അറബിക്കടലിൽ അ​േഞ്ചാടെ ന്യൂനമർദം; ആറുമുതൽ കടലിൽ പോകുന്നതിന്​ നിയന്ത്രണം

തിരുവനന്തപുരം: അറബിക്കടലി​​​​െൻറ തെക്ക്-കിഴക്കൻ ഭാഗത്ത് ഒക്ടോബര്‍ ആറിന്​ ന്യൂനമർദം രൂപപ്പെടാന്‍ സാധ്യതയുണ ്ടെന്ന്​ കാലാവസ്ഥനിരീക്ഷണ കേന്ദ്രം അറിയിച്ചു. ഒക്ടോബർ ഏഴ്​, എട്ട്​ തീയതികളിൽ ന്യൂനമര്‍ദം ശക്തിപ്പെട്ട് അറബിക്കടലി‍​​​െൻറ വടക്ക്-പടിഞ്ഞാറൻ ഭാഗത്തേക്ക് നീങ്ങും. കടൽ അതിപ്രക്ഷുബ്​ധമാകാൻ സാധ്യതയുള്ളതിനാൽ കേരളത്തില്‍നിന്നുള്ള മത്സ്യത്തൊഴിലാളികൾ ഒക്ടോബർ ആറ്​ മുതൽ അറബിക്കടലില്‍ മത്സ്യബന്ധനത്തിന് പോകരു​തെന്നും മുന്നറിയിപ്പുണ്ട്​.

മുന്നറിയിപ്പ് തീരദേശ ഗ്രാമങ്ങളിലും, തുറമുഖങ്ങളിലും, മത്സ്യബന്ധന മേഖലയിലെ ആരാധനാലയങ്ങളിലും, തീരപ്രദേശത്തെ ജനപ്രതിനിധികൾക്കും, മത്സ്യബന്ധനവുമായി ബന്ധപ്പെട്ട് പ്രവർത്തിക്കുന്ന മറ്റു സർക്കാർ സ്ഥാപനങ്ങൾക്കും നൽകണമെന്ന്​​ ദുരന്തനിവാരണ അതോറിറ്റി ഫിഷറീസ്​ വകു​പ്പിനോട്​ നിർദേശിച്ചു. ദീര്‍ഘനാളത്തേക്ക് മത്സ്യബന്ധനത്തിന് പോയവരെ വിവരം അറിയിക്കണം. ഒക്ടോബര്‍ അഞ്ചിന് മുമ്പ്​ സുരക്ഷിതമായി തീരം അണയണമെന്ന്​ ഇവരോട്​ നിർദേശിക്കണം.

തിങ്കളാഴ്​ച മുതല്‍ കടലില്‍ പോകുന്നവര്‍ അഞ്ചിനകം മടങ്ങിയെത്തണം. കടല്‍ ആംബുലന്‍സുകള്‍ സുസജ്ജമാക്കണമെന്നും അടിയന്തര രക്ഷാപ്രവര്‍ത്തന ബോട്ടുകള്‍ പ്രവര്‍ത്തനക്ഷമമാണെന്ന് ഉറപ്പുവരുത്തണമെന്നും നിർദേശിച്ചിട്ടുണ്ട്​.

ഇടുക്കി, പത്തനംതിട്ട ജില്ലകളിൽ രണ്ടിന്​ യെല്ലോ അലർട്ട്​ പ്രഖ്യാപിച്ചിട്ടുണ്ട്​. ഇവിടെ ശക്തമായ മഴക്ക് (64.4 മുതൽ 124.4 മി. മീ.വരെ) സാധ്യതയുണ്ട്​.