പാചകവാതക വിലവര്‍ധന ജനങ്ങളോടുള്ള യുദ്ധപ്രഖ്യാപനം -കെ. സുധാകരന്‍

തിരുവനന്തപുരം: പാചകവാതക സിലിണ്ടറിന്റെ വില 50 രൂപ വീണ്ടും വര്‍ധിപ്പിച്ചത് സാധാരണ ജനങ്ങളോടുള്ള കേന്ദ്രസര്‍ക്കാറിന്റെ യുദ്ധപ്രഖ്യാപനമാണെന്ന് കെ.പി.സി.സി പ്രസിഡന്റ് കെ. സുധാകരന്‍.

എണ്ണക്കമ്പനികളും കേന്ദ്രസര്‍ക്കാറും നടത്തുന്ന പിടിച്ചുപറിയാണിത്. സാധാരണക്കാരന്റെ അടുക്കള അടച്ചുപൂട്ടേണ്ട സാഹചര്യമാണ്. കഠിനാധ്വാനം ചെയ്ത് സമ്പാദിക്കുന്ന പണം വിവിധ നികുതികളിലൂടെ തിരിച്ചുപിടിക്കുകയാണ്. നികുതി ഭാരം ഉയര്‍ത്തി ജനങ്ങളുടെ നടുവൊടിക്കുന്ന കേന്ദ്ര-സംസ്ഥാന സര്‍ക്കാറുകളുടെ നയങ്ങള്‍ക്കെതിരായ ഹിതപരിശോധനയും ജനവിധിയുമായിരിക്കും തൃക്കാക്കര ഉപതെരഞ്ഞെടുപ്പില്‍ പ്രതിഫലിക്കുകയെന്നും സുധാകരന്‍ പറഞ്ഞു.