക്കിനു മുന്നിൽ ചാമ്പ്യൻസ്​ ലീഗ്​ സെമിയിൽ ഇന്ന്​ ഫ്രഞ്ച്​ അട്ടിമറിക്കാരായ ഒളിമ്പിക്​ ല്യോൺ. കരുത്തി​െൻറ പര്യായമാണ്​ ബയേൺ. താരങ്ങളുടെയും പ്രതിഭാധനരുടെയും ധാരാളിത്തം. എന്നാൽ, എതിരാളിയുടെ വലുപ്പച്ചെറുപ്പം കൂസാത്ത ധിക്കാരിയാണ്​ ഒളിമ്പിക്​ ല്യോൺ. തങ്ങളുടെ ദിനത്തിൽ അവർ ഏത്​ കൊമ്പനെയും കുത്തിവീഴ്​ത്തും. ഏറ്റവും ഒടുവിൽ ആ ശൂരത്വമറിഞ്ഞത്​ സാക്ഷാൽ പെപ്​ ഗ്വാർഡിയോളയുടെ മാഞ്ചസ്​റ്റർ സിറ്റിയാണെന്നത്​ അവരുടെ വലുപ്പം വർധിപ്പിക്കും.

കടലാസിലെ കരുത്തിലും മുടക്കിയ കാശി​െൻറ തൂക്കത്തിലുമല്ല ടീമി​െൻറ മികവെന്ന്​ വിശ്വസിക്കുന്നവരാണ്​ ഫ്രഞ്ച്​ ക്ലബ്​. യൂറോപ്യൻ ഫുട്​ബാൾ വേദികളിൽ അവർ എന്നും 'കറുത്ത കുതിരകളാ'ണ്​. എന്നാൽ, എതിരാളിയെ തീർത്തും നാ​മാവശേഷമാക്കുന്ന 'കില്ലർ ഇൻസ്​റ്റിങ്​റ്റ്​' ആണ്​ ബയേണി​െൻറ ഞരമ്പിൽ. പ്രീക്വാർട്ടറിൽ ചെൽസിക്കെതിരെ 7-1നും ശേഷം ബാഴ്​സലോണക്കെതിരെ 8-2നും ജയിച്ച ബയേണിന്​ പക്ഷേ, സെമി അത്ര എളുപ്പമാവില്ല. കാരണം ടാക്​ടിക്കൽ ഗെയിമി​െൻറ വമ്പന്മാരെ പിടിച്ചുകെട്ടിയാണ്​ ല്യോൺ വരുന്നത്​. പ്രീക്വാർട്ടറിൽ യുവൻറസിനെയും (2-2) ക്വാർട്ടറിൽ സിറ്റിയെയും (3-1) തോൽപിച്ചത്​ നിസ്സാര കാര്യമല്ല.

പ്രതിരോധത്തിൽ ജെറോം ബോ​െട്ടങ്​ മാത്രമാണ്​ ബയേണി​െൻറ ആശങ്ക. ഡേവിഡ്​ അലബ, അൽഫോൺസോ ഡേവിസ്​, ജോഷ്വ കിമിഷ്​ എന്നിവർ മിന്നും ഫോമിലായാൽ അതും പേടിക്കേണ്ട. ലെവൻഡോവ്​സ്​കി, മ്യൂളർ, നാബ്രി മുതൽ ബെഞ്ചിൽ നിന്നെത്തി രണ്ടു​ ഗോളടിച്ച കൗടീന്യോ വരെ സൂപ്പർ​ ഫോമിൽ. ല്യോണിൽ സൂപ്പർ സബ്​ ആയി വന്ന്​ ഇരട്ട ഗോളടിച്ച മൂസ ഡെംബലെയാണ്​ താരം. അതേസമയം, പ്രതിരോധത്തിലെ പിഴവുകളാണ്​ റൂഡി ഗാർഷ്യയുടെ ടീമി​െൻറ വലിയ തലവേദന.