ബംഗാൾ ഉൾക്കടലിൽ ന്യൂനമർദം; ബുധനാഴ്ച വരെ ശക്തമായ മഴ; ഇന്ന് നാല് ജില്ലകളില്‍ യെല്ലോ അലര്‍ട്ട്

തിരുവനന്തപുരം: സംസ്ഥാനത്ത് ബുധനാഴ്ച വരെ ശക്തമായ മഴയുണ്ടാകുമെന്ന് കാലാവസ്ഥാ നിരീക്ഷണ കേന്ദ്രം. ബംഗാൾ ഉൾക്കടലിൽ ന്യൂനമർദത്തിന്‍റെ ഫലമായാണ്​ മഴ കനക്കുക. ഇന്ന്​ നാല്​ ജില്ലകളിൽ യെല്ലോ അലർട്ട്​ പ്രഖ്യാപിച്ചു. കോട്ടയം, എറണാകുളം, കണ്ണൂർ, കാസർകോട്​ ജില്ലകളിലാണ്​ മഴ മുന്നറിയിപ്പ്​.

വെള്ളിയാഴ്ചയോടെ ന്യൂനമര്‍ദം ദുര്‍ബലമാകും. വടക്കന്‍ ജില്ലകളിലാണ്​ കൂടുതൽ മഴ ലഭിക്കുക. നാളെ ഏഴ് ജില്ലകളിൽ മഴയുണ്ടാകും. നാളെ കോട്ടയം, എറണാകുളം, കണ്ണൂർ, കാസർകോട്, വയനാട്​, കോഴിക്കോട്​, ഇടുക്കി ജില്ലകളിൽ യെല്ലോ അലർട്ട്​ പ്രഖ്യാപിച്ചു.

ചൊവ്വാഴ്ച 12 ജില്ലകളിലാണ് യെല്ലോ അലർട്ട്. മഴക്കൊപ്പം ശക്തമായ കാറ്റിനും സാധ്യതയുണ്ട്. മത്സ്യത്തൊഴിലാളികള്‍ ജാഗ്രത പാലിക്കണം.