മഴക്കെടുതി വിലയിരുത്താൻ കേന്ദ്ര സംഘം ഏഴിന്​ എത്തും 

തിരുവനന്തപുരം: കേരളത്തിലെ മഴക്കെടുതി വിലയിരുത്താൻ അടുത്ത ആഴ്​ച കേന്ദ്ര സംഘം എത്തും. ആഭ്യന്തര വകുപ്പ്​ സെക്രട്ടറി ധർമ്മ റെഡ്​ഡിയുടെ നേതൃത്വത്തിലുള്ള ഏഴംഗസംഘമാണ്​ ആഗസ്​റ്റ്​​ ഏഴിന്​ സംസ്​ഥാനത്തെത്തുക. ഏഴ്​, എട്ട്​, ഒമ്പത്​ തീയതികളിലാണ്​ സംഘം ദുരിതബാധിത പ്രദേശങ്ങൾ സന്ദർശിക്കുക. ​

ഏഴിന്​ കൊച്ചിയിലെത്തുന്ന സംഘം മഴ ഏറ്റവും കൂടുതൽ ദുരിതം വിതച്ച​ കുട്ടനാട്​, ആലപ്പുഴ എന്നിവിടങ്ങളിൽ ഏട്ടിന്​ സന്ദർശിക്കും. ഒമ്പതിന്​ മുഖ്യമന്ത്രിയുമായും റവന്യൂ മന്ത്രിയുമായും കൂടിക്കാഴ്​ച നടത്തും. തുടർന്ന്​ കോട്ടയം, പത്തനം തിട്ട ജില്ലകളിലും സന്ദർശിച്ച ശേഷം ഡൽഹിയിലേക്ക്​ മടങ്ങും.