‘ഉച്ചഭക്ഷണം എസ്.സി-എസ്.ടി വിഭാഗങ്ങൾക്കൊപ്പം’: കെ. സുരേന്ദ്രൻ മാപ്പ് പറയണമെന്ന് എസ്.സി-എസ്.ടി കോർഡിനേഷൻ കമ്മിറ്റി

കോഴിക്കോട്: ബി.ജെ.പി സംസ്ഥാന അധ്യക്ഷൻ കെ. സുരേന്ദ്രൻ നയിക്കുന്ന കേരള പദയാത്രയിൽ എസ്.സി-എസ്.ടി വിഭാഗങ്ങളെ പ്രത്യേകം ഉച്ചഭക്ഷണത്തിന് ക്ഷണിച്ച സംഭവത്തിൽ പ്രതിഷേധവുമായി എസ്.സി-എസ്.ടി കോർഡിനേഷൻ കമ്മിറ്റി. പട്ടിക ജാതി വിഭാഗങ്ങളോടുള്ള അവഹേളനമെന്ന് ജനറൽ കൺവീനർ രാജൻ പുലിക്കോട് കുറ്റപ്പെടുത്തി.

പട്ടിക വർഗക്കാരെ ഇതുവരെ പരിഗണിക്കാത്ത പാർട്ടിയാണ് ബി.ജെ.പി. സമുദായത്തോട് കാണിക്കുന്ന വഞ്ചനയാണിത്. സുരേന്ദ്രൻ മാപ്പ് പറയണമെന്നും ജനറൽ കൺവീനർ രാജൻ പുലിക്കോട് ആവശ്യപ്പെട്ടു.