ന്യൂനമർദം: കേരളത്തിൽ അഞ്ചു ദിവസം മഴ തുടരും

ന്യൂഡൽഹി: തെക്കൻ ഒഡിഷക്കും സമീപ പ്രദേശങ്ങൾക്കും മുകളിലായി ന്യൂനമർദം രൂപപ്പെട്ടതിനാൽ വടക്കുപടിഞ്ഞാറൻ ഇന്ത്യയിൽ ഞായറാഴ്ച കൂടുതൽ മഴ പെയ്യുമെന്ന് കേന്ദ്ര കാലാവസ്ഥാ വകുപ്പ്. ന്യൂനമർദം മൂലം കേരളം, ഛത്തിസ്ഗഡ്, മധ്യ പ്രദേശ്, ഒഡിഷ, മഹാരാഷ്ട്ര, ഗുജറാത്ത്, ആ​​ന്ധ്രപ്രദേശ്, തെലങ്കാന, കർണാടക എന്നിവിടങ്ങളിൽ അടുത്ത അഞ്ചു ദിവസം മഴ തുടരും.

കേരളത്തിൽ ഇന്ന് വ്യാപകമായ മഴക്ക് സാധ്യതയുണ്ട്. കാസർഗോഡ്, കണ്ണൂർ, കോഴിക്കോട് ജില്ലകളിൽ ഒറ്റപ്പെട്ട ശക്തമായ മഴ പെയ്യും.

തെക്കുപടിഞ്ഞാറൻ കാലവർഷത്തിൽ നിരവധി സംസ്ഥാനങ്ങളിൽ ശക്തമായ മഴക്ക് സാധ്യതയുണ്ടെന്നും ​കേന്ദ്ര കാലാവസ്ഥാ വകുപ്പ് അറിയിചചു. അടുത്ത ദിവസങ്ങളിലും മധ്യ ഇന്ത്യയിലും തീരപ്രദേശങ്ങളിലും മഴ തുടരും.