താമരശ്ശേരി ചുരത്തിൽ ലോറി കത്തി നശിച്ചു

വൈത്തിരി: താമരശ്ശേരി ചുരത്തിൽ ആറാം വളവിനു സമീപം ചരക്കു ലോറി കത്തിനശിച്ചു. ആളപായമില്ല. ശനിയാഴ്​ച പുലർച്ചെ ഒന്നരയോടെയാണ് സംഭവം.  ബംഗളൂരുവിൽ നിന്നും കോഴിക്കോട്ടേയ്ക്ക് 600 ചാക്ക് സിമൻറുമായി പോകുകയായിരുന്നു ലോറി.

ലോറിയിൽ നിന്നും തീ ഉയരുന്നത് ശ്രദ്ധയിൽപെട്ട ഡ്രൈവർ ലോറി വശത്തേക്ക് നിർത്തുകയായിരുന്നു. കൽപറ്റയിൽ നിന്നും രണ്ടു അഗ്​നിശമന സേന യൂനിറ്റുകൾ എത്തിയാണ് തീ അണച്ചത്. ലോറി പൂർണമായും കത്തി നശിച്ചു.